Thailand: ಥೈಲ್ಯಾಂಡ್‌ ಪ್ರವಾಸಕ್ಕೆ ವೀಸಾ ವಿನಾಯತಿ

Team Udayavani, Oct 31, 2023, 10:38 PM IST

ಬ್ಯಾಂಕಾಕ್‌:ಭಾರತ ಹಾಗೂ ಥೈಲ್ಯಾಂಡ್‌ ನಡುವಿನ ಪ್ರವಾಸೋದ್ಯಮವನ್ನು ಅಭಿವೃದ್ಧಿಗೊಳಿಸುವ ನಿಟ್ಟಿನಲ್ಲಿ ಮುಂದಿನ ತಿಂಗಳಿನಿಂದ 2024ರ ಮೇ ವರೆಗೆ ಭಾರತದಿಂದ ಥೈಲ್ಯಾಂಡ್‌ಗೆ ಪ್ರವಾಸಕೈಗೊಳ್ಳುವವರಿಗೆ ವೀಸಾ ವಿನಾಯತಿ ನೀಡುವುದಾಗಿ ಥೈಲ್ಯಾಂಡ್‌ ಸರ್ಕಾರ ಘೋಷಿಸಿದೆ.

ಕೊರೊನಾ ಪೂರ್ವದಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ಪ್ರವಾಸಿಗರು ದೇಶಕ್ಕೆ ಆಗಮಿಸುತ್ತಿದ್ದರು. ಆ ನಂತರದಲ್ಲಿ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ. ಈ ಹಿನ್ನೆಲೆಯಲ್ಲಿ ಸರ್ಕಾರ ಈ ಕ್ರಮ ಕೈಗೊಂಡಿದ್ದು, ಭಾರತದಿಂದ ಆಗಮಿಸುವ ಪ್ರವಾಸಿಗರು ವೀಸಾ ಇಲ್ಲದೆಯೇ ಥೈಲ್ಯಾಂಡ್‌ನ‌ಲ್ಲಿ 1 ತಿಂಗಳವರೆಗಿನ ಸಮಯ ಕಳೆಯಬಹುದಾಗಿದೆ. ಥೈಲ್ಯಾಂಡ್‌ಗೆ ಭಾರತ ನಾಲ್ಕನೇ ಅತಿದೊಡ್ಡ ಪ್ರವಾಸಿಗ ಪಾಲುದಾರ ದೇಶವಾಗಿದ್ದು ಈ ವರ್ಷ 1.2 ದಶಲಕ್ಷ ಮಂದಿ ಥೈಲ್ಯಾಂಡ್‌ ಪ್ರವಾಸ ಕೈಗೊಂಡಿದ್ದಾರೆ.