ಪ್ರೊ ವಾಲಿಬಾಲ್ : ಕ್ಯಾಲಿಕಟ್ ಫೈನಲ್ ಪ್ರವೇಶ
Team Udayavani, Feb 20, 2019, 5:21 AM IST
ಚೆನ್ನೈ: ಪ್ರೊ ವಾಲಿಬಾಲ್ ಪಂದ್ಯಾವಳಿಯಲ್ಲಿ ಕ್ಯಾಲಿಕಟ್ ಹೀರೋ ಅಜೇಯ ಓಟವನ್ನು ಮುಂದುವರಿಸಿ ಉದ್ಘಾಟನಾ ಆವೃತ್ತಿಯ ಫೈನಲ್ ಪ್ರವೇಶಿಸಿದೆ.
ಮಂಗಳವಾರ ನಡೆದ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಕ್ಯಾಲಿಕಟ್ ತಂಡ ಯು ಮುಂಬಾ ವಾಲಿ ತಂಡವನ್ನು 3-0 ಅಂತರದಿಂದ ಸೋಲಿಸಿದೆ. ಒಟ್ಟು ಆರು ಪಂದ್ಯಗಳನ್ನು ಆಡಿರುವ ಕ್ಯಾಲಿಕಟ್ ಎಲ್ಲ ಪಂದ್ಯ ಗಳಲ್ಲೂ ಜಯಭೇರಿ ಬಾರಿಸಿದೆ. ಮೂರು ಸೆಟ್ಗಳನ್ನೂ ಕ್ಯಾಲಿಕಟ್ 15-12, 15-9, 16-14 ಸೆಟ್ಗಳ ಅಂತರದಿಂದ ಗೆದ್ದಿದೆ.
ನಾಯಕ ಜೆರೊಮ್ ವಿನೀತ್ ಈ ಪಂದ್ಯದಲ್ಲೂ ಪಾರಮ್ಯ ಮೆರೆದು ಬೆಸ್ಟ್ ಸ್ಕೋರರ್ ಎನಿಸಿಕೊಂಡಿದ್ದಾರೆ. ಅವರು ಒಟ್ಟು 12 ಅಂಕಗಳನ್ನು ಸಂಪಾದಿಸಿ ತಂಡದ ಗೆಲುವಿಗೆ ಕಾರಣರಾದರು.