ಗೋವಾ ಟಿಎಂಸಿ ಉಪಾಧ್ಯಕ್ಷ ಲುಯಿಜಿನ್ ಫಾಲೆರೊ ರಾಜ್ಯಸಭಾ ಸದಸ್ಯರಾಗಿ ಪ್ರಮಾಣವಚನ
Team Udayavani, Nov 30, 2021, 7:17 PM IST
ಪಣಜಿ: ಚಳಿಗಾಲದ ಅಧಿವೇಶನದ ಮೊದಲ ದಿನ ಗೋವಾ ಟಿಎಂಸಿ ಉಪಾಧ್ಯಕ್ಷ ಲುಯಿಜಿನ್ ಫಾಲೆರೊ ರವರು ರಾಜ್ಯಸಭಾ ಸದಸ್ಯರಾಗಿ ಪ್ರಮಾಣವಚನ ಸ್ವೀಕರಿಸಿದರು.
ಟಿಎಂಸಿ ಪಕ್ಷದಿಂದ ರಾಜ್ಯಸಭಾ ಸದಸ್ಯರಾಗಿರುವ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆಗೂ ಲುಯಿಜಿನ್ ಫಾಲೆರೊ ಪಾತ್ರರಾಗಿದ್ದಾರೆ.
ಗೋವಾ ರಾಜ್ಯದಲ್ಲಿ ರೈಲ್ವೆ ಡಬಲ್ ಟ್ರ್ಯಾಕಿಂಗ್ ಯೋಜನೆಯ ಕುರಿತು, ರಾಷ್ಟ್ರೀಯ ಹೆದ್ದಾರಿಯ ವಿಸ್ತರಣೆಯ ಕುರಿತು, ತಮ್ನಾರ್ ವಿದ್ಯುತ್ ಯೋಜನೆ, ಮಹದಾಯಿ ನದಿ ನೀರು ಪ್ರಕರಣ ವಿಷಯವನ್ನು ರಾಜ್ಯಸಭೆಯಲ್ಲಿ ಮಂಗಳವಾರ ಲುಯಿಜಿನ್ ಫಾಲೆರೊ ಪ್ರಸ್ತಾಪಿಸಿದರು.
ಗೋವಾದಲ್ಲಿ ಅಕ್ರಮ ಗಣಿಗಾರಿಕೆಯಲ್ಲಿ ಲೂಟಿ ಮಾಡಿದ 35,000 ಕೋಟಿ ರೂಗಳನ್ನು ಷಾ ಆಯೋಗವು ಆದಷ್ಟು ಬೇಗ ವಸೂಲಿ ಮಾಡಬೇಕು ಎಂದು ಒತ್ತಾಯಿಸಿದ ಲುಯಿಜಿನ್ ಫಾಲೆರೊ, ಯುನೆಸ್ಕೊ ರಕ್ಷಿತ ಪರಂಪರೆಯ ತಾಣಗಳನ್ನು ನಾಶಪಡಿಸುತ್ತಿರುವ ಕುರಿತಂತೆ ಬಿಜೆಪಿ ವಿರುದ್ಧ ಠೀಕಾ ಪ್ರಹಾರ ನಡೆಸಿದರು.