ಗೋವಾದಲ್ಲಿ ಮುಳುಗಿದ ಹಡಗು: ಇಬ್ಬರ ರಕ್ಷಣೆ

Team Udayavani, May 14, 2023, 5:17 PM IST

ಪಣಜಿ: ಮಿರಾಮಾರ್ ಬೀಚ್‍ನ ಮ್ಯಾರಿಯೊಟ್ ರೆಸಾರ್ಟ್ ಬಳಿ ಶನಿವಾರ ತಾಂತ್ರಿಕ ದೋಷದಿಂದ ಹಡಗು ಮುಳುಗಿದೆ, ನಿಖರವಾಗಿ ಹಡಗು ಯಾರದ್ದು ಎನ್ನುವ ಕುರಿತು ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲ. ಹಡಗು ನೌಕಾಪಡೆಗೆ ಸೇರಿದೆ ಎಂದು ಹೇಳಲಾಗುತ್ತಿದೆ,  ಆದರೆ ನೌಕಾಪಡೆ ಈ ಬಗ್ಗೆ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ.

ಈ ಹಡಗು ಮುಳುಗಡೆಗೆ ಕಾರಣ ತಿಳಿದುಬಂದಿಲ್ಲ, ಯಾವುದೇ ಸಾವು ನೋವು ಸಂಭವಿಸಿದೆಯೇ ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಇತ್ತೀಚಿನ ಮಾಹಿತಿಯ ಪ್ರಕಾರ, ಮಿರಾಮಾರ್ ಕರಾವಳಿಯಲ್ಲಿ ಮುಳುಗಿದ  ಈ ಹಡಗು ನೌಕಾಪಡೆಗೆ ಸೇರಿದ್ದು, ಇಬ್ಬರು ನೌಕಾಪಡೆ ಸಿಬ್ಬಂದಿ ಇದ್ದರು ಎಂದು ಹೇಳಲಾಗುತ್ತಿದೆ. ಸ್ಥಳಕ್ಕೆ ಧಾವಿಸಿದ ನೌಕಾಪಡೆಯ ಗಸ್ತು ಹಡಗಿನ ಮೂಲಕ ಇಬ್ಬರನ್ನು ರಕ್ಷಿಸಿದೆ. ಹಡಗಿನ ಸ್ಟೇರಿಂಗ್ ಮುರಿದಿದ್ದರಿಂದ ಹಡಗು ಮುಳುಗಿತು ಎಂದು ಮೂಲಗಳು ತಿಳಿಸಿವೆ.