ಏಕಾಗ್ರತೆ ಪಡೆಯಲು ಕ್ರೀಡೆ ಅಗತ್ಯ

Team Udayavani, Aug 20, 2017, 12:58 PM IST

ಹಿರೇವಡಗೇರಾ: ಇಂದಿನ ಆಧುನಿಕ ಯುಗದಲ್ಲಿ ಸದೃಢರಾಗಿರಬೇಕಾದರೆ ಪ್ರತಿಯೊಬ್ಬರು ಒಂದಿಲ್ಲ ಒಂದು ಕ್ರೀಡೆಯಲ್ಲಿ ಭಾಗವಹಿಸಬೇಕು ಎಂದು ಜೆಡಿಎಸ್‌ ಮುಖಂಡ ಹನುಮೇಗೌಡ ಬೀರನಕಲ್‌ ಹೇಳಿದರು.ಪಟ್ಟಣದ ಸರಕಾರಿ ಪ್ರೌಢಶಾಲೆ ಆವರಣದಲ್ಲಿ ಆಯೋಜಿಸಲಾಗಿದ್ದ 2017-18ನೇ ಸಾಲಿನ ಹೋಬಳಿ ಮಟ್ಟದ ಪೌಢಶಾಲೆ ಕ್ರೀಡಾಕೂಟ ಉದ್ಘಾಟಿಸಿ ಅವರು ಮಾತನಾಡಿದರು. ವಿದ್ಯಾರ್ಥಿಗಳು ಪಠ್ಯದ ಜತೆಗೆ ಪಠ್ಯೇತರ ಚಟುವಟಿಕೆಗಳಲ್ಲಿ ಭಾಗವಹಿಸುವುದರಿಂದ ಏಕಗ್ರತೆ ಪಡೆಯಲು ಸಾಧ್ಯವಾಗುತ್ತದೆ. ಆ ಕಾರಣಕ್ಕಾಗಿ ವಿದ್ಯಾರ್ಥಿಗಳು ಸಕ್ರಿಯವಾಗಿ ಕ್ರೀಡೆಗಳಲ್ಲಿ ಭಾಗವಹಿಸಬೇಕು ಎಂದು ಸಲಹೆ ನೀಡಿದರು. ಖ್ಯಾತ ಮಕ್ಕಳ ತಜ್ಞ ಸುಭಾಷ ಸಾಹು ಕರಣಗಿ ಮಾತನಾಡಿ, ಸದೃಢವಾದ ದೇಹದಲ್ಲಿ ಸದೃಢವಾದ ಮನಸ್ಸಿರಬೇಕಾದರೆ ದೈಹಿಕ ಕಸರತ್ತು ಅವಶ್ಯ. ಇದನ್ನು ಪಡೆಯಬೇಕಾದರೆ ದಿನಾಲೂ ಯಾವುದಾದರೂ ಕ್ರೀಡೆಯಲ್ಲಿ ಭಾಗವಹಿಸಬೇಕು ಎಂದು ಹೇಳಿದರು. ಇಂದಿನ ಯುವಕರು ಅವಸರದ ಜೀವನಕ್ಕೆ ಮಾರು ಹೋಗಿ ಹಾಗೂ ದುಶ್ಚಟಗಳಿಗೆ ಅಂಟಿಕೊಂಡಿರುವುದರಿಂದ ಮತ್ತು ಕ್ರೀಡೆಗಳಲ್ಲಿ ಭಾವಹಿಸದೇ ಇರುವುದರಿಂದ ಅನೇಕ ರೋಗರುಜಿನಗಳಿಗೆ ಬಲಿಯಾಗುವುದರ ಜತೆಗೆ ಅಕಾಲಿಕ ಮರಣಕ್ಕೆ ತುತ್ತಾಗುತಿದ್ದಾರೆ ಎಂದು ವಿಷಾದ ವ್ಯಕ್ತಪಡಿಸಿದರು. ದೈಹಿಕ ನಿರ್ದೇಶಕ ಚಂದ್ರಶೇಖರ ವೈದ್ಯ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡಾ| ಮರೆಪ್ಪ ನಾಟೇಕಾರ, ಬಾಷುಮಿಯ್ಯ ನಾಯಕೋಡಿ ಮಾತನಾಡಿದರು. ಕಾರ್ಯಕ್ರಮಕ್ಕೂ ಮುನ್ನ ತಾಪಂ ಸದಸ್ಯೆ ನಿಂಗಮ್ಮ ನಾಟೇಕಾರ ಕ್ರೀಡಾ ಜ್ಯೋತಿ ಸ್ವೀಕರಿಸಿದರು. ಕ್ರೀಡಾಕೂಟದಲ್ಲಿ ಸುಮಾರು 13 ತಂಡಗಳು ಭಾಗವಹಿಸಿದ್ದವು ಗ್ರಾಪಂ ಅಧ್ಯಕ್ಷ ಕೆ. ಗೋಪಾಲ ನಾಯಕ ವಿ.ಚವ್ಹಾಣ, ಮಧ್ಯಮಾರಾಟ ಸಂಯಮ ಮಂಡಳಿ ನಿರ್ದೇಶಕ ಬಸವರಾಜ ಸೊನ್ನದ, ತಾಪಂ ಮಾಜಿ ಸದಸ್ಯ ಮಲ್ಲಣ್ಣ ಇಟಗಿ, ಗ್ರಾಪಂ ಸದಸ್ಯ ಮಲ್ಲಣ್ಣ ನೀಲಹಳ್ಳಿ, ರಾಜು ಬೀರನಕಲ್‌ ತಾಂಡಾ, ಮಲ್ಲಯ್ಯ ಮುಸ್ತಾಜೀರ್‌, ಸಂಗನಗೌಡ ಮಾಲೀಪಾಟೀಲ, ಹೊನ್ನಪ್ಪ ಬಸವನಗರ, ರವಿಂದ್ರ ನೀಲಹಳ್ಳಿ, ನಿಂಗು ಜಡಿ, ಬಸವರಾಜ ನೀಲಹಳ್ಳಿ, ರಫೀಕಸಾಬ್‌ ಉಳ್ಳೆಸುಗೂರ ಹಾಗೂ ಇದ್ದರು. ಸೋನಿಯಾ ಸಂಗಡಿಗರು ಪ್ರಾರ್ಥಿಸಿದರು. ಈಶ್ವರಿ ಸಂಗಡಿಗರು ಸ್ವಾಗತಿಸಿದರು. ಕಾರ್ಯಕ್ರಮ ನಿರೂಪಣೆ ತಿಪ್ಪಣ್ಣ, ಲಿಂಗರಾಜ ವಂದಿಸಿದರು.