ಚಂಡೀಗಢ : ವ್ಯಕ್ತಿಯನ್ನು ಚಲಿಸುವ ಟ್ರಕ್ನ ಬಾನೆಟ್ಗೆ ಕಟ್ಟಿ ಶಿಕ್ಷೆ; ವೈರಲ್ ವಿಡಿಯೋ
ಹಾಗಾದರೆ ಈ ವ್ಯಕ್ತಿ ಮಾಡಿದ ತಪ್ಪಾದರೂ ಏನು?
Team Udayavani, Dec 12, 2022, 4:39 PM IST
ಚಂಡೀಗಢ: ಪಂಜಾಬ್ನ ಮುಕ್ತಸರ ಜಿಲ್ಲೆಯಲ್ಲಿ ಟ್ರಕ್ನಿಂದ ಎರಡು ಚೀಲ ಗೋಧಿಯನ್ನು ಕದ್ದ ಆರೋಪ ಹೊತ್ತಿದ್ದ ವ್ಯಕ್ತಿಯೊಬ್ಬನನ್ನು ಟ್ರಕ್ನ ಬಾನೆಟ್ಗೆ ಕಟ್ಟಿ ಪೊಲೀಸ್ ಠಾಣೆಗೆ ಕರೆದೊಯ್ಯಲಾಗಿದೆ. ಘಟನೆಯ ವಿಡಿಯೋ ಭಾನುವಾರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ, ಟ್ರಕ್ ಚಾಲಕನ ಸಹಾಯಕ ಅವನ ಪಕ್ಕದಲ್ಲಿ ಕುಳಿತಿದ್ದಾಗ ವ್ಯಕ್ತಿಯನ್ನು ಹಗ್ಗದಿಂದ ಕಟ್ಟಿಹಾಕಲಾಗಿದೆ.ಕಟ್ಟಿಹಾಕಲಾದ ವ್ಯಕ್ತಿ ಎರಡು ಚೀಲ ಗೋಧಿ ಕದ್ದಿದ್ದಾನೆ ಎಂದು ಸಹಾಯಕ ಇನ್ನೊಬ್ಬ ಅಪರಿಚಿತ ವ್ಯಕ್ತಿಗೆ ಹೇಳುವುದನ್ನು ಕೇಳಿ ಬಂದಿದ್ದು, ಶಿಕ್ಷೆಯ ರೂಪದಲ್ಲಿ ಅವನನ್ನು ಬಸ್ ನಿಲ್ದಾಣ ಪೊಲೀಸ್ ಠಾಣೆಗೆ ಕರೆದೊಯ್ಯಲಾಯಿತು.
ಏತನ್ಮಧ್ಯೆ, ಘಟನೆಗೆ ಸಂಬಂಧಿಸಿದ ಎರಡು ವಿಡಿಯೋಗಳನ್ನು ಸ್ವೀಕರಿಸಿದ್ದೇವೆ ಎಂದು ಮುಕ್ತಸರ್ನ ಪೊಲೀಸರು ತಿಳಿಸಿದ್ದಾರೆ.ಒಂದು ವಿಡಿಯೋದಲ್ಲಿ, ವ್ಯಕ್ತಿ ಟ್ರಕ್ನಿಂದ ಗೋಧಿ ಚೀಲಗಳನ್ನು ಕದಿಯುತ್ತಿರುವುದನ್ನು ನೋಡಲಾಗಿದೆ, ಮತ್ತು ಇನ್ನೊಂದು ವಿಡಿಯೋದಲ್ಲಿ, ಅದೇ ವ್ಯಕ್ತಿಯನ್ನು ಟ್ರಕ್ನ ಬಾನೆಟ್ಗೆ ಕಟ್ಟಿ, ಪೊಲೀಸ್ ಠಾಣೆಗೆ ಕರೆದೊಯ್ಯಲಾಗಿದೆ.
The helper of the truck driver tied the youth in front of the truck over stealing 2 sacks of wheat in #Muktsar. pic.twitter.com/Wfy8osQyvA
— Nikhil Choudhary (@NikhilCh_) December 11, 2022
ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಲಾಗುವುದು ಎಂದು ಮುಕ್ತಸರದ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.