ಬೆಂಗಳೂರಿನಲ್ಲಿ ರಣಜಿ ನಾಕೌಟ್
Team Udayavani, Apr 29, 2022, 6:45 AM IST
ಮುಂಬಯಿ: ಐಪಿಎಲ್ ಬಳಿಕ ಮುಂದುವರಿ ಯಲಿರುವ ರಣಜಿ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯ ನಾಕೌಟ್ ಪಂದ್ಯಗಳ ಆತಿಥ್ಯ ಬೆಂಗಳೂರು ಪಾಲಾಗಿದೆ.
ಜೂನ್ 4ರಿಂದ 8ರ ತನಕ ಕ್ವಾರ್ಟರ್ ಫೈನಲ್ ಪಂದ್ಯಗಳು ನಡೆಯಲಿವೆ. ಈ ಪಂದ್ಯಗಳು ಬಂಗಾಲ-ಜಾರ್ಖಂಡ್, ಮುಂಬಯಿ-ಉತ್ತರಾಖಂಡ, ಕರ್ನಾಟಕ-ಉತ್ತರಪ್ರದೇಶ ಹಾಗೂ ಪಂಜಾಬ್-ಮಧ್ಯಪ್ರದೇಶ ನಡುವೆ ಸಾಗಲಿವೆ. 2 ಸೆಮಿ ಫೈನಲ್ ಪಂದ್ಯಗಳು ಜೂ. 12ರಿಂದ 16ರ ತನಕ ನಡೆಯಲಿವೆ. ಜೂ. 20ರಂದು ಫೈನಲ್ ಹಣಾಹಣಿ ಮೊದಲ್ಗೊಳ್ಳಲಿದೆ.