ಸೆಹವಾಗ್ ಹೇಳಿಕೆಗೆ ತಲೆ ಕೆಡಿಸಿಕೊಳ್ಳೆನು: ಮ್ಯಾಕ್ಸ್ವೆಲ್
Team Udayavani, Nov 20, 2020, 11:08 PM IST
ಸಿಡ್ನಿ: ಐಪಿಎಲ್ 13ನೇ ಆವೃತ್ತಿಯಲ್ಲಿ ಕಳಪೆ ಪ್ರದರ್ಶನ ತೋರಿದ ಗ್ಲೆನ್ ಮಾಕ್ಸ್ವೆಲ್ ಅವರನ್ನು “10 ಕೋಟಿ ರೂ. ಚಿಯರ್ ಲೀಡರ್’ ಎಂದು ವೀರೇಂದ್ರ ಸೆಹವಾಗ್ ಹೀಯಾಳಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಮ್ಯಾಕ್ಸ್ವೆಲ್, ಈ ವಿಚಾರವಾಗಿ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ.
“ಗ್ಲೆನ್ ಮ್ಯಾಕ್ಸ್ವೆಲ್ ಪಂಜಾಬ್ ತಂಡದ 10 ಕೋಟಿ ರೂ. ಮೊತ್ತದ ಚಿಯರ್ ಲೀಡರ್. ಕಳೆದ ಕೆಲವು ವರ್ಷಗಳಿಂದ ಮ್ಯಾಕ್ಸ್ವೆಲ್ ಬ್ಯಾಟಿಂಗ್ನಲ್ಲಿ ದೊಡ್ಡ ಮಟ್ಟದ ಕುಸಿತ ಕಂಡುಬರುತ್ತಿದೆ. ಇದು ಒಂದು ರೀತಿ ದುಬಾರಿ ಸಂಭಾವನೆ ಪಡೆದು ಪಿಕ್ನಿಕ್ ಮಾಡಲು ಬಂದಂತಿದೆ’ ಎಂದು ಸೆಹವಾಗ್ ಹೇಳಿದ್ದರು.
ಇದಕ್ಕೆ ಪ್ರತಿಕ್ರಿಯಿಸಿದ ಮ್ಯಾಕ್ಸ್ವೆಲ್, “ವೀರೇಂದ್ರ ಸೆಹವಾಗ್ ಅವರ ವರ್ತನೆ ಹೊಸದೇನಲ್ಲ. ಅವರು ಪಂಜಾಬ್ ತಂಡದ ಮೆಂಟರ್ ಆಗಿ¨ªಾಗಲೂ ನನ್ನ ಪ್ರದರ್ಶನದ ಬಗ್ಗೆ ಅಸಮಾಧಾನ ಹೊಂದಿದ್ದರು. ವೀರೂಗೆ ನಾನು ಅಷ್ಟು ಪ್ರಿಯನಾದ ಆಟಗಾರನಲ್ಲ. ಅವರು ತಮಗೆ ಅನಿಸಿದ್ದನ್ನು ಹೇಳುವ ಸ್ವಾತಂತ್ರ್ಯ ಹೊಂದಿದ್ದಾರೆ. ಹೀಗಾಗಿ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ. ಇದನ್ನು ಇಲ್ಲಿಯೇ ಬಿಟ್ಟು ಮುಂದಿನದನ್ನು ಎದುರು ನೋಡುತ್ತೇನೆ’ ಎಂದಿದ್ದಾರೆ.