Rajya Sabha;ಕೈ ಸನ್ನೆ ಮಾಡಿದ ರಾಘವ್ ಚಡ್ಡಾಗೆ ಕ್ಲಾಸ್ ತೆಗೆದುಕೊಂಡ ಧನಕರ್!

Team Udayavani, Dec 15, 2023, 7:00 PM IST

ಹೊಸದಿಲ್ಲಿ: ರಾಜ್ಯಸಭೆಯಲ್ಲಿ ಆಮ್ ಆದ್ಮಿ ಪಕ್ಷದ ಸಂಸದ ರಾಘವ್ ಚಡ್ಡಾ ಅವರ ಕೈ ಸನ್ನೆಗೆ ರಾಜ್ಯಸಭಾ ಅಧ್ಯಕ್ಷ ಜಗದೀಪ್ ಧನಕರ್ ಆಕ್ಷೇಪ ವ್ಯಕ್ತಪಡಿಸಿ ಕ್ಲಾಸ್ ತೆಗೆದುಕೊಂಡ ಘಟನೆ ಶುಕ್ರವಾರ ನಡೆದಿದೆ.

ಡಿಸೆಂಬರ್ 13 ರಂದು ಸಂಸತ್ತಿನಲ್ಲಿ ಭದ್ರತಾ ಉಲ್ಲಂಘನೆಯಿಂದ ಉದ್ಭವಿಸಿದ ಗಂಭೀರ ಪರಿಸ್ಥಿತಿ ಕುರಿತು ಚರ್ಚಿಸಲು ದಿನದ ನಿಗದಿತ ಕಲಾಪವನ್ನು ಸ್ಥಗಿತಗೊಳಿಸುವ ಸೂಚನೆಗಳನ್ನು ಸಭಾಪತಿ ಅನುಮೋದಿಸದ ನಂತರ ಇಡೀ ವಿರೋಧ ಪಕ್ಷದ ಸದಸ್ಯರು ಪ್ರತಿಭಟನೆಯನ್ನು ನಡೆಸಿದರು. ಚಡ್ಡಾ ಕೈ ಸನ್ನೆ ಮಾಡುವ ಮೂಲಕ ಪ್ರಶ್ನೆ ಎತ್ತಲು ಪ್ರಯತ್ನಿಸಿದರು.

ವಿಪಿ ಧನಕರ್ ಅವರು “ನೀವು ಏನನ್ನಾದರೂ ಹೇಳಲು ಬಯಸಿದರೆ, ನಿಮ್ಮ ಬಾಯಿ ಬಳಸಿ, ನಿಮ್ಮ ಕೈಗಳಿಂದ ಸನ್ನೆ ಮಾಡಬೇಡಿ. ಈಗ ನೀವು ಅನೇಕ ವಿಷಯಗಳನ್ನು ಕಲಿಯುವ ಸಮಯ. ನೀವು ಕೂಡ ಶೀಘ್ರದಲ್ಲೇ ನೃತ್ಯ ಮಾಡಲು ಪ್ರಾರಂಭಿಸುತ್ತೀರಿ ಎಂದು ತೋರುತ್ತದೆ. ನಿಮ್ಮ ಆಸನದ ಮೇಲೆ ಶಾಂತವಾಗಿ ಕುಳಿತುಕೊಳ್ಳಿ. ನೀವು. ಈಗಾಗಲೇ ಈ ಸದನದಿಂದ ಶಿಕ್ಷೆಗೆ ಗುರಿಯಾಗಿದ್ದೀರಿ” ಎಂದು ಚಡ್ಡಾ ವಿರುದ್ಧ ಕಿಡಿ ಕಾರಿದ್ದಾರೆ.