ಜಗತ್ತಿನ ಟಾಪ್ 8 ಆ್ಯಪ್ ಪಟ್ಟಿಯಲ್ಲಿ ಆರೋಗ್ಯ ಸೇತು
Team Udayavani, Jun 8, 2020, 10:43 AM IST
ಹೊಸದಿಲ್ಲಿ: ಕೋವಿಡ್ ಸೋಂಕಿನ ಮಾಹಿತಿ ಕಲೆ ಹಾಕಲು ಕೇಂದ್ರ ಸರಕಾರ ರೂಪಿಸಿದ್ದ “ಆರೋಗ್ಯ ಸೇತು’ ಆ್ಯಪ್ ಈಗ ಡೌನ್ಲೋಡ್ನಲ್ಲಿ ದಾಖಲೆ
ನಿರ್ಮಿಸಿದೆ. ಮೇ ತಿಂಗಳಿನಲ್ಲಿ ಜಗತ್ತಿನಾದ್ಯಂತ ಡೌನ್ ಲೋಡ್ ಆದ ನಾನ್-ಗೇಮಿಂಗ್ ಅಪ್ಲಿಕೇಶನ್ಗಳಲ್ಲಿ “ಆರೋಗ್ಯ ಸೇತು’ 8ನೇ ಸ್ಥಾನದಲ್ಲಿದೆ. ಮೊದಲೆರಡು ಸ್ಥಾನದಲ್ಲಿ ಚೀನದ ಆ್ಯಪ್ಗ್ಳು ಪಾರಮ್ಯ ಮೆರೆದಿವೆ.
ಟಿಕ್ಟಾಕ್ ಮೊದಲನೇ ಸ್ಥಾನದಲ್ಲಿದೆ. ಝೂಮ್ ಸುರಕ್ಷಿತವಲ್ಲ ಎಂಬ ಗೃಹ ಸಚಿವಾಲಯದ ಸೂಚನೆಯ ನಡುವೆಯೂ ಈ ಅಪ್ಲಿಕೇಶನ್ 2ನೇ ಸ್ಥಾನದಲ್ಲಿ
ಜನಪ್ರಿಯತೆ ಉಳಿಸಿ ಕೊಂಡಿದೆ. ನಂತರ ವಾಟ್ಸಾಪ್, ಫೇಸ್ಬುಕ್, ಮೆಸ್ಸೇಂಜರ್, ಇನ್ಸ್ಟಗ್ರಾಮ್, ಗೂಗಲ್ ಮೀಟ್ ಇವೆ. ಅಚ್ಚರಿಯೆಂದರೆ, ವಿಡಿಯೊ ದಿಗ್ಗಜ
“ಯೂ- ಟ್ಯೂಬ್’ ಅನ್ನೂ ಆರೋಗ್ಯ ಸೇತು ಆ್ಯಪ್ ಹಿಂದಿಕ್ಕಿದೆ. ಯೂ-ಟ್ಯೂಬ್ 9ನೇ ಸ್ಥಾನ ಪಡೆದಿದೆ.