Garbo: ಮೋದಿ ರಚನೆಯ `ಮಾಡೀ’ ಬಿಡುಗಡೆ
Team Udayavani, Oct 15, 2023, 10:50 PM IST
ಹೊಸದಿಲ್ಲಿ: ದೇಶ ವಾಸಿಗಳಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಶರನ್ನವರಾತ್ರಿಯ ಶುಭಾಶಯ ಕೋರಿದರು. ಇದೇ ವೇಳೆ ಭಾನುವಾರ ನವರಾತ್ರಿ ಆರಂಭವಾದ ಹಿನ್ನೆಲೆಯಲ್ಲಿ ಅವರು ರಚಿಸಿರುವ “ಗಾರ್ಬಾ’ ಹಾಡನ್ನು ಟ್ವಿಟರ್(ಎಕ್ಸ್)ನಲ್ಲಿ ಅವರು ಹಂಚಿಕೊಂಡಿದ್ದಾರೆ. ಪ್ರಧಾನಿ ಮೋದಿ ಅವರ ಸಾಹಿತ್ಯ ರಚನೆಯ ಈ ಗಾರ್ಬಾ ಹಾಡನ್ನು ಗಾಯಕಿ ದಿವ್ಯಾ ಕುಮಾರ್ ಹಾಡಿದ್ದಾರೆ.
ಮೀಟ್ ಬ್ರಾಸ್ ಇದಕ್ಕೆ ಸಂಗೀತ ಸಂಯೋಜನೆ ಮಾಡಿದೆ. ಈ ಹಾಡಿಗೆ “ಮಾಡೀ’ ಎಂದು ಟೈಟಲ್ ನೀಡಲಾಗಿದೆ. ಗುಜರಾತ್ನ ಸಂಸ್ಕೃತಿಯನ್ನು ಬಿಂಬಿಸುವ ಗಾರ್ಬಾ ನೃತ್ಯವನ್ನು ವಿಶೇಷವಾಗಿ ನವರಾತ್ರಿ ಸಮಯದಲ್ಲಿ ಮಾಡಲಾಗುತ್ತದೆ. ಈ ವಿಡಿಯೋದಲ್ಲಿ ವಿವಿಧ ಗಾರ್ಬಾ ಕಲಾವಿದರು ನೃತ್ಯ ಮಾಡಿದ್ದು, ಗುಜರಾತ್ನ ಪ್ರಮುಖ ಪ್ರವಾಸಿ ಹಾಗೂ ಸಾಂಸ್ಕೃತಿಕ ಸ್ಥಳಗಳಲ್ಲಿ ಇದನ್ನು ಚಿತ್ರಿಸಲಾಗಿದೆ.