ಕುಕ್ಕೆ ಸುಬ್ರಹ್ಮಣ್ಯನ ಅವಭೃಥ ಸ್ನಾನ

Team Udayavani, Dec 15, 2018, 10:46 AM IST

ಸುಬ್ರಹ್ಮಣ್ಯ: ಮಹತೋಭಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇಗುಲದಲ್ಲಿ ಚಂಪಾ ಷಷ್ಠಿ ಜಾತ್ರಾ ಮಹೋತ್ಸವದ ಪ್ರಯುಕ್ತ ಶನಿವಾರ ಕುಮಾರಾಧಾರಾದಲ್ಲಿ ಶ್ರೀ ಸುಬ್ರಹ್ಮಣ್ಯ ದೇವರ ನೌಕಾವಿಹಾರ, ಅವಭೃಥ ಉತ್ಸವ ನಡೆಯಿತು.
ಮತ್ಸತೀರ್ಥದಲ್ಲಿ ಶ್ರೀ ದೇವರ ನೌಕಾ ವಿಹಾರ ನಡೆಯಿತು. ಬಳಿಕ ಕುಮಾರಧಾರೆಯ ಮತ್ಸತೀರ್ಥದ ಶ್ರೀ ದೇವರ ಜಳಕದ ಗುಂಡಿಯಲ್ಲಿ ಶ್ರೀ ದೇವರ ಅವಭೃತೋತ್ಸವದ ಧಾರ್ಮಿಕ ವಿಧಿ-ವಿಧಾನವನ್ನು ಪ್ರಧಾನ ಅರ್ಚಕ ವೇ| ಮೂ| ಸೀತಾರಾಮ ಎಡಪಡಿತ್ತಾಯ ನೆರವೇರಿಸಿದರು.

ಆನೆಯ ನೀರಾಟ
ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವರ ನೌಕಾ ವಿಹಾರ ಮತ್ತು ಅವಭೃಥ ಉತ್ಸವದ ಸಂದರ್ಭ ಗಮನ ಸೆಳೆಯುವುದು ದೇಗುಲದ ಗಜರಾಣಿ ಯಶಸ್ವಿ. ಶನಿವಾರ ಕೂಡ ಆನೆಯು ಅವಭೃಥ ವೇಳೆ ಜಲಕ್ರೀಡೆಯಲ್ಲಿ ತೊಡಗಿತ್ತು. ಭಕ್ತರು ವಿಶೇಷವಾಗಿ ಮಕ್ಕಳ ಜತೆ ಆನೆಯೂ ನೀರಾಟವಾಡಿ ಸಂಭ್ರಮಿಸಿತು.