Hunsur Wheeling ; ಇನ್ಸ್ಪೆಕ್ಟರ್ ಮೇಲೆ ಆಟೋ ಹತ್ತಿಸಲು ಯತ್ನ!: ಆರೋಪಿ ಬಂಧನ
Team Udayavani, Aug 17, 2023, 11:49 PM IST
ಹುಣಸೂರು: ಅಪಾಯಕಾರಿಯಾಗಿ ಆಟೋ ವೀಲಿಂಗ್ ಮಾಡುತ್ತಿದ್ದವನನ್ನು ಪ್ರಶ್ನಿಸಲು ಹೋದ ಪೊಲೀಸ್ ಇನ್ಸ್ಪೆಕ್ಟರ್ ಮೇಲೆಯೇ ಆಟೋ ಹತ್ತಿಸಲು ಯತ್ನಿಸಿ, ಪೊಲೀಸ್ ಜೀಪಿಗೆ ಢಿಕ್ಕಿ ಹೊಡೆದು ಪರಾರಿಯಾಗುತ್ತಿದ್ದ ಆರೋಪಿಯನ್ನು ಸಾರ್ವಜನಿಕರ ನೆರವಿನೊಂದಿಗೆ ಹೆಡೆಮುರಿಕಟ್ಟಿರುವ ನಗರ ಠಾಣೆ ಪೊಲೀಸರು ಆಟೋ ವಶಕ್ಕೆ ಪಡೆದಿದ್ದಾರೆ.ಹುಣಸೂರಿನ ಟಿಪ್ಪುನಗರದ ಜಮೀರ್ಅಹಮ್ಮದ್ ಪುತ್ರ ಆಟೋ ಚಾಲಕ ರೋಷನ್(23) ಬಂಧಿತ ಆರೋಪಿ.
ಸ್ವಾತಂತ್ರ್ಯೋವದಂದು ಸಂಜೆ ರತ್ನಪುರಿ ರಸ್ತೆಯಲ್ಲಿ ಗಸ್ತು ನಡೆಸುತ್ತಿದ್ದ ವೇಳೆ ಪ್ಯಾಸೆಂಜರ್ ಆಟೋವನ್ನು ಐ.ಕೆ.ರಸ್ತೆ ಕಡೆಯಿಂದ ಅಪಾಯಕಾರಿಯಾಗಿ ವೀಲಿಂಗ್ ಮಾಡಿಕೊಂಡು ಬರುತ್ತಿದ್ದ ಆಟೋವನ್ನು ತಡೆಯಲು ಹೋದ ವೇಳೆ ಹೋ ಎಂದು ಕೂಗುತ್ತಾ, ಪೊಲೀಸರನ್ನೇ ಅಣಕಿಸುತ್ತಾ, ಇನ್ಸ್ಪೆಕ್ಟರ್ ದೇವೇಂದ್ರರ ಮೇಲೆಯೇ ಆಟೋ ಹತ್ತಿಸಲು ಯತ್ನಿಸಿದ ವೇಳೆ ಪಕ್ಕಕ್ಕೆ ಹಾರಿ ತಪ್ಪಿಸಿಕೊಂಡರೆ, ಜೀಪಿನ ಮುಂಭಾಗಕ್ಕೆ ಢಿಕ್ಕಿ ಮಾಡಿ ಜಖಂಗೊಳಿಸಿದ ಚಾಲಕ ರೋಷನ್ ಪರಾರಿಯಾಗಲು ಪ್ರಯತ್ನಿಸಿದ್ದಾನೆ. ಸುಮಾರು 2 ಕಿಮೀನಷ್ಟು ಹಿಂಬಾಲಿಸಿಕೊಂಡು ಹೋದರೂ ಆಟೋವನ್ನು ಅಪಾಯಕಾರಿಯಾಗಿ ಅಡ್ಡಾದಿಡ್ಡಿಯಾಗಿ ಓಡಿಸಿಕೊಂಡು ಪರಾರಿಯಾಗಲೆತ್ತಿಸಿದ ವೇಳೆ ಸಾರ್ವಜನಿಕರ ಸಹಾಯದಿಂದ ಸಲೀಂ ಪ್ಯಾಲೆಸ್ ಬಳಿ ಆಟೋ ಸಹಿತ ಆರೋಪಿಯನ್ನು ಬಂಧಿಸಿದ್ದಾರೆ.
ಈ ಸಂಬಂಧ ನಗರ ಠಾಣೆಯಲ್ಲಿ ಇನ್ಸ್ಪೆಕ್ಟರ್ ದೇವೇಂದ್ರರವರು ದೂರು ದಾಖಲಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಠಾಣಾಧಿಕಾರಿ ಕುಮಾರ್ ಕರ್ತವ್ಯಕ್ಕೆ ಅಡ್ಡಿ, ಸಮವಸ್ತ್ರದಲ್ಲಿದ್ದ ಪೊಲೀಸರು ಕಾನೂನು ಪಾಲನೆ ಸೂಚಿಸಿದರೂ ನಿರ್ಲಕ್ಷ ಹಾಗೂ ಆಟೋದಿಂದ ಡಿಕ್ಕಿ ಮಾಡಿ ಪ್ರಾಣ ಹಾನಿ ಮಾಡಲು ಯತ್ನಿಸಿದ್ದಲ್ಲದೆ. ಇಲಾಖೆ ಜೀಪ್ ಜಖಂಗೊಂಡಿಸಿದ್ದರ ವಿರುದ್ದ ಪ್ರಕರಣ ದಾಖಲಿಸಿ ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೊಪ್ಪಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
Congress ಸರ್ಕಾರದಿಂದ ‘ಧರ್ಮ; ಸಂಕಷ್ಟ ನಿವಾರಣೆ: ಪ್ರಿಯಾಂಕ್ ಖರ್ಗೆ
China ದಿಂದ 10 ಲಕ್ಷ ಎಕರೆ ಅತಿಕ್ರಮವಾಗಿದೆ: ಮೋದಿ ವಿರುದ್ಧ ಪ್ರಕಾಶ್ ರಾಜ್ ವಾಗ್ದಾಳಿ
Davanagere;ಬೆಣ್ಣೆದೋಸೆಯೊಂದಿಗೆ ವಿಜಯೋತ್ಸವ ಆಚರಿಸಲು ಸಿದ್ಧತೆ ಮಾಡಿಕೊಳ್ಳಿ: ಮೋದಿ
PM Modi ಪ್ರತಿ ಬಾರಿ ಭಯಾನಕ ಸುಳ್ಳು ಹೇಳಿ ಹೋಗ್ತಾರೆ: ಸಿದ್ದರಾಮಯ್ಯ ಕಿಡಿ