ಪ್ರವಾಹ ಸಂತ್ರಸ್ತರಿಗೆ ಕೋಲಾರದಿಂದ ಚಪಾತಿ!

ನೂರಾರು ಸ್ವಯಂ ಸೇವಕರಿಂದ ಚಪಾತಿ ತಯಾರಿ • ಸಾಮಾಜಿಕ ತಾಣದಲ್ಲಿ ಮಾಡಿದ ಮನವಿಗೆ ಉತ್ತಮ ಸ್ಪಂದನೆ

Team Udayavani, Aug 12, 2019, 3:15 PM IST

ಕೋಲಾರ ನಗರದ ದೊಡ್ಡಪೇಟೆಯ ಶಾರದಾಂಬ ಛತ್ರದಲ್ಲಿ ನೆರೆ ಸಂತ್ರಸ್ತರಿಗೆ ಚಪಾತಿ ಹೊಸೆಯುತ್ತಿರುವ ಮಹಿಳೆಯರು

ಕೋಲಾರ: ರಾಜ್ಯದ ನೆರೆ ಪೀಡಿತ ಜಿಲ್ಲೆಗಳ ಸಂತ್ರಸ್ತರಿಗೆ ಆಹಾರ ಒದಗಿಸುವ ಕಾರ್ಯಕ್ಕೆ ನಗರದ ಜನತೆ ಸ್ವಯಂ ಪ್ರೇರಿತರಾಗಿ ಮುಂದಾಗಿದ್ದಾರೆ. ದೊಡ್ಡಪೇಟೆಯ ಶಾರದಾಂಬ ಛತ್ರದಲ್ಲಿ ಭಾನುವಾರ ಬೆಳಗ್ಗೆಯಿಂದಲೇ ಆರಂಭವಾಗಿರುವ ಈ ಕಾರ್ಯದಲ್ಲಿ ನೂರಕ್ಕೂ ಹೆಚ್ಚು ಮಂದಿ ಸ್ವಯಂ ಸೇವಕರಾಗಿ ಆಗಮಿಸಿ ದುಡಿಯುತ್ತಿದ್ದಾರೆ.

ನೆರೆ ಸಂತ್ರಸ್ತರಿಗಾಗಿ 10 ಸಾವಿರ ಚಪಾತಿ ಮತ್ತು ರೊಟ್ಟಿಗಳನ್ನು ತಯಾರಿಸುವ ಗುರಿ ಹೊಂದಲಾಗಿದ್ದು, ಭಾನುವಾರ ಮತ್ತು ಸೋಮವಾರ ಸಂಜೆ 4 ಗಂಟೆಯವರೆಗೂ ಈ ಕಾರ್ಯ ಮುಂದುವರಿಯಲಿದೆ. ಮಹಿಳೆಯರು ಹಿಟ್ಟನ್ನು ಕಲಿಸಿ ಲಟ್ಟಿಸಿ ಚಪಾತಿಗಳನ್ನು ಬೇಯಿಸುತ್ತಿದ್ದರೆ, ಮಕ್ಕಳು ಮತ್ತು ಯುವಕರು ಅವುಗಳನ್ನು ಆರಿಸಿ ಕೆಡದಂತೆ ಬೆಳ್ಳಿ ಲೇಪಿತ ಪೇಪರ್‌ ಮೂಲಕ ಪೊಟ್ಟಣ ಕಟ್ಟುವ ಕಾಯಕದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.

ಇಂದು ಪೊಟ್ಟಣ ಕಟ್ಟುವ ಕಾರ್ಯ: ನಾಲ್ಕು ಚಪಾತಿ ಇರುವ ಪೊಟ್ಟಣ ಕಟ್ಟುತ್ತಿದ್ದು, ಇದರ ಜೊತೆಗೆ ಉಪ್ಪಿನಕಾಯಿ, ಜಾಮ್‌ ಮತ್ತು ನೀರಿನ ಬ್ಯಾಗ್‌ಗಳನ್ನು ಕಳುಹಿಸಲು ಸಂಗ್ರಹಿಸ ಲಾಗುತ್ತಿದೆ. ಭಾನುವಾರ ಇಡೀ ದಿನ ಚಪಾತಿ ತಯಾರಿಸುವ ಕಾರ್ಯ ನಡೆದಿದ್ದು, ಸೋಮವಾರ ಸಂಜೆ 4 ಗಂಟೆಯವರೆಗೂ ಸಾಧ್ಯವಾದಷ್ಟು ಆಹಾರ ಪೊಟ್ಟಣಗಳನ್ನು ತಯಾರಿಸುವ ಗುರಿ ಹೊಂದಲಾಗಿದೆ.

ಮೆಚ್ಚುಗೆ: ನೆರೆ ಪೀಡಿತ ಪ್ರದೇಶಗಳಿಗೆ ಬರ ಪೀಡಿತ ಕೋಲಾರ ಜಿಲ್ಲೆಯಿಂದ ಆಹಾರ ಪದಾರ್ಥಗಳನ್ನು ತಯಾರಿಸಿ ಕಳುಹಿಸುವ ಕಾರ್ಯ ಮಾಡುತ್ತಿರುವುದು ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದೆ.

ಈ ಕಾರ್ಯಕ್ರಮದ ಉಸ್ತುವಾರಿಯನ್ನು ನಾಗರಾಜ್‌, ಎಸ್‌.ವಿ. ವಿಜಯಕುಮಾರ್‌, ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಮಹಿಳಾ ಸಂಘ ಮತ್ತು ವಾಸವಿ ಮಹಿಳಾ ಮಂಡಳಿಯ ಸದಸ್ಯೆಯರಾದಅರುಣಾ, ಕವಿತಾ, ದೀಪಾ, ಉಮಾ ಇತರರು ನೇತೃತ್ವ ವಹಿಸಿಕೊಂಡಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ