ಲಿಂಗಪರಿವರ್ತಿತರ ಮದುವೆ
Team Udayavani, Apr 19, 2018, 7:00 AM IST
ತಿರುವನಂತಪುರಂ: ಒಂದು ಸಮಯದಲ್ಲಿ ಅವನು ಅವಳಾಗಿಯೂ, ಅವಳು ಅವನಾಗಿಯೂ ಇದ್ದರು. ಅವರಿಬ್ಬರನ್ನೂ ಅವರ ಕುಟುಂಬ ಮನೆಯಿಂದ ಹೊರಹಾಕಿದ್ದವು ಮತ್ತು ಸಮಾಜ ಇನ್ನಿಲ್ಲದಂತೆ ಶೋಷಿಸಿತ್ತು. ಇಂಥ ಶೋಷಣೆಗೆ ಒಳಗಾದವರು ಕೇರಳದ ಇಶಾನ್ ಮತ್ತು ಸೂರ್ಯ. ಇವರಿಬ್ಬರೂ ಲಿಂಗಪರಿವರ್ತನೆ ಮಾಡಿಕೊಂಡ ವ್ಯಕ್ತಿಗಳು. ಈಗ ಇವರಿಬ್ಬರೂ ಮದುವೆಯಾಗುವ ನಿರ್ಧಾರಕ್ಕೆ ಬಂದಿದ್ದಾರೆ. ಈ ಮೂಲಕ ಸಮಾಜದಲ್ಲಿ ಲಿಂಗ ಪರಿವರ್ತಿತರ ಬಗ್ಗೆ ಇರುವ ಪೂರ್ವಗ್ರಹಗಳನ್ನು ತೊಡೆದುಹಾಕಲು ಮುಂದಾಗಿದ್ದಾರೆ.
ಎಲ್ಲರಂತೆಯೇ ಇವರೂ ತಮ್ಮ ಮದುವೆ ಸಮಾರಂಭವನ್ನು ವಿಶೇಷವಾಗಿಸಲು ತಯಾರಿ ನಡೆಸಿದ್ದಾರೆ. ಮೇ. 10ರಂದು ಅವರಿಬ್ಬರೂ ಇಲ್ಲಿಯ ಸಭಾಂಗಣವೊಂದರಲ್ಲಿ ಮದುವೆಯಾಗಲಿದ್ದಾರೆ. ಟೀವಿ ನಟರಾಗಿ ಹೆಸರು ಮಾಡುತ್ತಿರುವ ಸೂರ್ಯ, ವಟ್ಟಿ ಯು ರ್ಕಾವುವಿನ ಮಧ್ಯಮ ವರ್ಗದ ಕುಟುಂ ಬಕ್ಕೆ ಸೇರಿರುವವರು. 2014ರಲ್ಲಿ ಲಿಂಗ ಪರಿವರ್ತನೆ ಶಸ್ತ್ರಚಿಕಿತ್ಸೆ ಮಾಡಿಸಿ ಕೊಂಡು ಮಹಿಳೆಯಾಗಿ ಬದಲಾಗಿದ್ದಾರೆ. ಮುಸ್ಲಿಂ ಕುಟುಂಬವೊಂದರಲ್ಲಿ ಹೆಣ್ಣಾಗಿ ಜನಿಸಿದ್ದ ಇಶಾನ್ರದ್ದು ಕೂಡ ಇದೇ ಕಥೆ. ಅವರು ಗಂಡಾಗಿ ಮಾರ್ಪಾಡಾದವರು. ತಮ್ಮಿಚ್ಛೆಯ ಲಿಂಗವನ್ನು ಆಯ್ಕೆ ಮಾಡಿಕೊಂಡ ಕಾರಣ ಇವರಿಬ್ಬರೂ ತಮ್ಮ ಕುಟುಂಬದಿಂದ ದೂರಾಗಿದ್ದರು. ಎನ್ಜಿಒ ಒಂದರಲ್ಲಿ ಭೇಟಿಯಾದ ಇವರು ಇದೀಗ ಮದುವೆ ಯಾಗಲು ನಿರ್ಧರಿಸಿದ್ದಾರೆ. ಲಿಂಗ ಪರಿವರ್ತಿ ತರನ್ನು ಸಮಾಜ ಒಪ್ಪಿಕೊಳ್ಳುವಂತೆ ಮಾಡ ಬೇಕು. ಅಂತರ್ಧರ್ಮೀಯ ವಿವಾಹಗಳನ್ನು ಸ್ವೀಕರಿಸಲು ಒಂದು ನಿದರ್ಶನವಾಗಬೇಕು ಎಂಬ ಆಶಯಗಳು ಇವರಿಬ್ಬರದು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
CBI ತನಿಖೆ; ಸಂದೇಶಖಾಲಿಯಲ್ಲಿ ಬೀಡುಬಿಟ್ಟ ಕಮಾಂಡೋಗಳು; ಸುಪ್ರೀಂ ಮೆಟ್ಟಿಲೇರಿದ ಸರಕಾರ
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…
Singapore ಏರ್ ಲೈನ್ಸ್ ಪೈಲಟ್ ನಂತೆ ಪೋಸ್ ಕೊಟ್ಟ ಉತ್ತರಪ್ರದೇಶ ಯುವಕನ ಬಂಧನ!