ಜಿಲ್ಲೆಯಲ್ಲಿ ಶತಕ ದಾಟಿದ ಸೋಂಕಿತರ ಸಂಖ್ಯೆ

Team Udayavani, Jun 28, 2020, 7:29 AM IST

ಕೋಲಾರ: ಜಿಲ್ಲೆಯಲ್ಲಿ ಶನಿವಾರ 14 ಕೋವಿಡ್‌ 19 ಸೋಂಕಿನ ಹೊಸ ಪ್ರಕರಣಗಳು ವರದಿಯಾಗುವ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 104ಕ್ಕೆ ಏರಿದ್ದು, ಶತಕ ದಾಟಿದೆ. ಶನಿವಾರ ನಾಲ್ಕು ಮಂದಿ ಗುಣಮುಖರಾಗಿದ್ದು, ಒಟ್ಟು  ಗುಣಮುಖರಾದವರ ಸಂಖ್ಯೆ 46ಕ್ಕೇರಿ ದಂತಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 57 ಆಗಿದೆ. ತುರ್ತು ನಿಗಾ ಘಟಕದಲ್ಲಿ ಓರ್ವ ಸೋಂಕಿತ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಓರ್ವ ಮಹಿಳೆ ಸಾವನ್ನಪ್ಪಿದ್ದಾರೆ. ಶನಿವಾರ ಪತ್ತೆಯಾದ 14 ರೋಗಿಗಳ  ಪೈಕಿ ಕೋಲಾರ, ಕೆಜಿಎಫ್‌ನಲ್ಲಿ ತಲಾ 5, ಮುಳಬಾಗಿಲು-3 ಹಾಗೂ ಬಂಗಾರಪೇಟೆಯಲ್ಲಿ ಒಂದು ಪ್ರಕರಣ ದಾಖಲಾಗಿದೆ. ಕೋಲಾರದಲ್ಲಿ ಅಂತರ ಜಿಲ್ಲಾ ಪ್ರವಾಸದ ಹಿನ್ನೆಲೆ ಹೊಂದಿರುವ 25 ವರ್ಷದ ಪುರುಷ, 40 ವರ್ಷದ ಮಹಿಳೆ, 38  ವರ್ಷದ ಪುರುಷ, ಸೋಂಕಿತ ಪಿ 9234 ಸಂಪರ್ಕದಲ್ಲಿದ್ದ 26 ಮತ್ತು 22 ವರ್ಷದ ಇಬ್ಬರು ಯುವಕರು ಸೋಂಕಿತರಾಗಿದ್ದಾರೆ.

ಕೆಜಿಎಫ್‌ ತಾಲೂಕಿನಲ್ಲಿ ಪಿ.9318 ರೋಗಿಯ ಸಂಪರ್ಕದಲ್ಲಿದ್ದ 30 ವರ್ಷದ ಪುರುಷ ಮತ್ತು 50 ವರ್ಷದ ಮಹಿಳೆ ಸೋಂಕಿತರಾಗಿದ್ದಾರೆ. ನೆರೆಯ ಆಂಧ್ರಪ್ರದೇಶದ ಕುಪ್ಪಂನಲ್ಲಿ ಸೋಂಕಿತರ ಸಂಪರ್ಕದಲ್ಲಿದ್ದ 54 ವರ್ಷದ ಪುರುಷ, 50 ವರ್ಷದ ಮಹಿಳೆ, 26 ವರ್ಷದ ಮಹಿಳೆ  ಸೋಂಕಿತರಾಗಿದ್ದಾರೆ. ಮುಳಬಾಗಿಲು ತಾಲೂಕಿನಲ್ಲಿ 34 ವರ್ಷದ ಪುರುಷ ಹಾಗೂ ಬಂಗಾರಪೇಟೆಯ 56 ವರ್ಷದ ಮಹಿಳೆ ಇವರು ಅಂತಾರಾಜ್ಯ ಸಂಪರ್ಕದಿಂದ ಸೋಂಕಿತರಾಗಿದ್ದಾರೆ.

ಒಂದೇ ದಿನದಲ್ಲಿ 10ಕ್ಕಿಂತ ಹೆಚ್ಚು ಪ್ರಕರಣ ವರದಿಯಾಗಿರುವುದು ಇದೇ ಮೊದಲಾಗಿದೆ. ಕೋಲಾರದ ಪಿ.3928, ಮಾಲೂರು  ತಾಲೂಕಿನ ಪಿ.6571, ಬಂಗಾರಪೇಟೆ ತಾಲೂಕಿನ ಪಿ.6174 ಮತ್ತು ಪಿ.6173 ಗುಣಮುಖ ರಾಗಿದ್ದಾರೆ. ಕೋಲಾರದಲ್ಲಿ 3, ಶ್ರೀನಿವಾಸಪುರದಲ್ಲಿ 2, ಮುಳಬಾಗಿ ಲಿನಲ್ಲಿ ಒಬ್ಬರಿಗೆ ಸೋಂಕು ದೃಢಪಟ್ಟಿದೆ ಎನ್ನಲಾಗಿದ್ದು, ಭಾನುವಾರದ ಆರೋಗ್ಯ ಬುಲೆಟೀನ್‌ನಲ್ಲಿ ಸೇರ್ಪಡೆಯಾಗಲಿದೆ.