Athletics ವಿಶ್ವ ಚಾಂಪಿಯನ್ಶಿಪ್ ಫೈನಲ್ ತಲುಪಲು ಅವಿನಾಶ್ ವಿಫಲ
Team Udayavani, Aug 19, 2023, 11:15 PM IST
ಬುಡಾಪೆಸ್ಟ್ (ಹಂಗೇರಿ): ಮೂರು ಸಾವಿರ ಮೀಟರ್ ಸ್ಟೀಪಲ್ಚೇಸ್ನಲ್ಲಿ ರಾಷ್ಟ್ರೀಯ ದಾಖಲೆ ಹೊಂದಿರುವ ಅವಿನಾಶ್ ಸಾಬಲೆ ವಿಶ್ವ ಆ್ಯತ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಫೈನಲ್ ಅರ್ಹತೆ ಸಂಪಾದಿಸಲು ವಿಫಲರಾಗಿದ್ದಾರೆ. ಹೀಟ್ಸ್ ನಲ್ಲಿ ಅವರು 7ನೇ ಸ್ಥಾನಕ್ಕೆ ಕುಸಿದರು (8 ನಿಮಿಷ, 22.24 ಸೆಕೆಂಡ್ಸ್).
2,300 ಮೀ. ಹಂತದ ತನಕ ಅವಿನಾಶ್ ಸಾಬಲೆ ಅಗ್ರಸ್ಥಾನ ಕಾಯ್ದುಕೊಂಡಿದ್ದರು. ಅನಂತರ ಅವರ ವೇಗ ಕಡಿಮೆಯಾಗುತ್ತ ಹೋಯಿತು. ಮುಖ್ಯವಾಗಿ ಕೊನೆಯ ಲ್ಯಾಪ್ನಲ್ಲಿ ಅವಿನಾಶ್ ಪ್ರಯತ್ನ ಏನೂ ಸಾಲಲಿಲ್ಲ. ತಮ್ಮ ರಾಷ್ಟ್ರೀಯ ದಾಖಲೆಗೂ (8:11.20) ಕಳಪೆ ಪ್ರದರ್ಶನ ನೀಡಿದರು. ಹೀಟ್ಸ್ ನಲ್ಲಿ ಮೊದಲ 5 ಸ್ಥಾನ ಪಡೆದವರಿಗಷ್ಟೇ ಫೈನಲ್ ಅರ್ಹತೆ ಲಭಿಸುತ್ತದೆ.
ಇದು ಸಾಬಲೆ ಅವರ 3ನೇ ವಿಶ್ವ ಆ್ಯತ್ಲೆಟಿಕ್ಸ್ ಚಾಂಪಿಯನ್ಶಿಪ್ ಆಗಿದ್ದು, ಮೊದಲ ಸಲ ಫೈನಲ್ ಪ್ರವೇಶಿಸಲು ವಿಫಲರಾಗಿದ್ದಾರೆ. ಕಳೆದ ವರ್ಷದ ಯೂಜೀನ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ 11ನೇ ಸ್ಥಾನ ಪಡೆದಿದ್ದರು.
ರೇಸ್ವಾಕ್
20 ಕಿ.ಮೀ. ರೇಸ್ವಾಕ್ನಲ್ಲೂ ಭಾರತಕ್ಕೆ ನಿರಾ ಸೆಯೇ ಗತಿಯಾಯಿತು. ವಿಕಾಸ್ ಸಿಂಗ್ 28ನೇ ಸ್ಥಾನದೊಂದಿಗೆ ಸ್ಪರ್ಧೆ ಮುಗಿಸಿದರು (1 ಗಂಟೆ, 21 ನಿಮಿಷ, 58 ಸೆಕೆಂಡ್ಸ್). ಪರಮ್ಜೀತ್ ಸಿಂಗ್ ಮತ್ತು ಆಕಾಶ್ದೀಪ್ ಸಿಂಗ್ ಕ್ರಮವಾಗಿ 35ನೇ ಹಾಗೂ 47ನೇ ಸ್ಥಾನಿಯಾದರು. ಇವರಲ್ಲಿ ಆಕಾಶ್ದೀಪ್ ನಿರ್ವಹಣೆ ಅತ್ಯಂತ ನಿರಾಶಾದಾಯಕವಾಗಿತ್ತು. ಕಾರಣ, ಇವರು ರಾಷ್ಟ್ರೀಯ ದಾಖಲೆ ಹೊಂದಿ ದ್ದರು. ಒಟ್ಟು 50 ಮಂದಿ ಸ್ಪರ್ಧಿಗಳು ರೇಸ್ವಾಕ್ನಲ್ಲಿ ಪಾಲ್ಗೊಂಡಿದ್ದರು. ಇಬ್ಬರು ರೇಸ್ ಪೂರ್ತಿಗೊಳಿಸಲಿಲ್ಲ.
ಲಾಂಗ್ಜಂಪ್
ವನಿತಾ ಲಾಂಗ್ಜಂಪ್ನಲ್ಲಿ ಶೈಲಿ ಸಿಂಗ್ ಕೂಡ ನಿರಾಸೆ ಮೂಡಿಸಿದರು. “ಬಿ’ ವಿಭಾಗದ ಅರ್ಹತಾ ಸುತ್ತಿನಲ್ಲಿ ಅವರು 14ನೇ ಸ್ಥಾನಿಯಾದರು. ಒಟ್ಟು 18 ಮಂದಿ ಕಣದಲ್ಲಿದ್ದರು. 6.40 ಮೀಟರ್ ಶೈಲಿ ಅವರ ಗರಿಷ್ಠ ದೂರವಾಗಿತ್ತು. ಇದು ಅವರ 6.76 ಮೀಟರ್ಗಳ ವೈಯಕ್ತಿಕ ದಾಖಲೆಗಿಂತಲೂ ಕಡಿಮೆ ದೂರವಾಗಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Rakshit Shetty: ʼರಿಚರ್ಡ್ ಆಂಟನಿʼಯಲ್ಲಿ ಈ ಕರಾವಳಿಯ ನಟಿಯರಿಗೆ ಸಿಗುತ್ತಾ ಅವಕಾಶ?
Holehonnur: ರಾಜ್ಯದಲ್ಲಿ ಹೆಣ್ಣು ಮಕ್ಕಳಿಗೆ ಸುರಕ್ಷತೆಯಿಲ್ಲ: ಬಿ.ವೈ. ವಿಜಯೇಂದ್ರ
Desi Swara: ಬುಚ್ಚಿ ನೀಡಿದ ಭರವಸೆಯ ಬೆಳಕು
Sindhanur; ಹಾಸ್ಟೆಲ್ ವಿದ್ಯಾರ್ಥಿನಿಯರು ಅಸ್ವಸ್ಥ: ಆಸ್ಪತ್ರೆಗೆ ದಾಖಲು
IPL 2024; ಪಂಜಾಬ್ ವಿರುದ್ಧ ಸೋಲು; ಅಂಪೈರ್ ಜತೆ ವಾಗ್ವಾದಕ್ಕಿಳಿದ ಗೌತಮ್ ಗಂಭೀರ್