ಶ್ರೀ ಹರಿಪಾದೆ ಧರ್ಮದೈವ ಜಾರಂತಾಯ ದೈವಸ್ಥಾನದ ವರ್ಷಾವಧಿ ನೇಮ

Team Udayavani, Feb 7, 2021, 6:44 PM IST

ಮುಂಬಯಿ: ಶ್ರೀ ಕ್ಷೇತ್ರ ಮೂಲ್ಕಿ ಹಳೆಯಂಗಡಿಯ ಹರಿಪಾದೆ ಪಂಜ ಕೈಕುಡೆ ಶ್ರೀ ಹರಿಪಾದೆ ಧರ್ಮದೈವ ಜಾರಂತಾಯ ದೈವಸ್ಥಾನ ಪಂಜ ಕೊçಕುಡೆ ಇದರ ವರ್ಷಾವಧಿ ನೇಮೋತ್ಸವ ಫೆ. 11ರಂದು ರಾತ್ರಿ 10ರಿಂದ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಜರಗಲಿದೆ.

ಜಾತ್ರೋತ್ಸವ ನಿಮಿತ್ತ ಕಳೆದ ಮಂಗಳವಾರ ಕೋಳಿಗುಂಟ ಕಾರ್ಯಕ್ರಮ ನಡೆದಿದ್ದು, ಫೆ. 10ರಂದು ಮನೆಯಿಂದ ಶ್ರೀ ದೈವ ಜಾರಂತಾಯನ ಭಂಡಾರ ಹೊರಡಲಿದೆ. ರಾತ್ರಿ ಚೌತಿ ಹಬ್ಬ, ತುಡಾರ ಬಲಿ, ಧ್ವಜಾರೋಹಣ ನಡೆಯಲಿದೆ. ಫೆ. 11ರಂದು ಬೆಳಗ್ಗೆ ತುಲಾಭಾರ ಸೇವೆ ಮಧ್ಯಾಹ್ನ ಅನ್ನಸಂತಾರ್ಪಣೆ ನಡೆಯಲಿದೆ. ರಾತ್ರಿ ವರ್ಷಾವಧಿ ನೇಮೋತ್ಸವವನ್ನು ಆಯೋಜಿಸಲಾಗಿದೆ.

ಇದನ್ನೂ ಓದಿ:ಓಂ ಶಕ್ತಿ ಮಹಿಳಾ ಸಂಸ್ಥೆ ಕಲ್ಯಾಣ್‌ ಗೌರವಾಧ್ಯಕ್ಷೆ ಚಿತ್ರಾ ಆರ್‌. ಶೆಟ್ಟಿ ಅವರಿಗೆ ಗೌರವ

ಉತ್ಸವವು ಶ್ರೀ ಕೃಷ್ಣಾಪುರ ಮಠಾಧೀಶ ವಿದ್ಯಾಸಾಗರ ತೀರ್ಥ ಸ್ವಾಮೀಜಿ ಅವರ ಆಶೀರ್ವಾ ದಗಳೊಂದಿಗೆ ಜರಗಲಿದ್ದು ಭಕ್ತರು ಸಿರಿಮುಡಿ ಗಂಧಪ್ರಸಾದ ಸ್ವೀಕರಿಸಿ ಜಾರಂತಾಯ ದೈವದ ಕೃಪೆಗೆ ಪಾತ್ರರಾಗುವಂತೆ ಶ್ರೀ ಹರಿಪಾದೆ ಧರ್ಮದೈವ ಜಾರಂದಾಯ ದೇವಸ್ಥಾನದ ಆಡಳಿತ ಮೊಕ್ತೇಸರ ಪರವಾಗಿ ಪಂಜ ನಲ್ಯಗುತ್ತು ಪ್ರಕಾಶ್‌ ಟಿ. ಶೆಟ್ಟಿ ಮುಂಬಯಿ ಅವರು ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.