Rahul Gandhi ಪ್ರತಿಸ್ಪರ್ಧಿ, ಬಿಜೆಪಿ ಅಭ್ಯರ್ಥಿ ವಿರುದ್ಧ 242 ಕ್ರಿಮಿನಲ್ ಕೇಸ್!
Team Udayavani, Mar 30, 2024, 5:48 AM IST
ಕೊಚ್ಚಿ: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ವಿರುದ್ಧ ಕೇರಳದ ವಯನಾಡಿನಲ್ಲಿ ಸ್ಪರ್ಧಿಸಿರುವ ಬಿಜೆಪಿ ಅಭ್ಯರ್ಥಿ ಕೆ.ಸುರೇಂದ್ರನ್ 242 ಕ್ರಿಮಿನಲ್ ಕೇಸ್ ಎದುರಿಸುತ್ತಿದ್ದಾರೆ. ಇವರು ಕೇರಳ ಬಿಜೆಪಿಯ ಅಧ್ಯಕ್ಷರೂ ಹೌದು. ಇತ್ತೀಚೆಗೆ ಅವರೇ ಈ ಕುರಿತು ವಿವರ ಪ್ರಕಟಿಸಿದ್ದಾರೆ.
ಎರ್ನಾಕುಲಂ ಬಿಜೆಪಿ ಅಭ್ಯರ್ಥಿ ಕೆ.ಎಸ್.ರಾಧಾಕೃಷ್ಣನ್ ವಿರುದ್ಧವೂ 211 ಪ್ರಕರಣಗಳಿವೆ. ಈ ನಾಯಕರ ವಿರುದ್ಧ ದಾಖಲಾಗಿರುವ ಬಹುತೇಕ ಕ್ರಿಮಿನಲ್ ಕೇಸ್ 2018ರ ಶಬರಿಮಲೆ ಪ್ರತಿಭಟನೆ ವೇಳೆ ದಾಖಲಾಗಿವೆ ಎಂದು ಪಕ್ಷದ ರಾಜ್ಯ ಕಾರ್ಯದರ್ಶಿ ಜಾರ್ಜ್ ಕುರಿಯನ್ ತಿಳಿಸಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿ ಟ್ವೀಟ್ ಮಾಡಿರುವ ಬಿಜೆಪಿ ರಾಷ್ಟ್ರೀಯ ಸಂಘಟನ ಕಾರ್ಯದರ್ಶಿ ಬಿ.ಎಲ್.ಸಂತೋಷ್, “ಭಾರತದ ಕೆಲವು ಭಾಗದಲ್ಲಿ ರಾಷ್ಟ್ರವಾದಿಗಳಾಗುವುದು ಬಹಳ ಕಷ್ಟ’ ಎಂದು ಹೇಳಿದ್ದಾರೆ.