ವಿಶ್ವ ಕುಸ್ತಿ ಚಾಂಪಿಯನ್ಶಿಪ್: ಕಂಚು ಜಯಿಸಿದ ಪೂಜಾ ದಂಡಾ
Team Udayavani, Oct 27, 2018, 6:00 AM IST
ಬುಡಾಪೆಸ್ಟ್ (ಹಂಗೇರಿ): ಭಾರತದ ವನಿತಾ ಕುಸ್ತಿಪಟು ಪೂಜಾ ದಂಡಾ “ವಿಶ್ವ ಕುಸ್ತಿ ಚಾಂಪಿಯನ್ ಶಿಪ್’ನಲ್ಲಿ 2017ರ ಯೂರೋಪಿಯನ್ ಚಾಂಪಿಯನ್ ನಾರ್ವೆಯ ಗ್ರೇಸ್ ಜಾಕೋಬ್ ಬುಲೆನ್ ಅವರನ್ನು 10-7 ಅಂಕಗಳಿಂದ ಸೋಲಿಸಿ ಕಂಚಿನ ಪದಕ ಜಯಿಸಿದ್ದಾರೆ.
ವನಿತೆಯರ 57 ಕೆಜಿ ವಿಭಾಗದ ಕಂಚಿನ ಪದಕದ ಪಂದ್ಯದ ಆರಂಭದಲ್ಲೇ ಪೂಜಾ 4-1 ಮುನ್ನಡೆಯಲ್ಲಿದ್ದರು. ಬಳಿಕ ಸತತ ದಾಳಿ ನಡೆ ಸುತ್ತ ಅಂಕವನ್ನು 6-1ಕ್ಕೆ ವಿಸ್ತರಿಸಿದರು. ಹೀಗೆ ಸ್ಪರ್ಧೆಯಲ್ಲಿ ಹಿಡಿತ ಸಾಧಿಸಿಕೊಂಡು ಬಂದ ಪೂಜಾ ಅಂತರವನ್ನು 10-2ಕ್ಕೆ ವಿಸ್ತರಿಸಿ ದರು. ಆನಂತರ ಆಕ್ರಮಣಕ್ಕಿಳಿದ ಬುಲೆನ್ ಸತತ 5 ಅಂಕ ಗಳಿಸಿ ಅಂತರವನ್ನು ಕಡಿಮೆಗೊಳಿಸಿದರು. ಅಂತಿಮವಾಗಿ 3 ಅಂಕಗಳ ಅಂತರದಿಂದ ಪೂಜಾ ಗೆಲುವು ದಾಖಲಿಸಿದರು.
ಅವರಿಗಿದು ಈ ಋತುವಿನಲ್ಲಿ ದೊರಕಿದ 2ನೇ ಅಂತಾರಾಷ್ಟ್ರೀಯ ಪದಕ. ಗೋಲ್ಡ್ಕೋಸ್ಟ್ ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ಪೂಜಾ ಬೆಳ್ಳಿ ಪದಕ ಜಯಿಸಿದ್ದರು. ಪೂಜಾ ಸಾಧನೆಯಿಂದ ಭಾರತ 6 ವರ್ಷಗಳ ಬಳಿಕ ವಿಶ್ವ ಕುಸ್ತಿ ಚಾಂಪಿಯನ್ ಶಿಪ್ ವನಿತಾ ವಿಭಾಗದಲ್ಲಿ ಭಾರತಕ್ಕೆ ಪದಕವೊಂದನ್ನು ಜಯಿಸಿತು. ಅಲ್ಲದೆ ಪೂಜಾ ದಂಡಾ ಈ ಕೂಟದಲ್ಲಿ ಪದಕ ಗೆದ್ದ ಭಾರತದ 4ನೇ ಕುಸ್ತಿಪಟು. ಇದಕ್ಕೂ ಮುನ್ನ ಅಲ್ಕಾ ತೋಮರ್ (2006), ಗೀತಾ ಪೋಗಟ್ (2012), ಬಬಿತಾ ಪೋಗಟ್ (2016) ಪದಕ ಜಯಿಸಿದ್ದಾರೆ. ಇದು ಪ್ರಸಕ್ತ ವಿಶ್ವ ಕುಸ್ತಿ ಚಾಂಪಿಯನ್ ಶಿಪ್ನಲ್ಲಿ ಭಾರತಕ್ಕೆ ಒಲಿದ 2ನೇ ಪದಕ. ಪುರುಷರ ವಿಭಾಗದಲ್ಲಿ ಭಜರಂಗ್ ಪೂನಿಯ ಬೆಳ್ಳಿ ಗೆದ್ದಿದ್ದರು.
ಮುಂದಿನ ಗುರಿ ಒಲಿಂಪಿಕ್ಸ್
“ಈ ಪದಕದ ಮೂಲಕ ದೇಶಕ್ಕೆ ಹೆಮ್ಮೆ ತಂದಿದ್ದೇನೆ. ಈ ಪ್ರಯತ್ನ ಸಂತಸ ತಂದಿದೆ. ನನ್ನ ಮುಂದಿನ ಗುರಿ ಟೋಕಿಯೊ ಒಲಿಂಪಿಕ್ಸ್. ನನ್ನಲ್ಲಿ ಆತ್ವವಿಶ್ವಾಸ ಹೆಚ್ಚಿದೆ. ಆದರೆ ಕೆಲವು ಅಂಶಗಳಲ್ಲಿ ಮತ್ತಷ್ಟು ಪರಿಣತಿ ಹೊಂದ ಬೇಕು. ಸರಿಯಾದ ತಯಾರಿಯೊಂದಿಗೆ ಮತ್ತೆ ಕುಸ್ತಿ ಅಂಗಳಕ್ಕೆ ಇಳಿಯುತ್ತೇನೆ’ ಎಂದು ಪೂಜಾ ಪ್ರತಿಕ್ರಿಯಿಸಿದ್ದಾರೆ.
ಇದಕ್ಕೂ ಮುನ್ನ ರಿತು ಪೋಗಟ್ ಕಂಚಿನ ಪದಕ ತಪ್ಪಿಸಿಕೊಂಡಿದ್ದರು. ಗ್ರೀಕೊ ರೋಮನ್ ವಿಭಾಗದಲ್ಲಿ ಸ್ಪರ್ಧಿಸಿದ 4 ವನಿತಾ ಕುಸ್ತಿ ಪಟುಗಳು ಒಂದೂ ಪಂದ್ಯ ಗೆಲ್ಲದೆ ನಿರಾಸೆ ಮೂಡಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Licenses: ಪತಂಜಲಿಗೆ ಸೇರಿದ 14 ಉತ್ಪನ್ನಗಳ ಲೈಸೆನ್ಸ್ ರದ್ದು ಮಾಡಿದ ಸರಕಾರ.. ಇಲ್ಲಿದೆ ಕಾರಣ
ಆ*ತ್ಮಹತ್ಯೆಗಾಗಿ 14ನೇ ಮಹಡಿ ಮೇಲಿನಿಂದ ಜಿಗಿದ ಯುವಕ ಬಾಳೆಗಿಡಕ್ಕೆ ಬಿದ್ದು ಬದುಕಿದ
Horoscope: ಯಾವುದೇ ಪರಿಸ್ಥಿತಿಯನ್ನು ಎದುರಿಸಿ ಕೆಲಸ ಮಾಡುವ ಧೈರ್ಯ ನಿಮ್ಮದಾಗಿರಲಿದೆ
ಕರಾವಳಿ ಜಿಲ್ಲೆಗಳಲ್ಲಿ ಗಗನಕ್ಕೇರಿದ ಹೂವಿನ ಧಾರಣೆ; ಖರೀದಿ ಪ್ರಮಾಣ ಇಳಿಕೆ
Manipal ಕಸ್ತೂರ್ಬಾ ಆಸ್ಪತ್ರೆ ; ಡಾ| ರಾಮದಾಸ್ ಎಂ. ಪೈ ಬ್ಲಾಕ್ ಇಂದು ಲೋಕಾರ್ಪಣೆ