ವಿಶ್ವ ಈಜು ಚಾಂಪಿಯನ್ಶಿಪ್: ರಿಲೇಯಲ್ಲಿ ಅಮೆರಿಕ ವಿಶ್ವದಾಖಲೆ
Team Udayavani, Jul 27, 2017, 8:50 AM IST
ಬುದಾಪೆಸ್ಟ್ (ಹಂಗೇರಿ): ವಿಶ್ವ ಈಜು ಚಾಂಪಿಯನ್ಶಿಪ್ನ 4/100 ಮೀ. ಮಿಶ್ರ ವಿಭಾಗದಲ್ಲಿ ಅಮೆರಿಕ ತಂಡ ವಿಶ್ವ ದಾಖಲೆ ನಿರ್ಮಿಸುವ ಮೂಲಕ ಚಿನ್ನದ ಪದಕ ಗೆದ್ದಿದೆ.
ಬುಧವಾರ ನಡೆದ ಸ್ಪರ್ಧೆಯಲ್ಲಿ ಅಮೆರಿಕದ ರಿಯಾನ್ ಮರ್ಫಿ, ಕೆವಿನ್ ಕಾರ್ಡಸ್, ಕೆಲ್ಸಿ ವೊರೆಲ್ ಮತ್ತು ಮಲ್ಲೊರಿ ತಂಡ 3 ನಿಮಿಷ, 40.28 ಸೆಕೆಂಡ್ನಲ್ಲಿ ಗುರಿ ಮುಟ್ಟಿ ವಿಶ್ವದಾಖಲೆ ನಿರ್ಮಿಸಿತು. ಇದಕ್ಕೂ ಮುನ್ನ ಬ್ರಿಟನ್ ತಂಡ 2 ವರ್ಷದ ಹಿಂದೆ 3 ನಿಮಿಷ, 41.71 ಸೆಕೆಂಡ್ನಲ್ಲಿ ಗುರಿ ಮುಟ್ಟಿ ವಿಶ್ವ ದಾಖಲೆ ನಿರ್ಮಿಸಿತ್ತು. ಇದೀಗ ಈ ದಾಖಲೆಯನ್ನು ಅಮೆರಿಕ ತಂಡ ಮುರಿದಿದೆ.