ಕಿಲ್ಲರ್ ಕೆಮಿಕಲ್! ಇಂದೋರ್ ಅಕ್ರಮ ಪ್ರಯೋಗಾಲಯದಲ್ಲಿ ಪತ್ತೆ
Team Udayavani, Oct 1, 2018, 8:57 AM IST
ಹೊಸದಿಲ್ಲಿ: ಸುಮಾರು 50 ಲಕ್ಷ ಜನರ ಮಾರಣ ಹೋಮಕ್ಕೆ ಕಾರಣವಾಗಬಲ್ಲ “ಫೆಂಟನೈಲ್’ ಎಂಬ ರಾಸಾಯನಿಕ ದ್ರವ್ಯ ಇಂದೋರ್ನ ಅಕ್ರಮ ಪ್ರಯೋಗಾಲಯದಲ್ಲಿ ಪತ್ತೆಯಾಗಿದ್ದು, ಇದರ ಹಿಂದೆ ರಾಸಾಯನಿಕ ದಾಳಿಯ ಸಂಚಿತ್ತೇ ಎಂಬ ಆತಂಕ ವ್ಯಕ್ತವಾಗಿದೆ.
ಕಂದಾಯ ಇಲಾಖೆಯ ಗುಪ್ತಚರ ನಿರ್ದೇಶನಾಲಯ (ಡಿಆರ್ಐ) ಹಾಗೂ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ವಿಜ್ಞಾನಿಗಳು ವಾರದಿಂದ ನಡೆಸುತ್ತಿದ್ದ ಮಹತ್ವದ ಕಾರ್ಯಾಚರಣೆಯೊಂದರಲ್ಲಿ ಸುಮಾರು 9 ಕೆಜಿಯಷ್ಟು ಫೆಂಟನೈಲ್ ದ್ರವ್ಯವನ್ನು ವಶಪಡಿಸಿಕೊಂಡಿದ್ದಾರೆ. ಈ ಪ್ರಮಾಣದ ಫೆಂಟನೈಲ್ನಿಂದ ಸುಮಾರು 40ರಿಂದ 50 ಲಕ್ಷ ಜನರನ್ನು ಕೊಲ್ಲಬಹುದಾಗಿದ್ದು, ಓರ್ವ ಮನುಷ್ಯನನ್ನು ಕೊಲ್ಲಲು ಕೇವಲ 2 ಮಿ.ಗ್ರಾಂ ಸಾಕು ಎಂದು ಹೇಳಲಾಗಿದೆ. ಭಾರತದಲ್ಲಿ ಇದೇ ಮೊದಲ ಬಾರಿಗೆ ಇಂಥದ್ದೊಂದು ಪ್ರಕರಣ ಪತ್ತೆಯಾಗಿದೆ.
ರಾಸಾಯನಿಕ ಯುದ್ಧಗಳಲ್ಲಿ ಈ ರಾಸಾಯನಿಕವನ್ನು ಬಳಸಲಾಗುತ್ತದಾದ್ದರಿಂದ ಇದನ್ನು ಇಷ್ಟು ಪ್ರಮಾಣದಲ್ಲಿ ಸಂಗ್ರ ಹಿಸಿಟ್ಟಿರುವುದರ ಹಿಂದೆ ದಿಲ್ಲಿಯ ಮೇಲೆ ರಾಸಾಯನಿಕ ದಾಳಿಗೆ ಪಾತಕಿಗಳು ಸಂಚು ರೂಪಿಸಿದ್ದಿರಬಹುದೇ ಎಂಬ ಅನುಮಾನಗಳು ಹುಟ್ಟಿಕೊಂಡಿವೆ. ಇದನ್ನು ತಯಾರಿಸಲು ಅತ್ಯಾಧುನಿಕ ಲ್ಯಾಬೋರೇಟರಿಗಳು, ನುರಿತ ವಿಜ್ಞಾನಿಗಳ ಆವಶ್ಯಕತೆಯಿದ್ದು, ಇಂದೋರ್ನಂಥ ನಗರದಲ್ಲಿ ಇದನ್ನು ತಯಾ ರಿಸಿದ್ದಾದರೂ ಹೇಗೆಂಬ ಸೋಜಿಗದಲ್ಲಿ ವಿಜ್ಞಾನಿಗಳಿದ್ದಾರೆ.
ಯಾರದ್ದು ಈ ಪ್ರಯೋಗಾಲಯ?
ಇಂದೋರ್ನ ಸ್ಥಳೀಯ ಉದ್ಯಮಿ ಮತ್ತು ರಸಾಯನ ಶಾಸ್ತ್ರದಲ್ಲಿ ಪಿಎಚ್.ಡಿ. ಪದವೀಧರರೊಬ್ಬರ ಪಾಲುದಾರಿಕೆಯಲ್ಲಿ ಈ ಪ್ರಯೋಗಾಲಯ ಸ್ಥಾಪಿಸಲಾಗಿದೆ. ಈ ಪಿಎಚ್.ಡಿ ಪದವೀಧರ ಅಮೆರಿಕ ವಿರೋಧಿ ನಿಲುವು ಹೊಂದಿದವನಾ ಗಿದ್ದು, ಈತನನ್ನು ಇತ್ತೀಚೆಗೆ ದಿಲ್ಲಿಯಲ್ಲಿ ಬಂಧಿಸಲಾಗಿದೆ. ಈತನ ಜತೆಗೆ ಮೆಕ್ಸಿಕೋದ ನಾಗರಿಕನೊಬ್ಬನನ್ನೂ ಬಂಧಿಸಲಾಗಿದೆ.
ವ್ಯಾವಹಾರಿಕ ಮಾಹಿತಿ
ಇದು ಮಾದಕ ವ್ಯಸನಿಗಳ ಅಚ್ಚುಮೆಚ್ಚು. ಹಾಗಾಗಿ ಇದಕ್ಕೆ ಸಾಕಷ್ಟು ಬೇಡಿಕೆಯಿದೆ. ಚೀನದಿಂದ ಮೆಕ್ಸಿಕೋ, ಕೆನಡಾ ಮಾರ್ಗವಾಗಿ ಅಮೆರಿಕಕ್ಕೆ ಇದು ಕಳ್ಳಸಾಗಣೆಯಾಗುತ್ತದೆ. ಸಾಮಾನ್ಯವಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 1 ಕೆ.ಜಿ. ಫೆಂಟನೈಲ್ಗೆ 6 ಲಕ್ಷ ರೂ. ಬೆಲೆಯಿದೆ. ಆದರೆ ಕಾಳದಂಧೆಯಲ್ಲಿ ಇದರ ಬೆಲೆ ಕೆ.ಜಿ.ಗೆ ಅಂದಾಜು 12 ಕೋಟಿ ರೂ.ಗಳು.
ಏನಿದು ಫೆಂಟನೈಲ್?
– ಫೆಂಟನೈಲ್ ಎಂಬುದು ಅಫೀಮು ಮಾದರಿಯ ಡ್ರಗ್.
– ಕೇವಲ ವಾಸನೆ ತೆಗೆದುಕೊಂಡರೂ ಸಾಕು ಮನುಷ್ಯ ಉಳಿಯು ವುದು ಅನುಮಾನ.
– ಚರ್ಮದ ರಂಧ್ರಗಳ ಮೂಲಕವೂ ಇದು ತ್ವರಿತ ವಾಗಿ ದೇಹವನ್ನು ವ್ಯಾಪಿಸಿ ಕೊಳ್ಳಬಲ್ಲದು.
– ಹೆರಾಯ್ನಗಿಂತ 50 ಪಟ್ಟು ಹಾಗೂ ಮಾಫೈìನ್ಗಿಂತ 100 ಪಟ್ಟು ಹೆಚ್ಚು ಶಕ್ತಿಶಾಲಿ.
– ಇದನ್ನು ಅತ್ಯಲ್ಪ ಪ್ರಮಾಣದಲ್ಲಿ ಅರಿವಳಿಕೆ , ನೋವು ಶಮನ ಔಷಧಗಳಲ್ಲಿ ಬಳಸಲಾಗುತ್ತದೆ.
– ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 1 ಕೆ.ಜಿ. ಫೆಂಟನೈಲ್ಗೆ 6 ಲಕ್ಷ ರೂ. ಬೆಲೆ
– 2016ರಲ್ಲಿ ಇದರ ಓವರ್ ಡೋಸ್ನಿಂದಾಗಿ 20,000ಕ್ಕಿಂತ ಹೆಚ್ಚು ಜನರು ಸಾವಿಗೀಡಾಗಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Food Poison; ಚಿಕನ್ ಶವರ್ಮಾ ಸೇವಿಸಿ ಆಸ್ಪತ್ರೆಗೆ ದಾಖಲಾದ 12 ಜನರು
ಮೀಸಲಾತಿ ಕುರಿತ ಅಮಿತ್ ಶಾ ಹೇಳಿಕೆಯ ನಕಲಿ ವಿಡಿಯೋ ವೈರಲ್… FIR ದಾಖಲು
ಗುಜರಾತ್ ಕರಾವಳಿ ಪ್ರದೇಶದಲ್ಲಿ 602 ಕೋಟಿ ಮೌಲ್ಯದ ಡ್ರಗ್ಸ್ ವಶ: 14 ಪಾಕ್ ಪ್ರಜೆಗಳ ಬಂಧನ
Spying: ಪಾಕಿಸ್ತಾನ ಪರ ಬೇಹುಗಾರಿಕೆ: ಒಂದು ವರ್ಷದಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿಯ ಬಂಧನ
Tragedy: ಛತ್ತೀಸ್ಗಢದಲ್ಲಿ ಭೀಕರ ಅಪಘಾತ… ಮಕ್ಕಳು ಸೇರಿ 8 ಮಂದಿ ಮೃತ್ಯು, 22 ಮಂದಿಗೆ ಗಾಯ
MUST WATCH
ಹೊಸ ಸೇರ್ಪಡೆ
ಚಾಕೋಲೆಟ್ ಕೊಡ್ತೇನೆಂದು ಮನೆಗೆ ಕರೆದು ಬಾಲಕಿಗೆ ಲೈಂಗಿಕ ದೌರ್ಜನ್ಯ: ಇಬ್ಬರು ಬಂಧನ
Bengaluru: ಚೆಕ್ ದುರ್ಬಳಕೆ; ಕ್ಯಾಷಿಯರ್, ಎಲ್ಐಸಿ ಏಜೆಂಟ್ಗೆ ಜೈಲು
Lok Sabha Election: ಗ್ಯಾರಂಟಿಗೆ ಮೋಸ ಹೋಗದೆ ಬಿಜೆಪಿಗೆ ಮತ ನೀಡಿ: ಬಿವೈಆರ್
Bengaluru: ಇನ್ಸ್ಟಾದಲ್ಲಿ ಯುವತಿ ನಗ್ನ ಫೋಟೋ ವೈರಲ್; ಅಪರಿಚಿತನ ಮೇಲೆ ಕೇಸು
Namma Metro: ಮೆಟ್ರೋ ನಿಲ್ದಾಣಗಳ ಪಾದಚಾರಿ ಮಾರ್ಗಕ್ಕಿಲ್ಲ ಮುಕ್ತಿ