ಕೇಂದ್ರವೇ ಎಲ್ಲರಿಗೂ ಉಚಿತ ಲಸಿಕೆ ನೀಡಲಿ: ರಾಮಲಿಂಗಾರೆಡ್ಡಿ

Team Udayavani, Jun 23, 2021, 5:18 PM IST

ಬೆಂಗಳೂರು: ಖಾಸಗಿಯವರಿಗೆ ಶೇ.25 ಲಸಿಕೆಗೆ ಅವಕಾಶ ನೀಡದೆಎಲ್ಲರಿಗೂ ಕೇಂದ್ರ ಸರ್ಕಾರವೇ ಲಸಿಕೆ ನೀಡಬೇಕು ಎಂದು ಕೆಪಿಸಿಸಿಕಾರ್ಯಾಧ್ಯಕ್ಷ ರಾಮಲಿಂಗಾರೆಡ್ಡಿ ಆಗ್ರಹಿಸಿದ್ದಾರೆ.

ಕೆಪಿಸಿಸಿ ಕಚೇರಿಯಲ್ಲಿ ಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಅವರು, ಶೇ.75 ಜನರಿಗೆಸರ್ಕಾರ ಲಸಿಕೆ ನೀಡಲಿದ್ದು ಉಳಿದ ಶೇ.25ರಷ್ಟು ಮಂದಿಗೆಖಾಸಗಿ ವಲಯದಿಂದ ಲಸಿಕೆನೀಡಲು ಅವಕಾಶ ಕಲ್ಪಿಸಲಾಗಿದೆ ಎಂದುಹೇಳಲಾಗಿದೆ. ಆ ಶೇ.25 ರಷ್ಟು ಜನರನ್ನುಹೇಗೆ ವರ್ಗೀಕರಣ ಮಾಡಲಾಗುತ್ತದೆ ಎಂದು ಪ್ರಶ್ನಿಸಿದರು.

ಲಸಿಕೆ ಅಲಭ್ಯತೆಯಿಂದ ಆತಂಕಗೊಂಡು ಹಣ ನೀಡಿ ಖಾಸಗಿಆಸ್ಪತ್ರೆಗಳಲ್ಲಿ ಲಸಿಕೆ ಪಡೆಯುತ್ತಿದ್ದಾರೆ. ಸರ್ಕಾರವೇ ಖರೀದಿಸಿದರೆಪ್ರತಿ ಲಸಿಕೆ 200 ರೂ. ಒಳಗೆ ಲಭ್ಯವಾಗುತ್ತದೆ. ಖಾಸಗಿಯವರ ಬಳಿ900 ರೂ.ನಿಂದ 1200 ರೂ.ವರೆಗೆ ದರ ವಸೂಲಿ ಮಾಡಲಾಗುತ್ತಿದೆ.ಇದು ಜನರ ಮೇಲೆ ಹಾಕುವ ಹೊರೆಯಲ್ಲವೇ ಎಂದರು. ಈಗಖಾಸಗಿ ಆಸ್ಪತ್ರೆಗಳಲ್ಲಿ ಒಂದು ಡೋಸ್‌ಗೆ 900ರಿಂದ 1200 ರೂ.ವಿಧಿಸಲಾಗುತ್ತಿದೆ. ಆ ಮೂಲಕ ಒಬ್ಬ ವ್ಯಕ್ತಿ ಲಸಿಕೆ ಪಡೆಯಲು1800ರಿಂದ2400 ರೂ. ವರೆಗೂ ವೆಚ್ಚ ಭರಿಸಬೇಕಾಗಿದೆ ಎಂದರು.