ಶತಾಯುಷಿ ಕ್ರಿಕೆಟಿಗ ಪ್ರಿಚಾರ್ಡ್‌ ನಿಧನ

Team Udayavani, Aug 23, 2017, 8:35 AM IST

ವೆಲ್ಲಿಂಗ್ಟನ್‌: ನ್ಯೂಜಿಲ್ಯಾಂಡಿನ ಅತೀ ಹಿರಿಯ ಕ್ರಿಕೆಟಿಗ, ವಾರ್ವಿಕ್‌ಶೈರ್‌ ತಂಡದ ವೇಗಿಯೂ ಆಗಿದ್ದ ಟಾಮ್‌ ಪ್ರಿಚಾರ್ಡ್‌ ನೂರರ ಹರೆಯದಲ್ಲಿ ನಿಧನರಾದರು.

1917ರ ಮಾರ್ಚ್‌ 10ರಂದು ಜನಿಸಿದ ಪ್ರಿಚಾರ್ಡ್‌, 200 ಪ್ರಥಮ ದರ್ಜೆ ಪಂದ್ಯಗಳಿಂದ 818 ವಿಕೆಟ್‌ ಉರುಳಿಸಿದ್ದಾರೆ. 

ಆ ಕಾಲಕ್ಕೆ ವಿಶ್ವ ಮಟ್ಟದ ಘಾತಕ ವೇಗಿಯಾಗಿದ್ದರೂ ಪ್ರಿಚಾರ್ಡ್‌ ಅವರಿಗೆ ಟೆಸ್ಟ್‌ ಬಾಗಿಲು ಮಾತ್ರ ತೆರೆಯಲೇ ಇಲ್ಲ. 1937ರಲ್ಲಿ, 20ರ ಹರೆಯದಲ್ಲಿ ಟೆಸ್ಟ್‌ ಕರೆ ಬರುವ ಸಾಧ್ಯತೆ ಇತ್ತಾದರೂ ವಿಶ್ವಯುದ್ಧದಿಂದಾಗಿ ಈ ಅವಕಾಶ ತಪ್ಪಿಹೋಯಿತು.

ತಮ್ಮ ಕ್ರಿಕೆಟ್‌ ಬದುಕಿನ ಸುದೀರ್ಘ‌ ಅವಧಿಯನ್ನು ಇಂಗ್ಲೆಂಡಿನ ವಾರ್ವಿಕ್‌ಶೈರ್‌ ಕೌಂಟಿಯಲ್ಲಿ ಕಳೆದ ಪ್ರಿಚಾರ್ಡ್‌,  1948ರಿಂದ ಮೊದಲ್ಗೊಂಡು ಸತತ 4 ಋತುಗಳಲ್ಲಿ 100 ವಿಕೆಟ್‌ ಹಾರಿಸಿದ್ದರು.