ದಿಲ್ಲಿಯಲ್ಲಿನ್ನು ದಿನದ 24 ಗಂಟೆಗಳೂ ರೆಸ್ಟೋರೆಂಟ್‌ ಓಪನ್‌

Team Udayavani, Jan 1, 2023, 8:00 AM IST

ಹೊಸದಿಲ್ಲಿ: ದಿಲ್ಲಿಯಲ್ಲಿ ಇನ್ನು ಮುಂದೆ 5 ಸ್ಟಾರ್‌ ಮತ್ತು 4 ಸ್ಟಾರ್‌ ಹೊಟೇಲ್‌ಗ‌ಳಲ್ಲಿರುವ ಎಲ್ಲ ರೆಸ್ಟೋರೆಂಟ್‌ಗಳೂ ದಿನದ 24 ಗಂಟೆಯೂ ತೆರೆದಿರಲಿವೆ. ರಾಷ್ಟ್ರ ರಾಜಧಾನಿಯ “ರಾತ್ರಿ ಆರ್ಥಿಕತೆ’ಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಹೊಸ ಪರವಾನಿಗೆ ನೀತಿಯನ್ನು ಜಾರಿ ಮಾಡಲಾಗಿದೆ.

ರೆಸ್ಟೋರೆಂಟ್‌ಗಳು, ಹೊಟೇಲ್‌ಗ‌ಳ ಲೈಸನ್ಸ್‌ ಅಗತ್ಯತೆಯನ್ನು ಸರಳಗೊಳಿಸುವ ನಿಟ್ಟಿನಲ್ಲಿ ಲೆಫ್ಟಿನೆಂಟ್‌ ಗವರ್ನರ್‌ ವಿ.ಕೆ. ಸಕ್ಸೇನಾ ಅವರು ನವೆಂಬರ್‌ನಲ್ಲಿ ಉನ್ನತಾಧಿಕಾರ ಸಮಿತಿಯೊಂದನ್ನು ರಚಿಸಿದ್ದರು. ಈಗಿರುವ ನಿಯಮಗಳನ್ನು ಪರಿಶೀಲಿಸಿ, ಪರವಾನಿಗೆ ಪ್ರಕ್ರಿಯೆಯನ್ನು ಸರಳಗೊಳಿಸುವ ವಿಧಾನಗಳನ್ನು ಶಿಫಾರಸು ಮಾಡುವಂತೆ ಈ ಸಮಿತಿಗೆ ಸೂಚಿಸಿದ್ದರು. ಸಮಿತಿ ವರದಿ ಸಲ್ಲಿಕೆಯಾದ ಬಳಿಕ, ಹಲವು ಸುತ್ತಿನ ಮಾತುಕತೆಗಳ ಅನಂತರ ಈಗ ನಿಯಮಗಳನ್ನು ಸರಳೀಕರಿಸಲಾಗಿದೆ.

ಅದರಂತೆ ಜ.26ರಿಂದ ದಿಲ್ಲಿಯಲ್ಲಿ 4 ಸ್ಟಾರ್‌ ಮತ್ತು ಪಂಚತಾರಾ ಹೊಟೇಲ್‌ಗ‌ಳಲ್ಲಿನ ಎಲ್ಲ ರೆಸ್ಟೋರೆಂಟ್‌ಗಳು, ಏರ್‌ಪೋರ್ಟ್‌, ರೈಲು ನಿಲ್ದಾಣಗಳಲ್ಲಿರುವ ರೆಸ್ಟೋರೆಂಟ್‌ಗಳು ಅಗತ್ಯ ಶುಲ್ಕ ಪಾವತಿಸಿ ದಿನದ 24 ಗಂಟೆಗಳ ಕಾಲವೂ ವಹಿವಾಟು ನಡೆಸಬಹುದಾಗಿದೆ.