ಕತಾರ್ ಓಪನ್ ಒಸ್ಟಾಪೆಂಕೊ ಗೆಲುವಿನ ಆರಂಭ
Team Udayavani, Feb 14, 2019, 12:45 AM IST
ದೋಹಾ: ಮಾಜಿ ಫ್ರೆಂಚ್ ಓಪನ್ ಚಾಂಪಿಯನ್, ಲಾಟ್ವಿಯಾದ ಜೆಲೆನಾ ಒಸ್ಟಾಪೆಂಕೊ ಹಾಗೂ ನೆದರ್ಲ್ಯಾಂಡ್ನ ಕಿಕಿ ಬರ್ಟೆನ್ಸ್ “ಕತಾರ್ ಓಪನ್’ ಕೂಟದ ಮೊದಲ ಸುತ್ತಿನಲ್ಲಿ ಜಯ ಸಾಧಿಸಿದ್ದಾರೆ.
ಮಂಗಳವಾರ ರಾತ್ರಿ ನಡೆದ ಪಂದ್ಯದಲ್ಲಿ ಒಸ್ಟಾಪೆಂಕೊ ರೊಮೇನಿಯದ ಮಿಹೆಲಾ ಬುಜರ್ನೆಸ್ಕಾ ಅವರನ್ನು 6-1, 4-6, 6-2 ಸೆಟ್ಗಳಿಂದ ಸೋಲಿಸಿದರು.
2018ರ ಕೂಟದಲ್ಲಿ ದ್ವಿತೀಯ ಸುತ್ತಿನಲ್ಲಿ ಬುಜರ್ನೆಸ್ಕಾ ವಿರುದ್ಧ ಸೋತಿದ್ದ ಒಸ್ಟಾಪೆಂಕೊ, ಈ ಬಾರಿ ಸೇಡು ತೀರಿಸಿಕೊಂಡರು. ದ್ವಿತೀಯ ಸುತ್ತಿನಲ್ಲಿ ಒಸ್ಟಾಪೆಂಕೊ ಎದುರಾಳಿ ವಿಶ್ವದ 7ನೇ ರ್ಯಾಂಕಿಂಗ್ ಆಟಗಾರ್ತಿ ಎಲಿನಾ ಸ್ವಿಟೋಲಿನಾ.
ಬರ್ಟೆನ್ಸ್ಗೆ ಕಠಿನ ಗೆಲುವು
5ನೇ ಶ್ರೇಯಾಂಕಿತೆ ಕಿಕಿ ಬರ್ಟೆನ್ಸ್ ಇಟಲಿಯ ಕ್ಯಾಮಿಲಾ ಜಾರ್ಜಿ ವಿರುದ್ಧ 0-6, 7-6 (9-7), 6-4 ಸೆಟ್ಗಳಿಂದ ಗೆದ್ದರು. ಮೊದಲ ಸೆಟ್ನಲ್ಲಿ ಕಿಕಿ ಬರ್ಟೆನ್ಸ್ಗೆ ಒಂದೂ ಅಂಕ ಒಲಿದಿರಲಿಲ್ಲ. ದ್ವಿತೀಯ ಸೆಟ್ ಟೈ ಬ್ರೇಕರ್ಗೆ ವಿಸ್ತರಣೆಗೊಂಡಿತು. ಇದನ್ನು ಬರ್ಟೆನ್ಸ್ ತಮ್ಮದಾಗಿಸಿಕೊಂಡರು. ಅದೃಷ್ಟವನ್ನು ಒಲಿಸಿಕೊಂಡರು. ಮುಂದಿನ ಪಂದ್ಯದಲ್ಲಿ ಅವರು 2016ರ ಚಾಂಪಿಯನ್ ಕಾರ್ಲಾ ಸೂರೆಜ್ ನವಾರೊ ವಿರುದ್ಧ ಆಡಲಿದ್ದಾರೆ.
ಸೆವಸ್ತೋವಾ,ಸ್ಟೋಸರ್ ಔಟ್
7ನೇ ಶ್ರೇಯಾಂಕಿತೆ ಅನಾಸ್ತಾಸಿಜಾ ಸೆವಸ್ತೋವಾ ಮೊದಲ ಸುತ್ತಿನಲ್ಲೇ ಅಘಾತ ಅನುಭವಿಸಿ ಟೂರ್ನಿಯಿಂದ ನಿರ್ಗಮಿಸಿದ್ದಾರೆ. ಅವರು ಅರ್ಹತಾ ಆಟಗಾರ್ತಿ, ರಶ್ಯದ ಅನ್ನಾ ಬ್ಲಿಂಕೋವಾ ವಿರುದ್ಧ 6-7 (5-7), 4-6 ಅಂತರದಿಂದ ಪರಭಾವಗೊಂಡರು.
ಕೂಟದಿಂದ ಹಿಂದೆ ಸರಿದ ಕ್ಯಾರೋಲಿನ್ ವೋಜ್ನಿಯಾಕಿ ಬದಲಿಗೆ ಅವಕಾಶ ಪಡೆದ ಆಸ್ಟ್ರೇಲಿಯದ ಸ್ಯಾಮ್ ಸ್ಟೋಸರ್ ಮೊದಲ ಪಂದ್ಯದಲ್ಲೇ ಅರ್ಹತಾ ಆಟಗಾರ್ತಿ, ಜೆಕ್ ಗಣರಾಜ್ಯದ ಕ್ಯಾರೋಲಿನಾ ಮುಖೋವಾ ವಿರುದ್ಧ 4-6, 2-6ರಿಂದ ಸೋತರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Dandeli: ಯಂತ್ರದಡಿ ಸಿಲುಕಿದ ಕಾರ್ಮಿಕ: ಕಾಲುಗಳಿಗೆ ಗಂಭೀರ ಗಾಯ
Americaದಲ್ಲಿ ಮುಂದುವರಿದ ಹತ್ಯೆ: ಅಮೆರಿಕದಲ್ಲಿ ಮತ್ತೊಬ್ಬ ವಿದ್ಯಾರ್ಥಿ ಶವ ಪತ್ತೆ!
PSL ಗೆದ್ದ ಇಸ್ಲಾಮಾಬಾದ್ ಯುನೈಟೆಡ್: ಪಂದ್ಯದ ವೇಳೆ ಸಿಗರೇಟ್ ಸೇದಿದ ಆಟಗಾರನ ವಿಡಿಯೋ ವೈರಲ್
ಉಚಿತವಾಗಿ ಕೆಲಸಕ್ಕೆ ಬರಲು ನಿರಾಕರಿಸಿದ್ದಕ್ಕೆ ಕಾರ್ಮಿಕರ ಗುಡಿಸಲಿಗೆ ಬೆಂಕಿಯಿಟ್ಟ ವ್ಯಕ್ತಿ
Mandya: ದಾಖಲೆ ಇಲ್ಲದ 99.20 ಲಕ್ಷ ಜಪ್ತಿ ಮಾಡಿದ ಚುನಾವಣಾಧಿಕಾರಿಗಳು