ಅಮೆರಿಕದಲ್ಲೇ ಕುಳಿತು ಕನ್ನಡ, ತುಳು ಕಲಿತ ಸ್ಯಾಮ್ಯುಯಲ್!
Team Udayavani, May 9, 2024, 7:15 AM IST
ಮಂಗಳೂರು: ಅಮೆರಿಕದ ಸ್ಯಾಮುಯೆಲ್ ಎಲ್ಲೋ… ತುಳು ಭಾಷೆ ಎಲ್ಲೋ… ವಿವಿಧ ಭಾಷೆಗಳಲ್ಲಿ ಆಸಕ್ತಿ ಹೊಂದಿರುವ ಅಮೆರಿಕ ನಿವಾಸಿ ಯುವಕ ಆನ್ಲೈನ್ನಲ್ಲೇ ಕನ್ನಡ ಹಾಗೂ ತುಳು ಕಲಿತ ಕಥೆ ಇದು.
ಯಾವುದೇ ಗುರುವಿಲ್ಲದೆ, ಆನ್ಲೈನ್ ಸಾಮಗ್ರಿಗಳನ್ನೇ ಬಳಸಿಕೊಂಡು ಕನ್ನಡ ಲಿಪಿ, ಸಂಭಾಷಣೆ, ತುಳು ಸಂಭಾಷಣೆಯನ್ನು ಕಲಿತಿದ್ದಾರೆ 23ರ ಹರೆಯದ ಸ್ಯಾಮುಯೆಲ್ ಡ್ರಾಗೊಮೈರ್. ಅವರ ತುಳು ಕಲಿಕೆಗೆ ನೆರವಾದವರು ಕೆಲವು ಶೆಟ್ಟಿ ಮತ್ತು ಪೂಜಾರಿ ಸ್ನೇಹಿತರು. ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ಲಭ್ಯವಿರುವ ಕನ್ನಡ, ತುಳು ಸಾಮಗ್ರಿಗಳನ್ನು ಶೋಧಿಸಿ, ಆಸಕ್ತಿಯಿಂದ ಕಲಿತಿದ್ದಾರೆ. ಸದ್ಯ ಅವರ ತುಳು ಹೇಗಿದೆಯೆಂದರೆ ತುಳುವರು ಎಲ್ಲಾದರೂ ಆಂಗ್ಲಪದ ಬಳಸಿದರೂ ಅದಕ್ಕೆ ತುಳುವಿನಲ್ಲೇ ಉತ್ತರಿಸುವಷ್ಟರ ಮಟ್ಟಿಗೆ. “ಮೂಲು ಮೋಸ್ಕಿಟೋಸ್ ಉಂಡಾ’ ? ಎಂದು ಕೇಳಿದರೆ “ಉಮಿಲ್ ಉಂಡು’ ಎಂದು ನಗುತ್ತಾರೆ.
ಶೀಘ್ರ ಮಂಗಳೂರಿಗೆ ಭೇಟಿ
ವಾರದ ಹಿಂದೆಯಷ್ಟೇ ಬೆಂಗಳೂರಿಗೆ ಆಗಮಿಸಿರುವ ಸ್ಯಾಮ್ ಸದ್ಯದಲ್ಲೇ ಮಂಗಳೂರಿಗೆ ಬರಲಿದ್ದಾರೆ. ಭಾಷೆ, ಸಂಸ್ಕೃತಿಗಳ ಬಗ್ಗೆ ಅಪಾರ ಆಸಕ್ತಿ ಹೊಂದಿರುವ ಅವರು ಈ ಬಗ್ಗೆ ಹೆಚ್ಚಿನ ಅಧ್ಯಯನ ನಡೆಸುವುದಕ್ಕೆ ಮಂಗಳೂರಿಗೆ ಬರುತ್ತಾರೆ. ನಾಲ್ಕು ತಿಂಗಳು ಇಲ್ಲೇ ಇದ್ದುಕೊಂಡು ತುಳುನಾಡಿನ ಬಗ್ಗೆ ಆಳವಾಗಿ ಕಲಿತುಕೊಳ್ಳುವ ಉಮೇದಿನಲ್ಲಿದ್ದಾರೆ. ತನ್ನದೇ ಯುಟ್ಯೂಬ್ ಚಾನೆಲ್ನಲ್ಲಿ ತಾನು ಕನ್ನಡ, ತುಳು ಕಲಿತ ವಿಚಾರವನ್ನು ಖುಷಿಯಿಂದಲೇ ಹೇಳಿಕೊಂಡಿದ್ದಾರೆ.
ಎಂಜಿನಿಯರಿಂಗ್ ವಿದ್ಯಾರ್ಥಿ
ನಾರ್ತ್ ಈಸ್ಟರ್ನ್ ವಿಶ್ವವಿದ್ಯಾಲಯದಲ್ಲಿ ಡಾಟಾ ಅನೆಲಿಟಿಕ್ಸ್ ಎಂಜಿನಿಯರಿಂಗ್ನಲ್ಲಿ ಎಂ.ಎಸ್. ಮಾಡುತ್ತಿರುವ ಸ್ಯಾಮ್ ಪೋರ್ಚುಗೀಸ್ ಭಾಷೆ ಬಲ್ಲರು. ತುಳು, ಕನ್ನಡ ಕಲಿಯುತ್ತಿದ್ದೇನೆ, ತುಳುವಿಗಾಗಿಯೇ ಪ್ರತ್ಯೇಕ ಯುಟ್ಯೂಬ್ ಚಾನೆಲ್ ಮಾಡಿದ್ದೇನೆ ಎಂದು ತಮ್ಮ ವಿವರದಲ್ಲಿ ತಿಳಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
“ಪ್ರೇತ’ ಮದುವೆಗೆ ಕೊನೆಗೂ ಸಿಕ್ಕಿದ “ವರ’! ಆಟಿಯಲ್ಲಿ ನಡೆಯಲಿದೆ “ಪ್ರೇತ ಮದುವೆ’
Mangaluru University; ಪದವಿ 3 ವರ್ಷಕ್ಕೆ; ಪಠ್ಯಕ್ರಮ ಬದಲಾವಣೆಗೆ ವಿ.ವಿ. ನಿರ್ಧಾರ
Kerala “ವೆಸ್ಟ್ನೈಲ್’ ಜ್ವರದ ಆತಂಕ; ದ.ಕ. ಜಿಲ್ಲೆಯಲ್ಲೂ ವಿಶೇಷ ನಿಗಾ
ನೈಋತ್ಯ ಕ್ಷೇತ್ರ; ಬಿಜೆಪಿ- ಜೆಡಿಎಸ್ ಒಮ್ಮತದ ಅಭ್ಯರ್ಥಿಗೆ ಗೆಲುವು: ಡಾ| ಧನಂಜಯ ಸರ್ಜಿ
Mulki ಪ್ರೇಯಸಿ ಆತ್ಮಹತ್ಯೆ ಬೆನ್ನಲ್ಲೇ ಪ್ರಿಯತಮನೂ ಆತ್ಮಹತ್ಯೆ