ಮಲೆನಾಡು, ಕರಾವಳಿಯ ವಿವಿಧೆಡೆಯಲ್ಲಿ ಮತ್ತೆ ಸಕ್ರಿಯವಾದ ಸ್ಯಾಟಲೈಟ್ ಫೋನ್
Team Udayavani, Jun 5, 2022, 6:20 AM IST
ಸಾಂದರ್ಭಿಕ ಚಿತ್ರ.
ಮಂಗಳೂರು: ಮಲೆನಾಡು, ಕರಾವಳಿಯ ವಿವಿಧೆಡೆಯಲ್ಲಿ ಆಗಿಂದಾಗ ಸಂಪರ್ಕ ಸಾಧಿಸುವ ಸ್ಯಾಟಲೈಟ್ ಫೋನ್ ಮತ್ತೆ ರಿಂಗಣಿಸಿದೆ.
ಕಳೆದ 10 ದಿನಗಳಲ್ಲಿ 4 ಕಡೆಗಳಿಂದ ಸ್ಯಾಟಲೈಟ್ ಫೋನ್ ಮೂಲಕ ಸಂಪರ್ಕ ಮಾಡಲಾಗಿದೆ. ಮಂಗಳೂರು ಹೊರವಲಯದ ನಾಟೆಕಲ್, ಚಿಕ್ಕಮಗಳೂರಿನ ಕಡೂರು-ಬೀರೂರು ನಡುವಿನ ಅರಣ್ಯ ಪ್ರದೇಶ, ಉತ್ತರಕನ್ನಡ ಜಿಲ್ಲೆಯ ಯಲ್ಲಾಪುರ, ಶಿರಸಿ ಭಾಗದಲ್ಲಿ ಮತ್ತೆ ಸಕ್ರಿಯ ಆಗಿರುವುದು ಗುಪ್ತಚರ ಏಜೆನ್ಸಿಗಳ ಗಮನಕ್ಕೆ ಬಂದಿದೆ.
ಕಳೆದ ಕೆಲ ವರ್ಷಗಳಿಂದ ಕೆಲವು ಬಾರಿ ಈ ರೀತಿಯ ಉಪಗ್ರಹ ಫೋನ್ ಕರೆಗಳು ಬಂದಿರುವುದು ವರದಿಯಾಗಿದ್ದರೂ ಇದರ ಬಗ್ಗೆ ಯಾವುದೇ ಸುಳಿವು ಸಿಕ್ಕಿಲ್ಲ.