ಇನಾಮ್ಗೆ ಸುಶೀಲ್ ಜತೆ ತರಬೇತಿ ಪಡೆಯುವ ಆಸೆ
Team Udayavani, Apr 26, 2018, 6:00 AM IST
ಕರಾಚಿ: ಎರಡು ಒಲಿಂಪಿಕ್ಸ್ ಪದಕ ವಿಜೇತ ಭಾರತದ ಖ್ಯಾತ ಕುಸ್ತಿ ಪಟು ಸುಶೀಲ್ ಕುಮಾರ್ ಅವರ ಜತೆ ತರಬೇತಿ ಪಡೆಯಲು ಪಾಕಿಸ್ಥಾನದ ಕುಸ್ತಿ ಪಟು ಮುಹಮ್ಮದ್ ಇನಾಮ್ ಬಟ್ ಆಸೆ ವ್ಯಕ್ತಪಡಿಸಿದ್ದಾರೆ. ಇನಾಮ್ ಬಟ್ ಇತ್ತೀಚೆಗೆ ನಡೆದ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ 86 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿ ಚಿನ್ನದ ಪದಕ ಗೆದ್ದುಕೊಂಡಿದ್ದರು. ಸುಶೀಲ್ ಕುಮಾರ್ ನನಗೆ ಒಳ್ಳೆಯ ಸ್ನೇಹಿತ, ಅವರಿಂದ ತರಬೇತಿ ಪಡೆಯುವ ಆಸೆಯಿದೆ ಎಂದು ತಿಳಿಸಿದರು.