Pro Kabaddi: ಮೇಲೇಳದ ತೆಲುಗು ಟೈಟಾನ್ಸ್‌

Team Udayavani, Jan 9, 2024, 11:15 PM IST

ಮುಂಬಯಿ: ಈ ಬಾರಿಯ ಪ್ರೊ ಕಬಡ್ಡಿ ಸೀಸನ್‌ನಲ್ಲಿ ಅಂತಿಮ ಸ್ಥಾನದಲ್ಲೇ ಉಳಿಯುವುದಾಗಿ ನಿರ್ಧರಿಸಿದಂತಿರುವ ತೆಲುಗು ಟೈಟಾನ್ಸ್‌ 10ನೇ ಸೋಲಿಗೆ ತುತ್ತಾಗಿದೆ. ಮಂಗಳವಾರದ ಮುಖಾಮುಖೀಯಲ್ಲಿ ಟೈಟಾನ್ಸ್‌ ವಿರುದ್ಧ ಬೆಂಗಾಲ್‌ ವಾರಿಯರ್ 46-26 ಅಂತರದ ಬೃಹತ್‌ ಜಯ ಸಾಧಿಸಿತು.

ಟೈಟಾನ್ಸ್‌ ಈವರೆಗೆ ಆಡಿದ 11 ಪಂದ್ಯಗಳಲ್ಲಿ ಗೆದ್ದದ್ದು ಒಂದನ್ನು ಮಾತ್ರ. ಬೆಂಗಾಲ್‌ ಕೂಡ ಈವರೆಗೆ ತೀರಾ ಮೇಲ್ಮಟ್ಟದ ಪ್ರದರ್ಶನವನ್ನೇನೂ ನೀಡಿಲ್ಲ. ಇದು 11 ಪಂದ್ಯಗಳಲ್ಲಿ ಸಾಧಿಸಿದ ಕೇವಲ 4ನೇ ಜಯ.

ಬೆಂಗಾಲ್‌ ಪರ ರೈಡರ್‌ ನಿತಿನ್‌ ಕುಮಾರ್‌, ಡಿಫೆಂಡರ್‌ ವೈಭವ್‌ ತಲಾ 9 ಅಂಕ ಗಳಿಸಿದರು. ಮತ್ತೋರ್ವ ರೈಡರ್‌ ವಿಶ್ವಾಸ್‌ 8, ನಾಯಕ ಶುಭಂ ಶಿಂಧೆ 6 ಅಂಕ ತಂದಿತ್ತರು. ತೆಲುಗು ಟೈಟಾನ್ಸ್‌ ಪರ ನಾಯಕ ಪವನ್‌ ಸೆಹ್ರಾವತ್‌ ಅವರದು ಏಕಾಂಗಿ ಹೋರಾಟವಾಗಿತ್ತು. ಅವರದು 11 ಅಂಕಗಳ ಸಾಧನೆ.