ಮುಖ್ಯಮಂತ್ರಿಗಳ ಪರಿಹಾರ‌ ನಿಧಿಗೆ ಕಲಬುರಗಿ ಜಿಲ್ಲೆಯ ಗುತ್ತಿಗೆದಾರರಿಂದ 25 ಲಕ್ಷ ರೂ.ದೇಣಿಗೆ

Team Udayavani, May 5, 2020, 10:48 PM IST

ಕಲಬುರಗಿ: ಮಹಾಮಾರಿ ಕೋವಿಡ್ ಸಾಂಕ್ರಾಮಿಕ ಸೋಂಕಿನ ನಿಯಂತ್ರಣಕ್ಕೆ ಹೊರಾಡುತ್ತಿರುವ ರಾಜ್ಯ ಸರ್ಕಾರಕ್ಕೆ ಕಲಬುರಗಿ ಜಿಲ್ಲಾ ಗುತ್ತಿಗೆದಾರರ ಸಂಘವು 25 ಲಕ್ಷ ರೂ. ಗಳ ದೇಣಿಗೆ‌ ಮೊತ್ತದ ಚೆಕ್ಕನ್ನು ಮಂಗಳವಾರ ಜಿಲ್ಲಾಧಿಕಾರಿ ಶರತ್ ಬಿ. ಅವರಿಗೆ ನೀಡಿದರು.

ಡಿ.ಸಿ. ಅವರಿಗೆ ಚೆಕ್ ನೀಡಿದ ನಂತರ ಗುತ್ತಿಗೆದಾರರ ಸಂಘದ ಅಧ್ಯಕ್ಷ ಜಗನ್ನಾಥ ಶೇಗಜಿ ಮಾತನಾಡಿ ಸಂಘದ ಸದಸ್ಯರಿಂದ ಹಣ ಸಂಗ್ರಹಣೆ ಮಾಡಲಾಗಿದ್ದು, ಕೋವಿಡ್ ವಿರುದ್ಧ ಹೋರಾಟಕ್ಕೆ ಗುತ್ತಿಗೆದಾರರ ಅಲ್ಪ ಸೇವೆ ಇದಾಗಿದೆ ಎಂದರು. ಈ ಚೆಕ್ ಅನ್ನು ಮುಖ್ಯಮಂತ್ರಿಯವರ ಪರಿಹಾರ ನಿಧಿ ಹೆಸರಿನಲ್ಲಿ ನೀಡಲಾಯಿತು.

ಈ ಸಂದರ್ಭದಲ್ಲಿ ಲೊಕೋಪಯೋಗಿ ಇಲಾಖೆಯ ಕಾರ್ಯನಿರ್ವಾಹಕ ಅಭಿಯಂತ ಅಮೀನ್ ಮುಖ್ತಾರ ಅಹ್ಮದ್, ಗುತ್ತಿಗೆದಾರರ ಸಂಘದ ಉಪಾಧ್ಯಕ್ಷ ನೀಲಕಂಠರಾವ ಎಸ್.ಮೂಲಗೆ, ಮೋಹಸಿನ್ ಎನ್.ಪಟೇಲ್, ಪ್ರಧಾನ ಕಾರ್ಯದರ್ಶಿ ಮತ್ತು ಖಜಾಂಚಿ ಸಂಜಯ ಅರ್.ಕೆ., ರಾಜ್ಯ ಎಸ್.ಸಿ.ಎ. ಸದಸ್ಯ ಎಂ.ಕೆ.ಪಾಟೀಲ, ಸದಸ್ಯರಾದ ಎಸ್.ವೈ.ಪಾಟೀಲ, ರಿಯಾಜ್ ಪಟೇಲ್, ಬಸವರಾಜ ಸಜ್ಜನ್, ಅಣ್ಣಾರಾವ ಸನ್ಮನಿ, ಮನ್ಸೂರ್ ಎ. ಪಟೇಲ್, ಗುರುನಂಜಯ್ಯ ಅರ್.ವಿ., ರವಿಶಂಕರ ಹಂದ್ರಾಳ, ಸಿರಾಜ್ ಪಟೇಲ್ ಸೇರಿದಂತೆ ಇನ್ನಿತರ ಸದಸ್ಯರು ಮತ್ತು ಗುತ್ತಿಗೆದಾರರು ಇದ್ದರು.