ಮುಗಿಯದ ಅತಿಕ್ರಮಿತರ ಹೋರಾಟ

ಸುಪ್ರೀಂ ಆದೇಶ ಪಾಲಿಸದ ಅಧಿಕಾರಿಗಳು

Team Udayavani, Sep 22, 2019, 11:58 AM IST

Udayavani Kannada Newspaper

ಹೊನ್ನಾವರ: ಅರಣ್ಯ ಭೂಮಿ ಸಾಗುವಳಿದಾರರ ಬದುಕು ಬಿಸಿಲುಕುದುರೆಯ ಬೆನ್ನುಹತ್ತಿ ಬಸವಳಿದು ಹೋಗಿದೆ. ನಾಲ್ಕು ದಶಕಗಳು ಕಳೆದು ಹೋಯಿತು. ಮೂರನೇ ತಲೆಮಾರಿಗೆ ಮತದ ಹಕ್ಕು ಬಂತು. ಆದರೂ ಹುಟ್ಟಿದ ಭೂಮಿಯಲ್ಲಿ ಬದುಕಲು ಅವಕಾಶ ಇಲ್ಲದಾಗಿದೆ.  ಸ್ವಾತಂತ್ರ್ಯ  ಬಂದಾಗ ಜಿಲ್ಲೆಯಲ್ಲಿ ಶೇ.80 ರಷ್ಟು ಅರಣ್ಯವಿತ್ತು. 3ಲಕ್ಷ ಜನಸಂಖ್ಯೆಯಿತ್ತು. ಆಗ ಅರಣ್ಯ ಭೂಮಿ ಜನರಿಗೆ ಬೇಡವಾಗಿತ್ತು.

ಅರಣ್ಯ ಸರ್ಕಾರಕ್ಕೆ ಕುಬೇರನ ಬೊಕ್ಕಸವಾಯಿತು. ಈಗ ಸರ್ಕಾರದ ಕೈಲಿ ಅರಣ್ಯ ಇಲಾಖೆ ಭೂಮಿಯಿದ್ದರೂ ಆದಾಯ ಮೂಲವಾಗಿ ಸರ್ಕಾರವೇ ಕಾಡುಕಡಿದು ಮಾರಿದ ಕಾರಣ ಕೇವಲ ಶೇ. 40ರಷ್ಟು ಭೂಮಿಯಲ್ಲಿ ಅರಣ್ಯವಿದೆ. ಕಡಿದು ಹೋದ ಅರಣ್ಯ ಭೂಮಿಯಲ್ಲಿ ಅಲ್ಲಲ್ಲಿ ಜನ ಅತಿಕ್ರಮಣ ಮಾಡಿಕೊಂಡು ಅಡಕೆ, ತೆಂಗಿನ ತೋಟ ಬೆಳೆಸಿಕೊಂಡಿದ್ದಾರೆ. ಇವರಿಗೆ ಇನ್ನೂ ಹಕ್ಕು ದೊರೆತಿಲ್ಲ. 1980ರ ದಶಕದಲ್ಲಿ ಕೆಲವರಿಗೆ ಹಣ್ಣು-ಹಂಪಲು ಬೆಳೆಯಲು, ತೋಟಿಗರಿಗೆ ತೋಟಕ್ಕೆ ಸಪ್ಪು ತರಲು ಒಂದಿಷ್ಟು ಅರಣ್ಯ ಭೂಮಿ ಬಿಡುಗಡೆ ಮಾಡಲಾಯಿತು. ಶೇ. 80ರಷ್ಟು ಭೂಮಿ ಅರಣ್ಯ ಇಲಾಖೆ ಕೈಲಿದ್ದ ಕಾರಣ ಮತ್ತು ಸಿಆರ್‌ ಝಡ್‌ ಕಾನೂನು, ಕೇಂದ್ರ ಅರಣ್ಯ ಕಾನೂನು ಜಾರಿಗೆ ಬಂದ ಕಾರಣ ಯಾವುದೇ ಕೈಗಾರಿಕೆ ಆರಂಭವಾಗಲಿಲ್ಲ.

ಜನಸಂಖ್ಯೆ ಏರುತ್ತ ಹೋದಂತೆ, ಅನ್ನಕೊಡುವ ಉದ್ಯೋಗ ಇಲ್ಲದ ಕಾರಣ ಕುಟುಂಬದ ಉದ್ಯೋಗವಾದ ಕೃಷಿಗೆ ಜನ ಕಾಡುಹೊಕ್ಕಿದರು. ವೃತ್ತಿ ಶಿಕ್ಷಣ ನೀಡುವ ತರಬೇತಿ ಸಂಸ್ಥೆ ಇರಲಿಲ್ಲ. ಅರೆಬರೆ ಕಲಿತವರು ಕಾಡನ್ನು ಅವಲಂಬಿಸಿದರು. ಕೆಲವರು ಹೊಟೇಲ್‌ ಕೆಲಸಕ್ಕೆ ಹೋದರು. ಸರ್ಕಾರ ಕಾಡಿನ ನಾಶವನ್ನು ಜನರ ತಲೆಗೆ ಕಟ್ಟಿ ಒಕ್ಕಲೆಬ್ಬಿಸಲು ಹೊರಟಿತ್ತು. ಕಾನೂನು ಬಿಗಿಯಾಯಿತು. ಅರಣ್ಯ ಇಲಾಖೆ ಜಾಗದ ಮಧ್ಯೆಯೇ ಜನವಸತಿ ಇದೆ. ಬಹುಕಾಲದಿಂದ ಇವರು ವಾಸ್ತವ್ಯವಿದ್ದರೆ ಅ ಭೋಗದಾರಿಕೆ ಹಕ್ಕು ಕೊಡಲು ಸರ್ವೋಚ್ಚ ನ್ಯಾಯಾಲಯ ಆದೇಶ ನೀಡಿತ್ತು.

ಸರ್ಕಾರಗಳು ಇದನ್ನು ಚುನಾವಣೆಯ ಅಸ್ತ್ರವಾಗಿ ಬಳಸಿಕೊಂಡವೇ ವಿನಃ ಭೂಮಿ ಕೊಡಲಿಲ್ಲ. ಅರ್ಜಿ ಸ್ವೀಕರಿಸಿ ಶೇ.99ನ್ನು ಅಧಿಕಾರಿಗಳು ತಿರಸ್ಕರಿಸಿದರು. ಪರಿಸರದ ಪಂಡಿತರೊಬ್ಬರು ನ್ಯಾಯಾಲಯಕ್ಕೆ ಹೋಗಿ ಅತಿಕ್ರಮಣ ಖುಲ್ಲಾಪಡಿಸುವ ಆದೇಶ ಪಡೆದರು. ಅತ್ತ ಅಧಿಕಾರಿಗಳು ಎಬ್ಬಿಸಲು ಹೊರಟರೆ ಇತ್ತ ರಾಜಕಾರಣಿಗಳು ಜನರನ್ನು ಖುಷಿಪಡಿಸಲು ಮೌಖೀಕವಾಗಿ ತಡೆಯೊಡ್ಡಿದರು. ಸಾಗುವಳಿದಾರರ ಕಾಟ ತಪ್ಪಿಸಿಕೊಳ್ಳಲು ಜಿಲ್ಲೆಯ ಅರಣ್ಯವನ್ನು ಅಭಯಾರಣ್ಯವನ್ನಾಗಿ ಸರ್ಕಾರ ಘೋಷಿಸುವಂತೆ ಅಧಿಕಾರಿಗಳು ಸಲಹೆ ನೀಡಿದ್ದು ಜಾರಿಗೆ ಬಂದಿದೆ. ಇದರಿಂದ ಅರಣ್ಯವಾಸಿಗಳಿಗೆ ಯಾವುದೇ ಪ್ರಯೋಜನ ಇಲ್ಲ, ದಾರಿಗಳು ಬಂದ್‌ ಆಗಿವೆ.

ಈ ಮಧ್ಯೆ ನ್ಯಾಯವಾದಿ ರವೀಂದ್ರನಾಥ ನಾಯ್ಕ 30ವರ್ಷಗಳಿಂದ ಅತಿಕ್ರಮಣದಾರರ ಪರವಾಗಿ ಹೋರಾಡುತ್ತ ಬಂದರು. ಜಾಥಾ ನಡೆಸಿದರು, ನ್ಯಾಯಾಲಯದ ಕಟ್ಟೆ ಏರಿದರು, ಹಳ್ಳಿಹಳ್ಳಿ ತಿರುಗಾಡಿ ಸಂಘಟನೆ ನಡೆಸಿದರು. ಇವರನ್ನು ರಾಜಕೀಯವಾಗಿ ಕಾಂಗ್ರೆಸ್‌ ಮುಗಿಸಿತು. ಜೆಡಿಎಸ್‌ ಕೈಬಿಟ್ಟಿತು. ಅತಿಕ್ರಮ ಮಾಡಿದ ಜನ ಮತಹಾಕಿದ್ದರೆ ಇವರ ಠೇವಣಿ ಉಳಿಯುತ್ತಿತ್ತು.

ತಮ್ಮನ್ನು ಉಳಿಸಿದ ರವೀಂದ್ರನಾಥ ನಾಯ್ಕರನ್ನು ಮತದಾರರು ಸೋಲಿಸಿದರು. ಪರಿಸರವಾದಿಗಳು ಉದ್ಯಮ ಬರಲು ಬಿಡಲಿಲ್ಲ,ಕಾಡು ಸೂರೆ ಹೋಗುವುದನ್ನು ತಡೆಯಲಿಲ್ಲ, ಅತಿಕ್ರಮಣದಾರರನ್ನು ಎಬ್ಬಿಸಿ ಎಂದು ಬೊಬ್ಬೆ ಹೊಡೆಯುವುದನ್ನು ಬಿಡಲಿಲ್ಲ. ರಾಜಕಾರಣಿಗಳ, ಅರಣ್ಯ ಅಧಿಕಾರಿಗಳ ಕೈಕಾಲು ಹಿಡಿಯುತ್ತ ದಯನೀಯ ಸ್ಥಿತಿಯಲ್ಲಿ ಅತಿಕ್ರಮಣದಾರರು ಜೀವನ ನಡೆಸಿದ್ದಾರೆ. ಅತಿಕ್ರಮಣದಾರರು ಒಂದಾಗುತ್ತಿಲ್ಲ. ಚುನಾವಣೆ ಬಂದಾಗ ಧರ್ಮ, ಜಾತಿ, ಹಣಕ್ಕೆ ಮರುಳಾಗುತ್ತಾರೆ. ಮತ್ತೆ ಗೋಳಾಡುತ್ತಾರೆ. ಇವರನ್ನು ಕಟ್ಟಿಕೊಂಡು ಹೋರಾಡುವ ರವೀಂದ್ರನಾಥ ನಾಯ್ಕರು ದಣಿದಿದ್ದಾರೆ. ಅತಿಕ್ರಮಣದಾರರನ್ನು ಹೊರದಬ್ಬಿದರೆ ಅವರಿಗೆ ಅರಬ್ಬೀ ಸಮುದ್ರವೇ ಗತಿ. ವಾಸ್ತವಿಕ ಸ್ಥಿತಿ ಇದು, ಪರಿಹಾರ ಮರೀಚಿಕೆ.

 

-ಜೀಯು, ಹೊನ್ನಾವರ

ಟಾಪ್ ನ್ಯೂಸ್

ಕಿತ್ತೂರಿನಲ್ಲಿ ಮೋಡಿ ಮಾಡಿದ ವಿಜಯಪ್ರಕಾಶ ಹಾಡು

ಕಿತ್ತೂರಿನಲ್ಲಿ ಮೋಡಿ ಮಾಡಿದ ವಿಜಯಪ್ರಕಾಶ ಹಾಡು

ಪಾಕ್‌ ಪ್ರಚಂಡ ಪ್ರದರ್ಶನ; ಭಾರತ ಪರಾಭವ

ಪಾಕ್‌ ಪ್ರಚಂಡ ಪ್ರದರ್ಶನ; ಭಾರತ ಪರಾಭವ

ಅ.29-ನ.2ರ ವರೆಗೆ ಪ್ರಧಾನಿ ವಿದೇಶ ಪ್ರವಾಸ

ಅ.29-ನ.2ರ ವರೆಗೆ ಪ್ರಧಾನಿ ವಿದೇಶ ಪ್ರವಾಸ

ಬಿಜೆಪಿ-ಜೆಡಿಎಸ್‌ಗೆ ನಾನೇ ಟಾರ್ಗೆಟ್‌: ಸಿದ್ದರಾಮಯ್ಯ

ಬಿಜೆಪಿ-ಜೆಡಿಎಸ್‌ಗೆ ನಾನೇ ಟಾರ್ಗೆಟ್‌: ಸಿದ್ದರಾಮಯ್ಯ

ಸಾಕು ನಾಯಿಗೆ ಸಸ್ಯಹಾರಿ ಊಟ ಕೊಟ್ಟರೆ ಜೈಲು!

ಸಾಕು ನಾಯಿಗೆ ಸಸ್ಯಹಾರಿ ಊಟ ಕೊಟ್ಟರೆ ಜೈಲು!

ಸಿಡಿದ ಅಸಲಂಕ; ಘರ್ಜಿಸಿದ ಶ್ರೀಲಂಕಾ

ಸಿಡಿದ ಅಸಲಂಕ; ಘರ್ಜಿಸಿದ ಶ್ರೀಲಂಕಾ

Untitled-1

ಕನ್ನಡದಲ್ಲೇ ಸಹಿ ಮಾಡುವ ಅಭ್ಯಾಸ ಬೆಳೆಸಿ ಕೊಳ್ಳೋಣ: ಸಚಿವ ಸುನಿಲ್‌ ಕುಮಾರ್‌





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

dandeli news

ದ್ವಿಚಕ್ರ ವಾಹನಗಳ ಪೆಟ್ರೋಲ್ ಕಳ್ಳತನ: ಅಳಲು ತೋಡಿಕೊಳ್ಳುತ್ತಿರುವ ಸ್ಥಳೀಯರು

25award

ಎಂ.ಎ.ಹೆಗಡೆ ಅವರಿಗೆ‌ ಮರಣೋತ್ತರ ಚಂದುಬಾಬು‌ ಪ್ರಶಸ್ತಿ ಪ್ರದಾನ‌

ದಾಂಡೇಲಿ: ಕಾಳಿ ನದಿ ದಂಡೆಯ ಮೇಲೆ ಮೀನು ಹಿಡಿಯುತ್ತಿದ್ದ ಬಾಲಕನನ್ನು ಎಳೆದೊಯ್ದ ಮೊಸಳೆ.!

ದಾಂಡೇಲಿ: ಕಾಳಿ ನದಿ ದಂಡೆಯ ಮೇಲೆ ಮೀನು ಹಿಡಿಯುತ್ತಿದ್ದ ಬಾಲಕನನ್ನು ಎಳೆದೊಯ್ದ ಮೊಸಳೆ.!

23kannada

ಕನ್ನಡಕ್ಕಾಗಿ ಗೀತಗಾಯನ ಅಭಿಯಾನ

22nort

ಹಗ್ಗ-ಸೀಮೆ ಎಣ್ಣೆ ಹಿಡಿದು ಗ್ರಾಮಸ್ಥರ ಪ್ರತಿಭಟನೆ

MUST WATCH

udayavani youtube

ದಾಂಡೇಲಿ ನಗರದಲ್ಲಿ ಸಕ್ರೀಯಗೊಳ್ಳುತ್ತಿದೆ ಪೆಟ್ರೋಲ್ ಕಳ್ಳರ ಹಾವಳಿ

udayavani youtube

ಕಾಳಿ ನದಿ ದಂಡೆಯಿಂದ ಬಾಲಕನನ್ನು ಎಳೆದೊಯ್ದ ಮೊಸಳೆ : ಆತಂಕದಲ್ಲಿ ಸ್ಥಳೀಯರು

udayavani youtube

ರಸ್ತೆ ಬದಿ ಮಲಗಿದ್ದ ಗೋವು ಕಳ್ಳತನ : ಘಟನೆ ಕೃತ್ಯ ಸಿಸಿ ಕ್ಯಾಮೆರಾದಲ್ಲಿ ಬಯಲು

udayavani youtube

ಶಾರುಖ್ ಖಾನ್ ಬಿಜೆಪಿ ಸೇರಿದರೆ ಡ್ರಗ್ಸ್ ಪೌಡರ್ ಶುಗರ್ ಪೌಡರ್ ಆಗಿ ಬದಲಾಗಲಿದೆ

udayavani youtube

ಕುಮ್ಕಿ ಹಕ್ಕು ಅಂದ್ರೇನು?

ಹೊಸ ಸೇರ್ಪಡೆ

ಕಿತ್ತೂರಿನಲ್ಲಿ ಮೋಡಿ ಮಾಡಿದ ವಿಜಯಪ್ರಕಾಶ ಹಾಡು

ಕಿತ್ತೂರಿನಲ್ಲಿ ಮೋಡಿ ಮಾಡಿದ ವಿಜಯಪ್ರಕಾಶ ಹಾಡು

ಪಾಕ್‌ ಪ್ರಚಂಡ ಪ್ರದರ್ಶನ; ಭಾರತ ಪರಾಭವ

ಪಾಕ್‌ ಪ್ರಚಂಡ ಪ್ರದರ್ಶನ; ಭಾರತ ಪರಾಭವ

ಅ.29-ನ.2ರ ವರೆಗೆ ಪ್ರಧಾನಿ ವಿದೇಶ ಪ್ರವಾಸ

ಅ.29-ನ.2ರ ವರೆಗೆ ಪ್ರಧಾನಿ ವಿದೇಶ ಪ್ರವಾಸ

ಬಿಜೆಪಿ-ಜೆಡಿಎಸ್‌ಗೆ ನಾನೇ ಟಾರ್ಗೆಟ್‌: ಸಿದ್ದರಾಮಯ್ಯ

ಬಿಜೆಪಿ-ಜೆಡಿಎಸ್‌ಗೆ ನಾನೇ ಟಾರ್ಗೆಟ್‌: ಸಿದ್ದರಾಮಯ್ಯ

ಸಾಕು ನಾಯಿಗೆ ಸಸ್ಯಹಾರಿ ಊಟ ಕೊಟ್ಟರೆ ಜೈಲು!

ಸಾಕು ನಾಯಿಗೆ ಸಸ್ಯಹಾರಿ ಊಟ ಕೊಟ್ಟರೆ ಜೈಲು!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.