Israel ಪರ ಗೂಢಚರ್ಯೆ ಆರೋಪ: ಇರಾನ್‌ನಲ್ಲಿ ನಾಲ್ವರಿಗೆ ಗಲ್ಲು

Team Udayavani, Dec 29, 2023, 8:11 PM IST

ಟೆಹ್ರಾನ್‌: ಇಸ್ರೇಲ್‌ನ ಗುಪ್ತಚರ ಮತ್ತು ವಿಶೇಷ ಕಾರ್ಯಾಚರಣೆ ಪಡೆ “ಮೊಸ್ಸಾದ್‌’ನೊಂದಿಗೆ ನಿಕಟ ಸಂಪರ್ಕವಿರುವ ಆರೋಪದಲ್ಲಿ ನಾಲ್ವರನ್ನು ಇರಾನ್‌ ನ್ಯಾಯಾಲಯ ಶುಕ್ರವಾರ ಗಲ್ಲಿಗೇರಿಸಿದೆ. ಇದೇ ಪ್ರಕರಣದಲ್ಲಿ ಅನೇಕರಿಗೆ ಜೈಲು ಶಿಕ್ಷೆ ವಿಧಿಸಿದೆ. ಮೂವರು ಪುರುಷರು ಹಾಗೂ ಒಬ್ಬ ಮಹಿಳೆ ಮರಣದಂಡನೆಗೆ ಗುರಿಯಾದವರು.

ಗುಪ್ತಚರ ಮಾಹಿತಿ ಕಲೆ ಹಾಕಲು ಇರಾನ್‌ನ ಹಲವು ಭದ್ರತಾ ಅಧಿಕಾರಿಗಳ ಅಪಹರಣ ಹಾಗೂ ಇರಾನ್‌ನ ಗುಪ್ತಚರ ಏಜೆಂಟರ ಕಾರುಗಳು ಮತ್ತು ಅಪಾರ್ಟ್‌ಮೆಂಟ್‌ಗಳಿಗೆ ಬೆಂಕಿ ಹಚ್ಚಿದ ಆರೋಪದಲ್ಲಿ ಈ ನಾಲ್ವರನ್ನು ಗಲ್ಲಿಗೇರಿಸಲಾಗಿದೆ. ಅಲ್ಲದೇ ಅಪರಾಧಿಗಳ ಗ್ಯಾಂಗ್‌ನಲ್ಲಿ ಕೆಲಸ ಮಾಡುತ್ತಿದ್ದ ಇತರರಿಗೆ ಇರಾನ್‌ ನ್ಯಾಯಾಲಯ 10 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ ಎಂದು ವರಿದಗಳು ತಿಳಿಸಿದೆ.