ಮೊದಲ ಟೆಸ್ಟ್‌ಗೆ ರಹಾನೆ ಔಟ್‌

Team Udayavani, Jan 6, 2018, 6:20 AM IST

ಕೇಪ್‌ಟೌನ್‌: ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯಕ್ಕಾಗಿ ಭಾರತದ ಆಟವಾಡುವ ಬಳಗದಲ್ಲಿ ಕೆಲವು ಅನಿರೀಕ್ಷಿತ ಬದಲಾವಣೆ ಮಾಡಲಾಗಿದೆ. ಉಪನಾಯಕ ಅಜಿಂಕ್ಯ ರಹಾನೆ ಅವರನ್ನು ಕೈಬಿಡಲು ಕೊಹ್ಲಿ ಮತ್ತು ಕೋಚ್‌ ರವಿಶಾಸ್ತ್ರೀ ನಿರ್ಧರಿಸಿದ್ದಾರೆ. ಈ ಪಂದ್ಯದ ಮೂಲಕ ಜಸ್‌ಪ್ರೀತ್‌ ಬುಮ್ರಾ ಟೆಸ್ಟ್‌ಗೆ  ಪಾದಾರ್ಪಣೆಗೈದಿದ್ದಾರೆ.

ಕಳೆದ ಕೆಲವು ವರ್ಷಗಳಲ್ಲಿ ವಿದೇಶದ ನೆಲದಲ್ಲಿ ಮುಂಬಯಿಯ ಬ್ಯಾಟ್ಸ್‌ವನ ರಹಾನೆ ಸ್ಥಿರವಾದ ನಿರ್ವಹಣೆ ನೀಡುತ್ತ ಬಂದಿದ್ದರು. ಸ್ಲಿಪ್‌ನಲ್ಲಿ ಅವರು ಫೀಲ್ಡಿಂಗ್‌ ನಡೆಸುತ್ತಾರೆ. ರಹಾನೆ ಬದಲಿಗೆ ರೋಹಿತ್‌ ಶರ್ಮ ಅವರನ್ನು ಕೈಬಿಡಬೇಕಿತ್ತು ಎಂಬುದು ಹಲವು ಅಭಿಮಾನಿಗಳ ಅಭಿಪ್ರಾಯವಾಗಿದೆ.

ಈ ನಿರ್ಧಾರ ಬಹಳಷ್ಟು ನಿರಾಶೆಯನ್ನುಂಟುಮಾಡಿದೆ. ರಹಾನೆ ಬದಲಿಗೆ ರೋಹಿತ್‌ ಅವರನ್ನು ಹೇಗೆ ಆಯ್ಕೆ ಮಾಡಿದ್ದೀರಿ ಮತ್ತು ಅದು ಕೂಡ ದಕ್ಷಿಣ ಆಫ್ರಿಕಾದಲ್ಲಿ ಎಂದು ಪೀಯುಷ್‌ ಗಂಭೀರ್‌ ಟ್ವೀಟ್‌ ಮಾಡಿದ್ದಾರೆ.

ದಕ್ಷಿಣ ಆಫ್ರಿಕಾವು ನಾಲ್ವರು ಖ್ಯಾತ ವೇಗಿಗಳನ್ನು ತಂಡದಲ್ಲಿ ಸೇರಿಸಿಕೊಂಡಿದೆ. ಅವರೆಂದರೆ ಕಾಗಿಸೊ ರಬಾಡ, ವೆರ್ನರ್‌ ಫಿಲಾಂಡರ್‌, ಮಾರ್ನೆ ಮಾರ್ಕೆಲ್‌ ಮತ್ತು ಡೇಲ್‌ ಸ್ಟೇನ್‌.