Ayodhya: ರಾಮ ಮಂದಿರ ವೀಕ್ಷಣೆಗೆ ತುದಿಗಾಲಲ್ಲಿ ನಿಂತಿರುವ ಸಾವಿರಾರು ಕೊರಿಯನ್ನರು!
ಅಯೋಧ್ಯೆಯನ್ನು ಅಜ್ಜಿಯ ಮನೆ ಎಂದು ಪರಿಗಣಿಸಿರುವ ದಕ್ಷಿಣ ಕೊರಿಯನ್ನರು
Team Udayavani, Jan 30, 2024, 9:24 PM IST
ಅಯೋಧ್ಯೆ: ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ನಿರ್ಮಿಸಿರುವ ಭವ್ಯ ರಾಮ ಮಂದಿರವನ್ನು ವೀಕ್ಷಿಸಲು ದಕ್ಷಿಣ ಕೊರಿಯಾದ ಸಾವಿರಾರು ಮಂದಿ ಭಾರತಕ್ಕೆ ಆಗಮಿಸಲು ತುದಿಗಾಲ ಮೇಲೆ ನಿಂತಿದ್ದಾರೆ. ಕೊರಿಯನ್ನರ ಐತಿಹಾಸಿಕ ನಂಬಿಕೆ ಪ್ರಕಾರ, 2000 ವರ್ಷಗಳ ಹಿಂದೆ ಅಯೋಧ್ಯೆಯಿಂದ ಯುವ ರಾಣಿ ಸೂರಿರತ್ನ ಹಡಗಿನಲ್ಲಿ 4,500 ಕಿ.ಮೀ. ದೂರ ಪಯಣಿಸಿ, ಕೊರಿಯಾದ ಗಯಾ ಸಾಮ್ರಾಜ್ಯಕ್ಕೆ ಆಗಮಿಸಿ, ರಾಜ ಕಿಮ್ ಸುರೊ ಅವರನ್ನು ವರಿಸಿದರು. ರಾಜಕುಮಾರಿ ಸೂರಿರತ್ನ ನಂತರ ರಾಣಿ ಹಿಯೋ ಹ್ವಾಂಗ್-ಓಕೆ ಆದಳು. ಈಗಲು ದಕ್ಷಿಣ ಕೊರಿಯಾದ ಸುಮಾರು 60 ಲಕ್ಷ ಮಂದಿ ತಾವು ರಾಣಿ ಸೂರಿರತ್ನ ಅವರ ವಂಶಸ್ಥರಾಗಿದ್ದು, ಅಯೋಧ್ಯೆಯನ್ನು ತಮ್ಮ ಅಜ್ಜಿಯ ಮನೆ ಎಂದೇ ಪರಿಗಣಿಸುತ್ತಾರೆ.
ಜ.22ರಂದು ಅಯೋಧ್ಯೆಯಲ್ಲಿ ನಡೆದ ರಾಮಲಲ್ಲಾ ಪ್ರಾಣಪ್ರತಿಷ್ಠಾಪನೆ ಸಮಾಂಭದ ಲೈವ್ ಪ್ರಸಾರವನ್ನು ದಕ್ಷಿಣ ಕೊರಿಯಾದಲ್ಲಿ ಸಾವಿರಾರು ಮಂದಿ ವೀಕ್ಷಿಸಿದರು.
ಸ್ಮಾರಕ ನಿರ್ಮಾಣ:
ಇನ್ನೊಂದೆಡೆ, ಉ.ಪ್ರ.ಸರ್ಕಾರ ಮತ್ತು ದಕ್ಷಿಣ ಕೊರಿಯಾ ಸರ್ಕಾರಗಳು ಜಂಟಿಯಾಗಿ ಸರಯೂ ನದಿ ತೀರದಲ್ಲಿ ರಾಣಿ ಹಿಯೋ ಹ್ವಾಂಗ್-ಓಕೆ ಸ್ಮಾರಕ ನಿರ್ಮಿಸಿವೆ. ಅದಕ್ಕೆ ಗೌರವ ಸಲ್ಲಿಸಲು ಪ್ರತಿ ವರ್ಷ ದಕ್ಷಿಣ ಕೊರಿಯಾದ ನೂರಾರು ಪ್ರವಾಸಿಗರು ಅಯೋಧ್ಯೆಗೆ ಆಗಮಿಸುತ್ತಾರೆ.
6 ದಿನಗಳಲ್ಲಿ 19 ಲಕ್ಷ ಭಕ್ತರಿಂದ ದರ್ಶನ
ಇದೇ ವೇಳೆ ರಾಮ ಮಂದಿರ ವೀಕ್ಷಿಸಲು ಜ.23ರಿಂದ ಇದುವರೆಗೆ 18.75 ಲಕ್ಷ ಮಂದಿ ಆಗಮಿಸಿದ್ದಾರೆ ಎಂದು ಶ್ರೀರಾಮಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ ತಿಳಿಸಿದೆ. ಜ.22ರಂದು ಪ್ರಧಾನಿ ನರೇಂದ್ರ ಮೋದಿಯವರು ಮಂದಿರವನ್ನು ಲೋಕಾರ್ಪಣೆ ಮಾಡಿದ್ದರು. 6ನೇ ದಿನವಾಗಿದ್ದ ಭಾನುವಾರ 2.25 ಲಕ್ಷ ಮಂದಿ ಭೇಟಿ ನೀಡಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಕಾಂಗ್ರೆಸ್ ಗೆ ಆಘಾತ; ರಾಜೀನಾಮೆ ನೀಡಿದ ದೆಹಲಿ ಕಾಂಗ್ರೆಸ್ ಮುಖ್ಯಸ್ಥ
Mahadev Betting App Case; ಮುಂಬೈ ಪೊಲೀಸರಿಂದ ನಟ ಸಾಹಿಲ್ ಖಾನ್ ಬಂಧನ
Gyani Uncle; ಪ್ರಧಾನಿ ಮೋದಿಯನ್ನು ಉಪದೇಶ ನೀಡುವ ಅಂಕಲ್ ಎಂದ ಪ್ರಿಯಾಂಕಾ ಗಾಂಧಿ
Congress ಗೆದ್ದರೆ ದೇಶದಲ್ಲಿ ಗೋ ಹತ್ಯೆ ಖಚಿತ: ಯೋಗಿ ಆದಿತ್ಯನಾಥ್
Goa; ದಿನಕ್ಕೆ ಒಂದೇ ಖರ್ಜೂರ ತಿನ್ನುತ್ತಿದ್ದ ಇಬ್ಬರು ಸಹೋದರರು ನಿಧನ