ಕಬಡ್ಡಿ: ಒಂದೇ ದಿನ 3 ಗೆಲುವು

Team Udayavani, Aug 20, 2018, 6:55 AM IST

ಜಕಾರ್ತಾ: ಏಶ್ಯನ್‌ ಗೇಮ್ಸ್‌ ಕಬಡ್ಡಿಯಲ್ಲಿ ಭಾರತ ಮೊದಲ ದಿನವೇ 3 ಪಂದ್ಯಗಳನ್ನು ಗೆದ್ದು ಪಾರಮ್ಯ ಸಾಧಿಸಿದೆ. ಇವೆಲ್ಲವೂ ಏಕಪಕ್ಷೀಯ ಪಂದ್ಯಗಳಾಗಿದ್ದವು ಎಂಬುದು ವಿಶೇಷ.

ಪುರುಷರ ವಿಭಾಗದಲ್ಲಿ 2 ಪಂದ್ಯಗಳನ್ನಾಡಿದ ಭಾರತ, ಬೆಳಗ್ಗೆ ಬಾಂಗ್ಲಾದೇಶವನ್ನು 50-21 ಅಂಕಗಳಿಂದ ಹಿಮ್ಮೆಟ್ಟಿಸಿತು. ಸಂಜೆ ಶ್ರೀಲಂಕಾವನ್ನು 44-28 ಅಂತರದಿಂದ ಪರಾಭವಗೊಳಿಸಿತು.

ವನಿತಾ ತಂಡ ಜಪಾನ್‌ ವಿರುದ್ಧ 43-12 ಅಂತರದ ಭರ್ಜರಿ ಗೆಲುವು ಸಾಧಿಸಿತು.

ಬಾಸ್ಕೆಟ್‌ಬಾಲ್‌
ವನಿತೆಯರ ಬಾಸ್ಕೆಟ್‌ಬಾಲ್‌ ಲೀಗ್‌ ಪಂದ್ಯದಲ್ಲಿ ಭಾರತ ತಂಡ ಚೈನೀಸ್‌ ತೈಪೆ ಕೈಯಲ್ಲಿ 61-84 ಅಂತರದ ಸೋಲುಂಡಿತು.

ಬ್ಯಾಡ್ಮಿಂಟನ್‌
ಪುರುಷರ ತಂಡ ಸ್ಪರ್ಧೆಯಲ್ಲಿ ಮಾಲ್ಡೀವ್ಸ್‌ ವಿರುದ್ಧ ಭಾರತ 3-0 ಗೆಲುವು ಸಾಧಿಸಿತು.

ಟೆನಿಸ್‌
ಮಿಕ್ಸೆಡ್‌ ಡಬಲ್ಸ್‌ನಲ್ಲಿ ಕರ್ಮನ್‌ ಕೌರ್‌ ಥಾಂಡಿ-ದಿವಿಜ್‌ ಶರಣ್‌ ಫಿಲಿಪ್ಪೀನ್ಸ್‌ ಜೋಡಿ ವಿರುದ್ಧ 6-4, 6-4 ಗೆಲುವು ಪಡೆದರು.