ಬಾಂಗ್ಲಾ ಟೆಸ್ಟ್: ಕೊಹ್ಲಿ, ಪೂಜಾರ ಶತಕ, ಭಾರತ ಸುಭದ್ರ, 356/3
Team Udayavani, Feb 9, 2017, 5:23 PM IST
ಹೈದರಾಬಾದ್ : ಪ್ರವಾಸಿ ಬಾಂಗ್ಲಾದೇಶದ ಎದುರು ಇಂದಿಲ್ಲಿ ಗುರುವಾರ ಆರಂಭಗೊಂಡ ಏಕೈಕ ಟೆಸ್ಟ್ ಪಂದ್ಯದ ಮೊದಲ ದಿನದಾಟದ ಅಂತ್ಯಕ್ಕೆ ಭಾರತ ಮೂರು ವಿಕೆಟ್ ನಷ್ಟಕ್ಕೆ 356 ರನ್ಗಳ ಅತ್ಯುತ್ತಮ ಮೊತ್ತವನ್ನು ಕಲೆ ಹಾಕಿ ಸುಭದ್ರ ಸ್ಥಿತಿಯಲ್ಲಿ ನೆಲೆಗೊಂಡಿದೆ.
ಭಾರತದ ಈ ಉತ್ತಮ ಮೊತ್ತಕ್ಕೆ ಮುಖ್ಯ ಕಾಣಿಕೆ ನೀಡಿದವರು ಕಪ್ತಾನನ ಆಟವಾಡಿ 141 ಎಸೆತಗಳಲ್ಲಿ ಅಜೇಯ 111 ರನ್ ಬಾರಿಸಿರುವ ವಿರಾಟ್ ಕೊಹ್ಲಿ ಮತ್ತು 160 ಎಸೆತಗಲಿಲ್ಲ 108 ರನ್ ಬಾರಿಸಿದ ಆರಂಭಿಕ ಆಟಗಾರ ಮುರಳಿ ವಿಜಯ್. ಇವರೊಂದಿಗೆ ಉತ್ತಮವಾಗಿ ಆಡಿದ ಚೇತೇಶ್ವರ ಪೂಜಾರ 177 ಎಸೆಗಳಲ್ಲಿ 83 ರನ್ ಬಾರಿಸಿ ಶತಕ ವಂಚಿತರಾದರು.
ದಿನದಾಟ ಮುಗಿದಾಗ ಕಪ್ತಾನ ಕೊಹ್ಲಿ (ಅಜೇಯ 111 ರನ್) ಅವರೊಂದಿಗೆ ಕ್ರೀಸಿನಲ್ಲಿ ಔಟಾಗದೆ ನಿಂತಿರುವವರು 60 ಎಸೆತಗಳಲ್ಲಿ 45 ರನ್ ಬಾರಿಸಿರುವ ಅಜಿಂಕ್ಯ ರಹಾನೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದು ಕೊಂಡ ಭಾರತದ ಕಪ್ತಾನ ವಿರಾಟ್ ಕೊಹ್ಲಿ ಅವರ ನಿರ್ಧಾರಕ್ಕೆ ತಕ್ಕಂತೆ ಪಿಚ್ ಉತ್ತಮ ರನ್ ಗಳಿಕೆಗೆ ನೆರವಾಯಿತಾದರೂ ಆರಂಭಿಕ ಆಘಾತದ ರೂಪದಲ್ಲಿ ಭಾರತ ಲೋಕೇಶ್ ರಾಹುಲ್ ಅವರ ವಿಕೆಟನ್ನು ಕೇವಲ 2 ರನ್ಗೆ ಕಳೆದುಕೊಂಡಿತು.