ಉಡುಪಿ ಉತ್ಸವ : ದುಬಾೖ ಬುರ್ಜ್ ಖಲೀಫ, ವಿದೇಶಿ ಮೀನುಗಳ ಪ್ರದರ್ಶನ
Team Udayavani, Dec 19, 2018, 2:40 AM IST
ಉಡುಪಿ: ಉಡುಪಿ ಉತ್ಸವವು ಕಲ್ಸಂಕ ಬಳಿ ಇರುವ ರಾಯಲ್ ಗಾರ್ಡನ್ನಲ್ಲಿ ಆರಂಭವಾಗಿದ್ದು ಈ ಉತ್ಸವದಲ್ಲಿ ಈ ಬಾರಿ ಅನೇಕ ಹೊಸ ಹೊಸ ಬಗೆಯ ಆಕರ್ಷಣೆಯೊಂದಿಗೆ ವಿಶ್ವದಲ್ಲೆ ಅತಿ ಎತ್ತರದ ವಿಶ್ವದಲ್ಲೆ ಪ್ರಖ್ಯಾತಿ ಪಡೆದ ದುಬಾೖ ದೇಶದಲ್ಲಿರುವ ಭುರ್ಜ್ ಖಲೀಫ ಕಟ್ಟಡದ ಮಾದರಿ ಬಹಳಷ್ಟು ಮನಮೋಹಕವಾಗಿದೆ. ಇದು 120 ಅಡಿಗಳಷ್ಟು ಎತ್ತರವಿದ್ದು ಇದರ ಎದುರು ಭಾಗದಲ್ಲಿ ಎರಡು ಕಾರಂಜಿ ಮತ್ತು ಹೂವಿನ ಗಿಡಗಳನ್ನು ರಾತ್ರಿ ಹೊತ್ತಿನಲ್ಲಿ ಬಣ್ಣ ಬಣ್ಣದ ವಿದ್ಯುತ್ ದೀಪಗಳನ್ನು ಅಳವಡಿಸಲಾಗಿದೆ. ಇದನ್ನು ನೋಡಲು ಎರಡು ಕಣ್ಣುಗಳು ಸಾಲದು ಎಂಬಂತಿದೆ. ಇಲ್ಲಿ 27 ಬಗೆಯ ವೈವಿಧ್ಯಮಯ ಆಕರ್ಷಕ ಕೈಬರಹದ ಪೈಂಟಿಂಗ್ನ ಸೆಲ್ಫಿ ಗ್ಯಾಲರಿ, ಎನಿಮಲ್ ಕಿಂಗ್ಡಂ, ಮಕ್ಕಳು, ಯುವಕರು ಮತ್ತು ಗೃಹಿಣಿಯರನ್ನು ವಿಶೇಷವಾಗಿ ಗಮನದಲ್ಲಿರಿಸಿಕೊಂಡು ಈ ಉತ್ಸವವನ್ನು ಸಿದ್ಧಗೊಳಿಸಲಾಗಿದ್ದು ನೂರಕ್ಕೂ ಅಧಿಕ ಮಳಿಗೆಗಳು, ಅಟೋಮೊಬೈಲ್ಸ್, ಗೃಹಬಳಕೆ ಸಾಮಗ್ರಿಗಳು, ಎಲೆಕ್ಟ್ರಾನಿಕ್ ಪರಿಕರಗಳು, ಹ್ಯಾಂಡ್ಲೂಮ್ಸ್ ಬಟ್ಟೆಗಳು, ಚಪ್ಪಲಿ, ಬ್ಯಾಗ್, ಸಿದ್ಧ ಉಡುಪುಗಳು, ಅಲಂಕಾರಿಕ ಸಾಮಗ್ರಿ, ಕ್ಯಾಲೆಂಡರ್ ಫೋಟೋಗಳು, ಒಂದು ಗ್ರಾಂ ಚಿನ್ನದ ಆಭರಣಗಳು ಇಲ್ಲಿವೆ.
ಇಲ್ಲಿ ಜೋಳದ ವಿವಿಧ ಖಾದ್ಯಗಳು, ದೋಸಾ ಕ್ಯಾಂಪ್ ಗ್ರಾಹಕರನ್ನು ಆಕರ್ಷಿಸಲಿವೆ. ಇಟಾಲಿಯನ್ ಟೊರ ಟೊರ, ಬ್ರೇಕ್ ಡ್ಯಾನ್ಸ್, ಡ್ರ್ಯಾಗನ್ ಟ್ರೇನ್, 3ಡಿ ಶೋ, ಟೈಟಾನಿಕ್, ಜಿಗ್ ಸ್ಯಾಗ್, ಬೋಟಿಂಗ್, ಎಲೆಕ್ಟ್ರಾನಿಕ್ ಟ್ರೇನ್, ಡ್ರಾಗನ್ ಸ್ಲೈಡ್, ಹಾಂಟೆಡ್ ಹೌಸ್ ಹಾಗೂ ಕ್ಯಾಟರ್ ಪಿಲ್ಲರ್ ಜನರಿಗೆ ಮನೋರಂಜನೆ ನೀಡಲಿವೆ.
ಮರ್ಮೆಡ್ ಅಕ್ವೇರಿಯಂ, ಪಾಂಡ್ಸ್
ಮೈಸೂರಿನ ಮರ್ಮೆಡ್ ಅಕ್ವೇರಿಯಂ ಇವರ ಆಮೆ, ಸಿಗಡಿ,ತೊರಕೆ, ಚಾಟೆ, ವಾಸ್ತು ಮೀನು ಸೇರಿದಂತೆ ಬಣ್ಣ ಬಣ್ಣದ ಸುಮಾರು 90 ಬಗೆಯ ವಿದೇಶಿ ಮೀನುಗಳು ಇಲ್ಲಿವೆ. ಈ ಮೀನುಗಳನ್ನು ನೋಡಬೇಕಾದರೆ ಸುರಂಗ ಮಾರ್ಗ ಮೂಲಕ ಪ್ರವೇಶಿಸಬೇಕು. ಸುರಂಗ ಮೇಲ್ಭಾಗದಲ್ಲಿ ಮೀನುಗಳಿದ್ದು ಸಮುದ್ರದ ಮಧ್ಯದಲ್ಲಿ ನಾವು ಹೋಗುತ್ತಿದ್ದೇವೆ ಎಂಬ ಅನುಭವವನ್ನುಂಟು ಮಾಡುತ್ತಿದೆ. ಒಂದು ಇಂಚಿನಿಂದ ಹಿಡಿದು 3 ಅಡಿಗಳಷ್ಟು ಉದ್ದದ ಮೀನುಗಳು ಇಲ್ಲಿವೆ. ಜೀವಂತ ಸಮುದ್ರ ಸಸ್ಯ ಪ್ರಭೇದಗಳು,ಸಮುದ್ರದ ಉಪ್ಪು ನೀರು,ಸಮುದ್ರದ ಅಡಿಯಲ್ಲಿರುವ ಬಂಡೆ ಕಲ್ಲುಗಳನ್ನು ಇಡಲಾಗಿದ್ದು ಇದರ ಜತೆಯಲ್ಲಿ ಮಾಹಿತಿ ಫಲಕ ಕೂಡ ಇದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Lok Sabha Election 2024; ಉಡುಪಿ-ಚಿಕ್ಕಮಗಳೂರು: ಅಭ್ಯರ್ಥಿಗಳ ದಿನಚರಿ
Kapu Assembly constituency: ನಕಲಿ ಮತದಾನ;ಆರೋಪ
Road Mishap; ಪಡುಬಿದ್ರಿ: ವಿದ್ಯುತ್ ಕಂಬಕ್ಕೆ ಕಾರು ಢಿಕ್ಕಿ: ಮಹಿಳೆ ಸಾವು
Lok Sabha Polls: ಉಡುಪಿ: ಕುಟುಂಬ ಸಮೇತರಾಗಿ ಬಂದು ಮತದಾನ ಮಾಡಿದ ನಟ ರಕ್ಷಿತ್ ಶೆಟ್ಟಿ
Election: ಮತದಾನ ಆರಂಭವಾದ 2 ಗಂಟೆಯಲ್ಲೇ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದಲ್ಲಿ 12.82% ಮತದಾನ