ಬಿ.ಎಲ್‌. ಶಂಕರ್‌ 4 ಕೋಟಿ ರೂ.ಸಾಲಗಾರ

Team Udayavani, Apr 24, 2018, 7:35 AM IST

ಚಿಕ್ಕಮಗಳೂರು: ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಬಿ.ಎಲ್‌. ಶಂಕರ್‌ ಒಟ್ಟು 36.74 ಕೋಟಿ ರೂ. ಆಸ್ತಿ ಹೊಂದಿದ್ದು, 4.20 ಕೋಟಿ ರೂ. ಸಾಲ ಮಾಡಿದ್ದಾರೆ. 

ಬ್ಯಾಂಕ್‌ಗಳಲ್ಲಿ ಠೇವಣಿ 8.17 ಲಕ್ಷ ರೂ.ಠೇವಣಿ ಇದ್ದು, 11.40 ಲಕ್ಷ ರೂಗಳನ್ನು ವಿವಿಧ ಹೂಡಿಕೆಯಲ್ಲಿ ತೊಡಗಿಸಿದ್ದಾರೆ. ಅವರ ಪತ್ನಿ ಮಲ್ಲಿಕಾ ಹೆಸರಿನಲ್ಲಿ 2.39 ಲಕ್ಷ ರೂ.ಠೇವಣಿ ಇದ್ದರೆ, 10.90 ಲಕ್ಷ ರೂ.ಗಳನ್ನು ವಿವಿಧ ರೀತಿ ಹೂಡಿಕೆಯಲ್ಲಿ ತೊಡಗಿಸಿದ್ದಾರೆ. 3 ಲಕ್ಷ ರೂ.ಗಳ ಜೀವವಿಮಾ ಪಾಲಿಸಿ ಇದೆ. ಟ್ರಾÂಕ್ಟರ್‌ ಸೇರಿ 3 ಕಾರುಗಳನ್ನು ಹೊಂದಿದ್ದು,ಇವುಗಳ ಮೌಲ್ಯ 40.39 ಲಕ್ಷ ರೂ. ಪತ್ನಿ ಹೆಸರಲ್ಲಿ ವಾಹನ ಇಲ್ಲ. ಶಂಕರ್‌ ಅವರ ಬಳಿ 3.60 ಲಕ್ಷ ರೂ.ಗಳ 120 ಗ್ರಾಂ ಚಿನ್ನವಿದೆ. ಅವರ ಪತ್ನಿ ಬಳಿ 18.11 ಲಕ್ಷ ರೂ. ಮೌಲ್ಯದ 550 ಗ್ರಾಂ ಚಿನ್ನವಿದೆ. ಮೂಡಿಗೆರೆ ತಾಲೂಕಿನಲ್ಲಿ 328 ಎಕರೆ ಕಾμತೋಟ ಹೊಂದಿದ್ದು, ಇದರ ಜೊತೆಗೆ ಒಂದು ರೈಸ್‌ಮಿಲ್‌ ಆವರಣ ಸೇರಿ ಒಟ್ಟು 19.72 ಕೋಟಿ ರೂ.ಗಳ ಸ್ಥಿರಾಸ್ತಿ ಹೊಂದಿದ್ದಾರೆ.