ಆಟೋ ಚಾಲಕ ಕುಂಭಕೋಣಂನ ಮೊದಲ ಮೇಯರ್‌

Team Udayavani, Mar 8, 2022, 8:00 AM IST

ಚೆನ್ನೈ: ಸುಮ್ಮನೆ ಆಟೋ ಓಡಿಸಿಕೊಂಡಿದ್ದ ವ್ಯಕ್ತಿಯೊಬ್ಬರು, ನಗರಪಾಲಿಕೆಯೊಂದರ ಸದಸ್ಯರಾಗಿ, ಊಹೆಯೂ ಮಾಡದ ರೀತಿಯಲ್ಲಿ ಮೇಯರ್‌ ಆಗಿ ಆಯ್ಕೆಯಾದರೆ ಹೇಗಿರುತ್ತದೆ? ತಮಿಳುನಾಡಿನ ಕುಂಭಕೋಣಂನಲ್ಲಿ ಹೀಗೊಂದು ಘಟನೆ ನಡೆದಿದೆ!

ಕೆ.ಸರವಣನ್‌ಗೆ ಈಗ 42 ವರ್ಷ, ಬದುಕಿಗಾಗಿ ಆಟೋ ಓಡಿಸಿಕೊಂಡಿದ್ದರು. ಇದುವರೆಗೆ ಪಟ್ಟಣಪಂಚಾಯ್ತಿಯಾಗಿದ್ದ ಕುಂಭಕೋಣಂ, ಈ ಬಾರಿ ನಗರಪಾಲಿಕೆಯಾಗಿ ಬಡ್ತಿ ಪಡೆದಿದೆ. ಇಂತಹ ಹೊತ್ತಿನಲ್ಲಿ ಕುಂಭಕೋಣಂ ನಗರಪಾಲಿಕೆಯ ಮೊದಲ ಮೇಯರ್‌ ಎಂಬ ಹೆಗ್ಗಳಿಕೆಯನ್ನು ಸರವಣನ್‌ ಪಡೆದಿದ್ದಾರೆ.

ಕಾಂಗ್ರೆಸ್‌ನಿಂದ ಸ್ಪರ್ಧಿಸಿದ್ದ ಅವರನ್ನು ಪಕ್ಷದ ಉನ್ನತ ನಾಯಕತ್ವ ಈ ಸ್ಥಾನಕ್ಕೆ ನೇಮಿಸಿದೆ. ವಸ್ತುಸ್ಥಿತಿಯಲ್ಲಿ ಅವರು ಪ್ರಮಾಣವಚನಕ್ಕೂ ತಮ್ಮ ಆಟೋದಲ್ಲೇ ಬಂದಿದ್ದರು! ಕೊರೊನಾ ಹೊತ್ತಿನಲ್ಲಿ ಎಲ್ಲರಂತೆ ಅವರೂ ಆಟೋ ಓಡಿಸಿಕೊಂಡಿದ್ದರು, ಆಗ ದುಡಿಮೆಯಿಲ್ಲದೇ ಪರದಾಡಿದ್ದರು ಎನ್ನುವುದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.