ರಾಷ್ಟ್ರೀಯ ಕ್ರೀಡಾಕೂಟ ಮುಂದಕ್ಕೆ
Team Udayavani, May 29, 2020, 5:31 AM IST
ಹೊಸದಿಲ್ಲಿ: ಕೋವಿಡ್-19 ವೈರಸ್ ಕಾರಣದಿಂದ ಗೋವಾದಲ್ಲಿ ವರ್ಷಾಂತ್ಯ (ಅ. 20-ನ. 4) ನಡೆಯಬೇಕಿದ್ದ ರಾಷ್ಟ್ರೀಯ ಕ್ರೀಡಾಕೂಟವನ್ನು ಮುಂದೂಡಲಾಗಿದೆ. ಭಾರತೀಯ ಒಲಿಂಪಿಕ್ ಅಸೋಸಿಯೇಶನ್ (ಐಒಎ) ಗುರುವಾರ ಈ ನಿರ್ಧಾರ ಪ್ರಕಟಿಸಿತು. ಬಳಿಕ ಗೋವಾ ಉಪ ಮುಖ್ಯಮಂತ್ರಿ ಮನೋಹರ್ (ಬಾಬು) ಅಜ್ಗಾಂವ್ಕರ್ ಇದನ್ನು ಮಾಧ್ಯಮಗಳಿಗೆ ತಿಳಿಸಿದರು.
“ಕೋವಿಡ್-19 ಕಾರಣದಿಂದ ನ್ಯಾಶನಲ್ ಗೇಮ್ಸ್ ಸಂಘಟನಾ ಸಮಿತಿ ಇಂಥದೊಂದು ನಿರ್ಧಾರಕ್ಕೆ ಬಂದಿದೆ. ಸೆಪ್ಟಂಬರ್ನಲ್ಲಿ ಮುಂದಿನ ಸಭೆ ನಡೆಸಿ ಈ ಕ್ರೀಡಾಕೂಟದ ನೂತನ ದಿನಾಂಕವನ್ನು ಪ್ರಕಟಿಸಲಾಗುವುದು’ ಎಂದು ಅಜ್ಗಾಂವ್ಕರ್ ಹೇಳಿದರು.