ತಾಯಿಯಾದ ಸಾನಿಯಾ ಮಿರ್ಜಾ ; ಸಂಭ್ರಮ ಹಂಚಿಕೊಂಡ ಶೋಯಿಬ್‌ ಮಲೀಕ್‌ 

Team Udayavani, Oct 30, 2018, 9:44 AM IST

ಹೊಸದಿಲ್ಲಿ: ಟೆನಿಸ್‌ ತಾರೆ ಸಾನಿಯಾ ಮಿರ್ಜಾ ಅವರು ಮಂಗಳವಾರ ಬೆಳಗ್ಗೆ ಮುದ್ದಾದ ಗಂಡು ಮಗುವಿಗೆ ತಾಯಿಯಾಗಿದ್ದಾರೆ. ಈ ಸಂತಸದ ವಿಚಾರವನ್ನು ಪತಿ, ಪಾಕ್‌ ಕ್ರಿಕೆಟಿಗ ಶೋಯಿಬ್‌ ಮಲೀಕ್‌ ಅವರು ಹಂಚಿಕೊಂಡಿದ್ದು ತಾಯಿ, ಮಗು ಇಬ್ಬರು ಆರೋಗ್ಯವಾಗಿದ್ದಾರೆ ಎಂದು ತಿಳಿಸಿದ್ದಾರೆ. 

ನಮಗೆ ಗಂಡು ಮಗು ಆಗಿದೆ. ನನ್ನ ಹುಡುಗಿ ಖುಷಿಯಾಗಿದ್ದಾಳೆ.  ಸಾಮಾನ್ಯವಾಗಿ ಇರುವ ಹಾಗೆಯೇ ಇದ್ದಾಳೆ. ನಿಮ್ಮ ಶುಭ ಹಾರೈಕೆಗಳು ಮತ್ತು ಪ್ರಾರ್ಥನೆಗಳಿಗೆ ಧನ್ಯವಾದಗಳು, ಎಂದು ಶೋಯಿಬ್‌ ಮಲೀಕ್‌ ಟ್ವೀಟ್‌ ಮಾಡಿದ್ದಾರೆ. 

ವಿಶ್ವದೆಲ್ಲೆಡೆಯಿಂದ ಸಾನಿಯಾ ಮತ್ತು ಶೋಯಿಬ್‌ ಅವರಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ. 

2010 ರ  ಎಪ್ರಿಲ್‌ 12 ರಂದು ಹೈದರಾಬಾದ್‌ನ ತಾಜ್‌ ಕೃಷ್ಣ ಹೊಟೇಲ್‌ನಲ್ಲಿ ಸಾನಿಯಾ-ಶೋಯೇಬ್‌ ವಿವಾಹ ಮುಸ್ಲಿಂ ಸಂಪ್ರದಾಯದಂತೆ ನಡೆದಿತ್ತು. 

ವಿವಾಹವಾದ ಬಳಿಕ ಸಾನಿಯಾ ತಾಯಿಯಾಗುವುದಿಲ್ಲವೆ ಎನ್ನುವ ಪ್ರಶ್ನೆಗಳು ಕೇಳಿ ಬಂದಿದ್ದವು. 2018ರ ಎಪ್ರಿಲ್‌ 23 ರಂದು ಸಾನಿಯಾ ಅವರು ಗರ್ಭಿಣಿಯಾಗಿರುವ ವಿಚಾರವನ್ನು ಸಾಮಾಜಿಕ ತಾಣಗಳಲ್ಲಿ ಪ್ರಕಟಿಸಿ ಎಲ್ಲಾ ಪ್ರಶ್ನೆಗಳಿಗೆ ಅಂತ್ಯ ಹಾಡಿ ಅಭಿಮಾನಿಗಳಲ್ಲಿ  ಸಂಭ್ರಮವನ್ನು ತಂದಿಟ್ಟಿದ್ದರು.