ಸರ್ಚಾರ್ಜ್‌ ಕಡಿತ:ಮಹಾರಾಷ್ಟ್ರದಲ್ಲಿ ಪೆಟ್ರೋಲ್‌,ಡೀಸಿಲ್‌ ಬೆಲೆ ಇಳಿಕೆ

Team Udayavani, Jul 12, 2017, 11:35 AM IST

ಮುಂಬಯಿ : ಮಹಾರಾಷ್ಟ್ರದಲ್ಲಿ ಪೆಟ್ರೋಲ್‌, ಡೀಸಿಲ್‌ ಬೆಲೆ ಕಡಿಮೆಯಾಗಲಿದೆ. ಕಾರಣ, ಮಹಾರಾಷ್ಟ್ರ ಸರಕಾರ ಪೆಟ್ರೋಲಿಯಂ ಉತ್ಪನ್ನಗಳ ಮೇಲಿನ ಸರ್ಚ್‌ಚಾರ್ಜ್‌ ಇಳಿಸಲು ನಿರ್ಧರಿಸಿದೆ. 

ಮಹಾರಾಷ್ಟ್ರದ ಆಹಾರ ಮತ್ತು ನಾಗರಿಕೆ ಪೂರೈಕೆ ಸಚಿವ ಗಿರೀಶ್‌ ಬಾಪಟ್‌ ಈ ವಿಷಯವನ್ನು ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಅವರು ಹೇಳಿರುವಂತೆ ಪೆಟ್ರೋಲ್‌ ಬೆಲೆ ಲೀಟರ್‌ಗೆ 66 ಪೈಸೆಯಿಂದ 1.77 ರೂ. ವರೆಗೆ ಕಡಿಮೆಯಾಗಲಿದೆ. ಮುನಿಸಿಪಲ್‌ ಕಾರ್ಪೊರೇಶನ್‌ ಮತ್ತು ಇತರ ಸ್ಥಳೀಯಾಡಳಿತೆಯ ತೆರಿಗೆ ವ್ಯತ್ಯಾಸಗಳು ಇದಕ್ಕೆ ಕಾರಣವಾಗಲಿವೆ. 

ಇದೇ ರೀತಿ ಡೀಸಿಲ್‌ ಬೆಲೆ ಕೂಡ ಲೀಟರ್‌ 1.25 ರೂ.ನಿಂದ 1.66 ರೂ. ವರೆಗೂ ಇಳಿಯಲಿದೆ ಎಂದವರು ಹೇಳಿದ್ದಾರೆ. ಜಿಎಸ್‌ಟಿ ಜಾರಿಗೆ ಬಂದ ಬಳಿಕದಲ್ಲಿ ಆ ವರೆಗೂ ಇದ್ದ ತೆರಿಗೆಗಳೆಲ್ಲ ಬಿದ್ದುಹೋಗಿವೆ ಎಂದವರು ಹೇಳಿದರು.