ಜೂ. ವಿಶ್ವಕಪ್ ಶೂಟಿಂಗ್: ಭಾರತಕ್ಕೆ ಅಗ್ರಸ್ಥಾನ
Team Udayavani, May 20, 2022, 6:31 AM IST
ಹೊಸದಿಲ್ಲಿ: ಜರ್ಮನಿಯಲ್ಲಿ ನಡೆದ ಐಎಸ್ಎಸ್ಎಫ್ ಜೂನಿಯರ್ ವಿಶ್ವಕಪ್ ಶೂಟಿಂಗ್ ಚಾಂಪಿಯನ್ಶಿಪ್ನಲ್ಲಿ ಭಾರತ ಅಗ್ರಸ್ಥಾನದ ಗೌರವ ಸಂಪಾದಿಸಿದೆ.
ಗುರುವಾರದ 50 ಮೀ. ರೈಫಲ್ ಸ್ಪರ್ಧೆಯಲ್ಲಿ ಸಿಫ್ತ್ ಕೌರ್ ಶರ್ಮ-ಸೂರ್ಯಪ್ರತಾಪ್ ಸಿಂಗ್ ಜೋಡಿ ಬೆಳ್ಳಿ ಪದಕ ಗೆದ್ದು ಈ ಎತ್ತರ ತಲುಪಿತು.
ಫೈನಲ್ನಲ್ಲಿ ಶರ್ಮ-ಸಿಂಗ್ ಜೋಡಿ ಪೋಲೆಂಡ್ ಶೂಟರ್ ವಿರುದ್ಧ ಸೋತು ಚಿನ್ನವನ್ನು ತಪ್ಪಿಸಿಕೊಂಡಿತು.
ಭಾರತ ಒಟ್ಟು 33 ಪದಕಗಳಿಗೆ ಗುರಿ ಇರಿಸಿತು. 13 ಚಿನ್ನ, 15 ಬೆಳ್ಳಿ ಹಾಗೂ 5 ಕಂಚಿನ ಪದಕಗಳನ್ನು ಇದು ಒಳಗೊಂಡಿದೆ.