ಬಂಕ್‌ ಶೌಚಾಲಯ ಸಾರ್ವಜನಿಕರಿಗಲ್ಲ

Team Udayavani, Jul 22, 2018, 6:00 AM IST

ಹೊಸದಿಲ್ಲಿ: ದೇಶದ ಯಾವುದೇ ಪೆಟ್ರೋಲ್‌ ಬಂಕ್‌ಗಳಲ್ಲಿನ ಶೌಚಾಲಯಗಳನ್ನು ಸಾರ್ವಜನಿಕ ಶೌಚಾಲಯದಂತೆ ಬಳಸುವಹಾಗಿಲ್ಲ ಎಂದು ಪೆಟ್ರೋಲಿಯಂ ಮತ್ತು  ಸ್ಪೋಸುರಕ್ಷಾ ಸಂಸ್ಥೆ (ಪೆಸ್ಕೋ) ಸ್ಪಷ್ಟಪಡಿಸಿದೆ. ಆಂಧ್ರಪ್ರದೇಶ ಪೆಟ್ರೋಲಿಯಂ ಅಸೋಸಿಯೇಷನ್‌ ಪ್ರಕರಣವೊಂದಕ್ಕೆ ಪೆಸ್ಕೋ ಈ ಸ್ಪಷ್ಟನೆ ನೀಡಿದೆ.  ಪೆಟ್ರೋಲ್‌ ಬಂಕ್‌ಗಳಲ್ಲಿನ ಶೌಚಾಲಯಗಳು ಆಯಾ ಬಂಕ್‌ಗಳಿಗೆ ಇಂಧನ ತುಂಬಿಸಿಕೊಳ್ಳಲು ಬರುವ ವಾಹನ ಸವಾರರು ಹೊರತುಪಡಿಸಿ ಇತರರ ಉಪಯೋಗಕ್ಕೆ ಬೇಡ ಎಂದು ಪೆಸ್ಕೋ ತಿಳಿಸಿದೆ. ಈ ಹೇಳಿಕೆ, ಪುಣೆ ಮಹಾನಗರ ಪಾಲಿಕೆ ಹಾಗೂ ಪುಣೆಯ ಪೆಟ್ರೋಲ್‌ ಮಾರಾಟಗಾರರ ಸಂಘದ ನಡುವಿನ ವಿವಾದವೊಂದಕ್ಕೂ ಪರಿಹಾರ ಕಲ್ಪಿಸಿದೆ. ಇತ್ತೀಚೆಗೆ, ಪುಣೆ ಪಾಲಿಕೆ, ತನ್ನ ವ್ಯಾಪ್ತಿಯ ಪೆಟ್ರೋಲ್‌ ಬಂಕ್‌ಗಳಲ್ಲಿನ ಶೌಚಾಲಯಗಳ ಮೇಲೆ ಸ್ವತ್ಛ ಭಾರತ ಅಭಿಯಾನದ ಚಿಹ್ನೆ ಹಾಕಬೇಕು ಹಾಗೂ ಆ ಮೂಲಕ ಅವುಗಳನ್ನು ಸಾರ್ವಜನಿಕರ ಬಳಕೆಗೆ ಅನುವು ಮಾಡಿಕೊಡಬೇಕು ಎಂದು ಆದೇಶ ಹೊರಡಿಸಿತ್ತು. ಇದರ ವಿರುದ್ಧ ಪುಣೆಯ ಪೆಟ್ರೋಲ್‌ ಮಾರಾಟಗಾರರು ಹಾಗೂ ವಿತರಕರು ಅಸಮಾಧಾನ ವ್ಯಕ್ತಪಡಿಸಿದ್ದರು.