Elections: ಏಕಕಾಲದ ಚುನಾವಣೆ ನಡೆದರೆ 15 ವರ್ಷಕ್ಕೊಮ್ಮೆ 10,000 ಕೋ.ರೂ. ವೆಚ್ಚ
Team Udayavani, Jan 21, 2024, 12:00 AM IST
ಹೊಸದಿಲ್ಲಿ : ಏಕಕಾಲದದಲ್ಲಿ ಲೋಕಸಭೆ ಮತ್ತು ವಿಧಾನಸಭೆ ಚುನಾವಣೆಗಳು ನಡೆದರೆ ಪ್ರತೀ 15 ವರ್ಷಕ್ಕೊಮ್ಮೆ ಹೊಸ ಎಲೆಕ್ಟ್ರಾನಿಕ್ ಮತ ಯಂತ್ರ(ಇವಿಎಂ) ಖರೀದಿಗಾಗಿ 10,000 ಕೋಟಿ ರೂ. ಬೇಕಾಗಲಿದೆ ಎಂದು ಭಾರತೀಯ ಚುನಾವಣಾ ಆಯೋಗ ಅಂದಾಜಿಸಿದೆ. ಒಂದು ಇವಿಎಂನ ಬಾಳಿಕೆ ಅವಧಿ 15 ವರ್ಷಗಳು. ಒಂದು ಇವಿಎಂ ಅನ್ನು ಏಕಕಾಲಕ್ಕೆ ನಡೆಯುವ ಮೂರು ಚುನಾವಣ ಸರಣಿಗೆ ಬಳಸಬಹುದು.
ಅಂದಾಜಿನ ಪ್ರಕಾರ, ಏಕಕಾಲಕ್ಕೆ ಚುನಾವಣೆ ನಡೆದರೆ, ಲೋಕಸಭೆ ಮತ್ತು ವಿಧಾನಸಭೆ ಸ್ಥಾನಗಳಿಗೆ ಪ್ರತ್ಯೇಕ ಇವಿಎಂ ಅಂದರೆ ಒಂದು ಮತಗಟ್ಟೆಗೆ ಎರಡು ಸೆಟ್ ಇವಿಎಂ ಬೇಕಾಗುತ್ತದೆ ಎಂದು ಆಯೋಗ ಹೇಳಿದೆ.