ದಿ|ಯು. ಶ್ರೀನಿವಾಸ್ ಮಲ್ಯರ ಅಂಚೆಚೀಟಿ, ಡಿವಿಡಿ ಬಿಡುಗಡೆ
Team Udayavani, Dec 21, 2017, 12:43 PM IST
ಕದ್ರಿ: ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ನಿರ್ಮಾತೃ ಎಂದೇ ಖ್ಯಾತರಾದ ಮಾಜಿ ಸಂಸದ ದಿ| ಉಳ್ಳಾಲ ಶ್ರೀನಿವಾಸ್ ಮಲ್ಯರ 52ನೇ ಪುಣ್ಯತಿಥಿಯಂದು ಅವರ ಸಮಗ್ರ ಬದುಕಿನ ವಿವರಗಳು ಹಾಗೂ ಅಪೂರ್ವ ಛಾಯಾಚಿತ್ರವಿರುವ ಡಿವಿಡಿ ಹಾಗೂ ಅಂಚೆ ಇಲಾಖೆ ಸಹಯೋಗದಲ್ಲಿ ಹೊರತಂದ ಅಂಚೆ ಚೀಟಿ ಬಿಡುಗಡೆಗೊಳಿಸಲಾಯಿತು. ಮಲ್ಯರನ್ನು ಹತ್ತಿರದಿಂದ ಬಲ್ಲ 92ರ ಹರೆಯದ ನಿವೃತ್ತ ಸರಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾಧ್ಯಾಯ ವಿ. ವೆಂಕಟ ರಮಣಯ್ಯ ಹಾಗೂ ಬಿ. ಲಲಿತಾ ಬಾಯಿ ಅವರು ಕದ್ರಿಯಲ್ಲಿರುವ ತಮ್ಮ ನಿವಾಸದಲ್ಲಿ ಮಂಗಳವಾರ ಡಿವಿಡಿ ಮತ್ತು ಅಂಚೆ ಚೀಟಿ ಮೈ ಸ್ಟ್ಯಾಂಪ್ ಅನ್ನು ಬಿಡುಗಡೆಗೊಳಿಸಿದರು.
ಮಲ್ಯರು ಜಿಲ್ಲೆಗೆ ನೀಡಿರುವ ಸುಮಾರು 12 ಸಾಧನೆಗಳ ಬಗ್ಗೆ ಹಾಗೂ ಕಾರ್ಯ ಸಾಧನೆಗಳ ಅಪರೂಪದ ದೃಶ್ಯಾವಳಿಗಳಿರುವ 30 ನಿಮಿಷಗಳ ಸಾಕ್ಷ್ಯಚಿತ್ರದೊಂದಿಗೆ ವಿವರಣೆ ಸಹಿತವಾಗಿ ಡಿವಿಡಿಯನ್ನು ಸಿದ್ಧಪಡಿಸಲಾಗಿದೆ. ಕಸ್ತೂರಿ ಬಾಲಕೃಷ್ಣ ಪೈ ಅವರ ಸಂಗ್ರಹದಲ್ಲಿದ್ದ ವಿರಳ ಛಾಯಾಚಿತ್ರಗಳನ್ನು ಇದರಲ್ಲಿ ಬಳಸಿಕೊಳ್ಳಲಾಗಿದೆ.
ಶ್ರೀನಿವಾಸ್ ಮಲ್ಯರವರ ಸಹೋದರನ ಪುತ್ರನಾದ ನರಹರಿ ಮಲ್ಯ, ಕಸ್ತೂರಿ ಬಾಲಕೃಷ್ಣ ಪೈ ದಂಪತಿ, ಮಂಗಳೂರು ಆಕಾಶವಾಣಿ ನಿಲಯ ನಿರ್ದೇಶಕಿ ಎಸ್. ಉಷಾಲತಾ ಹಾಗೂ ಬಿಎಸ್ಎನ್ಎಲ್ನ ಹಿರಿಯ ಉಪ ಮಂಡಲ ಅಭಿಯಂತರ ಆನೆಕಲ್ಲು ಗೋಪಾಲಕೃಷ್ಣ ಪ್ರಭು ಹಾಗೂ ಛಾಯಾಗ್ರಾಹಕ ಕೃಷ್ಣ ನಾಯಕ್ ಉಪಸ್ಥಿತರಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bengaluru; ಉದ್ಯೋಗ ಅರಸಿ ಬಂದಿದ್ದ ಕಲಬುರಗಿಯ ಯುವಕ ಆತ್ಮಹತ್ಯೆ
ಬೆಳ್ತಂಗಡಿಯಲ್ಲಿ ಬಸ್-ಟ್ಯಾಂಕರ್ ಅಪಘಾತ: ತಪ್ಪಿದ ಭಾರೀ ಅನಾಹುತ, 20 ಮಂದಿಗೆ ಗಾಯ
Sivakasi ಪಟಾಕಿ ಘಟಕದಲ್ಲಿ ಸ್ಪೋಟ; ಐವರು ಮಹಿಳೆಯರು ಸೇರಿ 8 ಮಂದಿ ಸಾವು
LS poll ಅಭಿವೃದ್ಧಿಗಾಗಿ ಮತ ಮತ್ತು ‘ಜಿಹಾದ್ಗೆ ಮತ ಹಾಕಿ’ ನಡುವಿನ ಸ್ಪರ್ಧೆ: ಶಾ
ಇಲ್ಲಿದೆ ʼKhatron Ke Khiladi 14ʼ ನಲ್ಲಿ ಭಾಗಿಯಾಗುವ ಸ್ಪರ್ಧಿಗಳ ಪಟ್ಟಿ..