ಭಾರತ-ಪಾಕ್ ಅಭಿಮಾನಿಗಳ ಪಂದ್ಯ ಸೂಪರ್ ಓವರ್ನಲ್ಲಿ ಭಾರತಕ್ಕೆ ಜಯ
Team Udayavani, May 31, 2017, 10:43 AM IST
ಲಂಡನ್: ಭಾರತ-ಪಾಕಿಸ್ಥಾನ ನಡುವಿನ ಹೈ ವೋಲ್ಟೆàಜ್ ಕ್ರಿಕೆಟ್ ಪಂದ್ಯಕ್ಕೆ ಇನ್ನೂ 5 ದಿನ ಕಾಯಬೇಕು. ಆದರೆ ಅಷ್ಟರಲ್ಲೇ ಇತ್ತಂಡಗಳ ಅಭಿಮಾನಿಗಳು ಕ್ರಿಕೆಟ್ ಪಂದ್ಯಗಳಲ್ಲಿ ಪಾಲ್ಗೊಂಡಿದ್ದಾರೆ. 1-1 ಸಮಬಲದಿಂದ ಮುಗಿದ ಬಳಿಕ ಎಸೆಯಲಾದ ಸೂಪರ್ ಓವರಿನಲ್ಲಿ ಭಾರತ 4 ರನ್ನುಗಳಿಂದ ಗೆದ್ದು ಬಂದಿದೆ.
ಭಾರತ-ಪಾಕಿಸ್ಥಾನ ಕ್ರಿಕೆಟ್ ಅಭಿಮಾನಿಗಳ ನಡುವಿನ 8 ಓವರ್ಗಳ 2 ಸೌಹಾರ್ದ ಪಂದ್ಯ “ಎಜ್ಬಾಸ್ಟನ್ ಕ್ರಿಕೆಟ್ ಸೆಂಟರ್’ನಲ್ಲಿ ನಡೆಯಬೇಕಿತ್ತು. ಆದರೆ ಭಾರೀ ಮಳೆ ಯಿಂದಾಗಿ ಇದನ್ನು ಅಟೋಕ್ ಕ್ರಿಕೆಟ್ ಕ್ಲಬ್ನ ಒಳಾಂಗಣಕ್ಕೆ ವರ್ಗಾಯಿಸಲಾಯಿತು. ನೈಜ ಕ್ರಿಕೆಟ್ ಸ್ಫೂರ್ತಿಯೊಂದಿಗೆ ಸಾಗಿದ ಈ ಪಂದ್ಯಗಳಲ್ಲಿ ಎರಡೂ ತಂಡಗಳು ಒಂದೊಂದರಲ್ಲಿ ಜಯ ಸಾಧಿಸಿದವು. ಅನಂತರದ ಸೂಪರ್ ಓವರ್ನಲ್ಲಿ ಭಾರತ 4 ರನ್ನುಗಳ ಗೆಲುವು ಕಂಡಿತು.
ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ), ವಾರ್ವಿಕ್ಶೈರ್ ಕೌಂಟಿ ಕ್ರಿಕೆಟ್-ದ ನ್ಯಾಶನಲ್ ಏಶ್ಯನ್ ಕ್ರಿಕೆಟ್ ಕೌನ್ಸಿಲ್ (ಎನ್ಎಸಿಸಿ) ಹಾಗೂ ಅಟೋಕ್ ಕ್ರಿಕೆಟ್ ಕ್ಲಬ್ ಸೇರಿಕೊಂಡು ಈ ಪಂದ್ಯಗಳನ್ನು ಆಯೋಜಿಸಿದ್ದವು. ಬರ್ಮಿಂಗಂನ ದಕ್ಷಿಣ ಏಶ್ಯ ಸಮುದಾಯದ ಬಾಂಧವ್ಯ ವೃದ್ಧಿಗಾಗಿ ಇದನ್ನು ನಡೆಸಲಾಗಿತ್ತು.