ಇಂದಿನಿಂದ ವಿಮಾನ ಪ್ರಯಾಣ ಸಲೀಸು; ವಿದೇಶಕ್ಕೆ ತೆರಳುವವರಿಗೆ ಬೂಸ್ಟರ್‌?

Team Udayavani, Mar 27, 2022, 6:50 AM IST

ಮುಂಬೈ/ಹೊಸದಿಲ್ಲಿ: ಬರೋ­ಬ್ಬರಿ ಎರಡು ವರ್ಷಗಳ ಬಳಿಕ ದೇಶದಿಂದ ಸಾಮಾನ್ಯ ಅಂತಾ­ರಾಷ್ಟ್ರೀಯ ವಿಮಾನಯಾನ ರವಿವಾರದಿಂದ ಶುರುವಾಗ­ಲಿದೆ. ಕೊರೊನಾ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ವಿಮಾನಯಾನ ಪೂರ್ಣ ಪ್ರಮಾಣದಲ್ಲಿ ರದ್ದುಗೊ­ಳಿಸಿ ಆದೇಶ ನೀಡಿತ್ತು. ಆದರೆ ಕೆಲವೊಂದು ದೇಶಗಳ ಜತೆಗೆ ವಿಮಾನ ಸಂಚಾರಕ್ಕಾಗಿ ಮಾಡಿ­ಕೊಂಡಿ­ರುವ ಒಪ್ಪಂದದಂತೆ ಆದ್ಯ­ತೆ­ಯಲ್ಲಿ ಇದುವರೆಗೆ ವಿಮಾನ­ಯಾನ ಹಾರಾಟ ನಡೆಯುತ್ತಿತ್ತು.

ದೇಶದಲ್ಲಿ ಸೋಂಕಿನ ಅಬ್ಬರ ಕಡಿಮೆಯಾಗಿರುವ ಹಿನ್ನೆಲೆಯಲ್ಲಿ ರವಿವಾರದಿಂದ ಅಂತಾ­ರಾಷ್ಟ್ರೀಯ ವಿಮಾನಯಾನ ಪುನಾ­ರಂಭಿಸಲು ಕೇಂದ್ರ ಸರಕಾರ ಮುಂದಾಗಿದೆ. ಈ ಹಿನ್ನೆಲೆಯಲ್ಲಿ ನಾಗರಿಕ ವಿಮಾನಯಾನ ಸಚಿವಾಲಯ ಹೊಸ ನಿಯಮಾವಳಿಗಳನ್ನೂ ಬಿಡುಗಡೆ ಮಾಡಿದೆ. ಕೊರೊನಾ ಹೆಚ್ಚಾಗಿದ್ದ ಸಂದರ್ಭದಲ್ಲಿ ಇದ್ದ ಕಠಿಣ ನಿಯಮಗಳಿಗೆ ವಿನಾಯಿತಿ ನೀಡಲಾಗಿದೆ.

ಅದಕ್ಕೆ ಅನುಸಾರವಾಗಿ ವಿವಿಧ ವಿಮಾನಯಾನ ಕಂಪೆನಿಗಳು ಪ್ರಯಾ­ಣಿಕ­ರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಆಫ‌ರ್‌ಗಳನ್ನೂ ನೀಡಲಾರಂಭಿಸಿವೆ.ಬೂಸ್ಟರ್‌ ಡೋಸ್‌ ನೀಡಲು ಚಿಂತನೆ ಉದ್ಯೋಗ, ಶಿಕ್ಷಣ, ಉದ್ದಿಮೆ, ಕ್ರಿಡಾ ಚಟುವಟಿಕೆಗಳಿಗಾಗಿ ವಿದೇಶಗಳಿಗೆ ತೆರಳುವವರಿಗೆ ಬೂಸ್ಟರ್‌ ಡೋಸ್‌ ಲಸಿಕೆ ನೀಡಲು ಕೇಂದ್ರ ಸರಕಾರ ಚಿಂತನೆ ನಡೆಸಿದೆ. ಬೂಸ್ಟರ್‌ ಡೋಸ್‌ ಹಾಕಿಸಿಕೊಳ್ಳುವವರಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಶುಲ್ಕ ಪಾವತಿಸಿ ಲಸಿಕೆ ಹಾಕಿಸಿಕೊಳ್ಳಲು ಅನುವು ಮಾಡಿಕೊಡಬೇಕೇ ಎಂಬ ಬಗ್ಗೆ ಚರ್ಚೆಗಳು ನಡೆದಿವೆ.

ಇದನ್ನೂ ಓದಿ:ಮಾ. 30ಕ್ಕೆ ಬಿಮ್‌ಸ್ಟೆಕ್ ಶೃಂಗಸಭೆ: ಪ್ರಧಾನಿ ಮೋದಿ ಭಾಗಿ

ಬೂಸ್ಟರ್‌ ಡೋಸ್‌ ನೀಡಲು ಚಿಂತನೆ
ಉದ್ಯೋಗ, ಶಿಕ್ಷಣ, ಉದ್ದಿಮೆ, ಕ್ರಿಡಾ ಚಟುವಟಿಕೆಗಳಿಗಾಗಿ ವಿದೇಶಗಳಿಗೆ ತೆರಳುವವರಿಗೆ ಬೂಸ್ಟರ್‌ ಡೋಸ್‌ ಲಸಿಕೆ
ನೀಡಲು ಕೇಂದ್ರ ಸರಕಾರ ಚಿಂತನೆ ನಡೆಸಿದೆ. ಬೂಸ್ಟರ್‌ ಡೋಸ್‌ ಹಾಕಿಸಿಕೊಳ್ಳುವವರಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಶುಲ್ಕ ಪಾವತಿಸಿ ಲಸಿಕೆ ಹಾಕಿಸಿಕೊಳ್ಳಲು ಅನುವು ಮಾಡಿಕೊಡಬೇಕೇ ಎಂಬ ಬಗ್ಗೆ ಚರ್ಚೆಗಳು ನಡೆದಿವೆ.

ಮಾರ್ಗಸೂಚಿಯಲ್ಲಿ ಏನಿದೆ?
-ಮಾಸ್ಕ್ ಧರಿಸುವುದು, ವಿಮಾನ ನಿಲ್ದಾಣಗಳಲ್ಲಿ ಮತ್ತು ವಿಮಾನದಲ್ಲಿ ಸ್ಯಾನಿಟೈಸರ್‌ ಬಳಕೆ ಕಡ್ಡಾಯ
-ವಿಮಾನದಲ್ಲಿರುವ ಕ್ಯಾಬಿನ್‌ ಸಿಬ್ಬಂದಿ ಪಿಪಿಇ ಕಿಟ್‌ ಧರಿಸಬೇಕಾಗಿಲ್ಲ
-ಪ್ರಯಾಣಿಕರನ್ನು ಮುಟ್ಟಿ ತಪಾಸಣೆ ನಡೆಸಲು ಅವಕಾಶ
-ಅಂತಾರಾಷ್ಟ್ರೀಯ ವಿಮಾನಗಳಲ್ಲಿ 3 ಸೀಟು ವೈದ್ಯಕೀಯ ತುರ್ತು ಪರಿಸ್ಥಿತಿಯ ಬಳಕೆಗೆ ಮೀಸಲು