ಕೋವಿಡ್:ರಾಜ್ಯದಲ್ಲಿಂದು 14785 ಸೋಂಕಿತರು ಗುಣಮುಖ; 5041 ಹೊಸ ಪ್ರಕರಣ ಪತ್ತೆ
Team Udayavani, Jun 15, 2021, 7:44 PM IST
ಬೆಂಗಳೂರು: ಹೆಮ್ಮಾರಿ ಕೋವಿಡ್ ಸೋಂಕು ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದೆ. 5041 ಜನರಿಗೆ ಪಾಸಿವಿಟ್ ಸೋಂಕು ತಗುಲಿರುವುದು ದೃಢಪಟ್ಟಿದೆ.
ಇಂದು (ಜೂನ್ 15) ಸಂಜೆ ಕರ್ನಾಟಕ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ, ಕಳೆದ 24 ಗಂಟೆಗಳ ( ದಿನಾಂಕ:14,06,2021,00:00 ರಿಂದ 23:59ರ ವರೆಗೆ) ರಾಜ್ಯದಲ್ಲಿ 5041ಕೋವಿಡ್ ಹೊಸ ಪ್ರಕರಣಗಳು ವರದಿಯಾಗಿವೆ. ಹಾಗೂ ಇದೆ ಅವಧಿಯಲ್ಲಿ 115 ಮಂದಿ ಸಾವನ್ನಪ್ಪಿದ್ದಾರೆ.
ಇಂದು ಪಾಸಿಟಿವಿಟಿ ದರ ಶೇಕಡ 3.8 ಕ್ಕೆ ಇಳಿಕೆಯಾಗಿದ್ದು, ಬೆಂಗಳೂರಿನಲ್ಲಿ ಎರಡು ತಿಂಗಳುಗಳಲ್ಲಿ ಮೊದಲ ಬಾರಿಗೆ ಕೋವಿಡ್ ಪ್ರಕರಣಗಳು 1000 ಕ್ಕಿಂತ ಕಡಿಮೆಯಾಗಿದೆ.
ಗುಣಮುಖರಾದವರ ಸಂಖ್ಯೆ :
ರಾಜ್ಯದಲ್ಲಿಂದು 14785 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ಸೋಂಕಿನಿಂದ ಗುಣಮುಖರಾದವರ ಸಂಖ್ಯೆ 2581559ಕ್ಕೆ ತಲುಪಿದೆ.
ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :
ಬಾಗಲಕೋಟೆ-23, ಬಳ್ಳಾರಿ-122, ಬೆಳಗಾವಿ-95, ಬೆಳಗಾವಿ ಗ್ರಾಮಾಂತರ-133, ಬೆಂಗಳೂರು ನಗರ-985, ಬೀದರ್-2,ಚಾಮರಾಜನಗರ-79, ಚಿಕ್ಕಬಳ್ಳಾಪುರ-65,ಚಿಕ್ಕಮಗಳೂರು-224, ಚಿತ್ರದುರ್ಗ-95,ದಕ್ಷಿಣ ಕನ್ನಡ-482, ದಾವಣಗೆರೆ-183, ಧಾರವಾಡ-65,ಗದಗ-21, ಹಾಸನ-522, ಹಾವೇರಿ-29, ಕಲಬುರಗಿ-26, ಕೊಡುಗು-64,ಕೋಲಾರ-162,ಕೊಪ್ಪಳ-30,ಮಂಡ್ಯ-213, ಮೈಸೂರು-490,ರಾಯಚೂರು-5,ರಾಮನಗರ-25, ಶಿವಮೊಗ್ಗ-282, ತುಮಕೂರು-329,ಉಡುಪಿ-107,ಉತ್ತರ ಕನ್ನಡ-122,ವಿಜಯಪುರ-50, ಯಾದಗಿರಿ-11.